Geo/Eng/Rus
xarisxi saukeTeso fasad!

ტექნიკური ინფორმაცია საბურავების შესახებ

როგორ განვსაზღვროთ საბურავის სიჩქარის კატეგორია, საბურავზე დასაშვები დატვირთვის ინდექსი და ექსპლუატაციის მაჩვენებლები

 

მაგალითისთვის ავიღოთ საბურავი P195/60R15 87S. ზომის აღმნიშვნელი წარწერის ბოლოს ვხედავთ აღნიშვნას „87S“. ეს არის საბურავის ექსპლუატაციის მაჩვენებელი. ექსპლუატაციის მაჩვენებელი აღნიშნავს საბურავზე დასაშვები დატვირთვის (კგ) ინდექსსა და სიჩქარის კატეგორია. სიჩქარის ყველა კატეგორიის საბურავზე, რომელიც 1991 წლის შემდეგ არის გამოშვებული (გარდა სიჩქარის Z კატეგორიისა) სავალდებულო წესით მითითებული უნდა იყოს ექსპლუატაციის მაჩვენებლები.

პირველი ორი ციფრი (87) აღნიშნავს საბურავის დატვირთვის ინდექსს. მათ მოსდევს ერთი ლათინური ასო (S), რომელიც აღნიშნავს საბურავის სიჩქარის კატეგორიას.

მაგალითად, თუ თქვენ იყენებთ P195/60R15 87S საბურავს, რომელიც ჩვენ მოგვყავს მაგალითის სახით, ბოლოში აღნიშვნა „87S“ არის საბურავის ექსპლუატაციის მაჩვენებელი. ექსპლუატაციის მაჩვენებელი აღნიშნავს საბურავზე დასაშვები დატვირთვის ინდექსსა და სიჩქარის კატეგორიას.

 

დატვირთვის (წონის) ინდექსი

P195/60R15 87S - დატვირთვის ინდექსი (87) არის საბურავის ზომის აღმნიშვნელი რიცხვითი სიდიდე სხვადასხვა ფარდობითი ტვირთამწეობის შესადარებლად. ჩვეს მაგალითში რიცხვი „87“ აღნიშნავს საბურავის დატვირთვის მაჩვენებელს, რომელსაც შეესაბამება დაახლოებით 545 კგ ტოლი ტვირთამწეობა.

 

 

დატვირთვის

ინდექსი

 

 

კილოგრამი

 

 

დატვირთვის

ინდექსი

 

კილოგრამი

71

345

91

615

72

355

92

630

73

365

93

650

74

375

94

670

75

387

95

690

76

400

96

710

77

412

97

730

78

425

98

750

79

437

99

775

80

450

100

800

81

462

101

825

82

475

102

850

83

487

103

875

84

500

104

900

85

515

105

925

86

530

106

950

87

545

107

975

88

560

108

1000

89

580

109

1030

90

600

110

1060

 

თუ საბურავის დატვირთვის ინდექსი მეტია, ვიდრე ორიგინალი აღჭურვილობის საბურავისა, ეს ნიშნავს იმას, რომ დატვირთვის მაჩვენებელი გაზრდილია. თუ საბურავის დატვირთვის ინდექსი ტოლია ორიგინალი აღჭურვილობის საბურავისა, აღნიშნული მიუთითებს დატვირთვის ერთნაირ მაჩვენებლებზე. თუ საბურავის დატვირთვის ინდექსი ნაკლებია, ვიდრე ორიგინალი აღჭურვილობის საბურავისა, ეს ნიშნავს იმას, რომ საბურავის დატვირთვის ინდექსი არ არის ორგინალი საბურავის ტვირთამწეობის ექვივალენტური.

როგორც წესი, მსუბუქი მანქანებისა და მსუბუქი სატვირთო ავტომობილების (LTR) საბურავების დატვირთვის ინდექსი მერყეობს 70-დან 110-მდე.

 

რაც შეეხება მსუბუქი სატვირთო ავტომობილებისა (LT) და შედარებით ახალი გამოშვების სპეციალური ტრაილერის (ST) საბურავებს, მათზე მოცემულია დატვირთვის ინდექსის ორი მაჩვენებელი, რომლებიც ერთმანეთისგან დახრილი ხაზით არის გამოყოფილი. მაგალითისთვის ავიღოთ საბურავი LT235/75R15 104/101S, რომლის დატვირთვის დიაპაზონია C. ამ საბურავის დატვირთვის ინდექსია 104/101. ზემოთ მოყვანილ ცხრილზე დაყრდნობით, შეგვიძლია, დავასკვნათ, რომ 104 შეესაბამება 900 კგ-ს, ხოლო 101 შეესაბამება 825 კგ. ამ შემთხვევაში როგორ განვსაზღვროთ საბურავის დატვირთვის ზუსტი ინდექსი? პასუხი დამოკიდებულია იმაზე, თუ რა პირობებში ხდება საბურავის ექსპლუატაცია.

