ზაფხულის დადგომასთან ერთად მატულობს ტემპერატურა, რამაც შესაძლოა მნიშვნელოვანი გავლენა იქონიოს ჩვენი ავტომობილის ზოგიერთ დეტალზე, ამიტომ როგორც ზამთრის სეზონზე, ზაფხულშიდაც საჭიროა ყურადღება მივაქციოთ რამდენიმე საკითხს, რათა ჩვენმა ავტომობილმა გამართულად შეძლოს ფუნქციონირება და უზრუნველყოს ჩვენი კომფორტული მგზავრობა