რადგან LT საბურავები როგორც წესი, გამოიყენება ორმაგი უკანა საბურავების მქონე სატვირთო ავტომობილებზე, მათზე მითითებულია დატვირთვის ორი ინდექსი. პირველი მაჩვენებელი აღნიშნავს საბურავის ტვირთამწეობას, როდესაც საბურავი დგება ავტომობილზე, რომელსაც აქვს ცალბორბლიანი უკანა ღერძი, ხოლო მეორე მაჩვენებელი აღნიშნავს მსუბუქ სატვირთო ავტომობილზე ორმაგი უკანა საბურავის ტვირთამწეობას. 

შეიძლება, უცნაურად მოგეჩვენოთ ის ფაქტი, რომ საბურავი გათვლილია ნაკლებ ტვირთამწეობაზე, როდესაც მეორე საბურავთან ერთად წყვილში მუშაობს, მაგრამ ასეთი სარეზერვო ტვირთამწეობა დადგენილია იმ ანგარიშით, რომ თუ წყვილი საბურავიდან ერთ-ერთი გამოვა მწყობრიდან, მეორე საბურავს მოუწევს ორ საბურავზე გათვლილი დატვირთვით მუშაობა. 

 

სიჩქარის კატეგორია

გერმანიაში ზოგიერთ ტრასაზე არ არის სიჩქარის შეზღუდვის ნიშანი. შესაბამისად, ასეთ გზებზე დაშვებულია ავტომობილების მაღალი სიჩქარით მოძრაობა. სიჩქარის კატეგორიები დადგენილია იმ მიზნით, რომ მძღოლს ჰქონდეს შესაძლებლობა, შეუსაბამოს საბურავის სიჩქარის განვითარების უნარი ავტომობილის სიჩქარის ზედა ზღვარს. სიჩქარის კატეგორიები მოცემულია კმ/სთ ერთეულით, რომელიც შესაბამისად, გარდაიქმნება მილი/სთ ერთეულში (ამით აიხსნება, თუ რატომ არის სიჩქარის კატეგორიები მოცემული მილი/სთ ერთეულის დანაყოფებით). მართალია, საბურავების მწარმოებელ კომპანიებს ტექნიკურად არ გაუჭირდებათ მაღალჩქაროსნული საბურავების გამოშვება, მაგრამ არც ერთი მათგანი არ იძლევა საბურავის გამოყენების რეკომენდაციას ოფიციალურად მითითებულ ზღვარს ზემოთ. ავტომობილის მოძრაობის მაქსიმალური სიჩქარე არ უნდა აღემატებოდეს მოცემულ ავტომობილზე გათვალისწინებული საბურავის დადგენილ მინიმალურ სიჩქარეს.

სიჩქარის კატეგორიები დგინდება ლაბორატორიული ტესტებით. საბურავი მაგრდება დიდი დიამეტრის ლითონის ცილინდრზე ისეთი ძალით, რომელიც შეესაბამება საბურავზე შესაბამის დატვირთვას. საბურავს ატრიალებენ მუდმივად მზარდი სიჩქარით (საათში 6.2 მილის ნაზარდებით, 10-წუთიანი ინტერვალებით), სანამ საბურავი არ მიაღწევს საჭირო სიჩქარეს.

უნდა აღინიშნოს, რომ როდესაც ვსაუბრობთ საბურავის სიჩქარის კატეგორიაზე, იგულისხმება საბურავი, რომელიც არ არის დაზიანებული, გადაკეთებული, ჩაფუშული ან გადატვირთულ მდგომარეობაში. ამას გარდა, საბურავების მწარმოებელი კომპანიები მძღოლებს აფრთხილებენ, რომ გაჭრილი და გახვრეტილი საბურავის შემთხვევაში არ იხელმძღვანელონ ინფორმაციით მწარმოებლის მიერ დადგენილი სიჩქარის კატეგორიის შესახებ საბურავის შეკეთების შემთვევაშიც კი, რადგან მწარმოებელს არ აქვს საშუალება, შეამოწმოს საბურავის რემონტის ხარისხი.

წლების მანძილზე პრაქტიკაში დამკვიდრდა საბურავებზე სიჩქარის კატეგორიის მითითების შემდეგი სამი ხერხი: 

225/50SR16

225/50SR16 89S

ან 225/50R16 89S

 წარსულში გამოშვებულ საბურავებზე სიჩქარის კატეგორია მითითებული იყო საბურავის ზომის აღნიშვნაში, მაგ., 225/50SR16. საბურავები ასეთი აღნიშვნით 1991 წლიდან აღარ გამოდის.

1991 წლიდან სიჩქარის სიდიდე, რომელიც აღნიშნავს ახალი საბურავების სიჩქარის განვითარების ფიქსირებულ მაქსიმალურ სიდიდეს, მოცემული უნდა იყოს საბურავის ექსპლუატაციის მაჩვენებელში, კერძოდ, სიჩქარის კატეგორიის ნაწილში, მაგ., 225/50R16 89S. საბურავის სიჩქარის კატეგორიის, მაქსიმალური სიჩქარისა და ტიპიური დანიშნულების ყველაზე გავრცელებული სიმბოლოები მოცემულია ქვემოთ:

 

L

75 მილი/სთ

120 კმ/სთ

„ოფ-როუდ“ და მსუბუქი სატვირთო ავტომობილები

M

81 მილი/სთ

130 კმ/სთ

დროებითი სათადარიგო საბურავები

N

87 მილი/სთ

140კმ/სთ

 

P

93 მილი/სთ

150 კმ/სთ

 

Q

99 მილი/სთ

160 კმ/სთ

კბილანებიანი, "დაშიპული" (ან კბილანების გარეშე) ზამთრის საბურავები

R

106 მილი/სთ

170 კმ/სთ

H.D. მსუბუქი სატვირთო ავტომობილები

S

112 მილი/სთ

180 კმ/სთ

ოჯახური სედანები და ფურგონები

T

118 მილი/სთ

190 კმ/სთ

ოჯახური სედანები და ფურგონები

U

124 მილი/სთ

200 კმ/სთ

 

H

130 მილი/სთ

210 კმ/სთ

სპორტული სედანები და კუპეები

V

149 მილი/სთ

240 კმ/სთ

სპორტული სედანები, კუპეები და სპორტული მანქანები

 

Z კატეგორიის საბურავები გათვალისწინებული მაქსიმალურ შესაძლო სიჩქარეზე, კერძოდ, მათ უნდა ემოძრავათ 240 კმ/სთ სიჩქარით. მართალია, Z-საბურავი 240 კმ/სთ-ზე მეტი სიჩქარით მოძრაობს, მაგრამ რეალურად ავტომობილის მოძრაობა უფრო მაღალი სიჩქარითაც არის საჭირო. ამიტომ საავტომობილო ინდუსტრიაში გაჩნდა W- და Y სიჩქარის კატეგორიის საბურავები, რომლებიც აკმაყოფილებს ახალი ავტომობილების მოთხოვნებს, რომლებიც ავითარებენ უდიდეს სიჩქარეებს.

 

W

168 მილი/სთ

270 კმ/სთ

სპორტული მანქანები

Y

186 მილი/სთ

300 კმ/სთ

სპორტული მანქანები

 

Z კატეგორია ხშირად არის მითითებული საბურავის ზომის აღნიშვნაში (მაგ.,225/50ZR16 91W), მაგრამ ასო „Z“ აღნიშნავს 149 მილი/სთ-ზე ანუ 240 კმ/სთ-ზე მეტ სიჩქარეს; ასო „W“ ექსპლუატაციის მაჩვენებელში აღნიშნავს 168 მილი/სთ-ზე ანუ 270 კმ/სთ-ზე მეტ სიჩქარეს.

 

225/50ZR16

>149 მილი/სთ, 240 კმ/სთ

205/45ZR17 88W

168 მილი/სთ, 270 კმ/სთ

285/35ZR19 99Y

186 მილი/სთ, 300 კმ/სთ

 

უკანასკნელ პერიოდში, როდესაც Y სიჩქარის კატეგორია მითითებულია საბურავის ექსპლუატაციის მაჩვენებელში ფრჩხილებში, მაგალითად, 285/35ZR19 (99Y), საბურავის მაქსიმალური სიჩქარე მოწმდება 270 კმ/სთ-ზე მეტ სიჩქარეზე, რაც ექსპლუატაციის მაჩვენებელში შემდეგნაირად არის მითითებული:

 

285/35ZR19 99Y

300 კმ/სთ

285/35ZR19 (99Y)

>300 კმ/სთ

 

რადგან ავტომობილების მოძრაობის სიჩქარე ავტობანზე სამოძრაო სიჩქარეებამდეა გაზრდილი, საბურავის ტექნიკური მონაცემების უკეთ დახასიათების მიზნით შემოღებული იქნა საბურავის სიჩქარის კატეგორიები, რაც საშუალებას აძლევს მძღოლებს, შეუსაბამონ საბურავის სიჩქარის დატვირთვა ავტმობილის მაქსიმალურ სიჩქარეს.

[+995 32] 214 40 40, [+995 32] 215 40 40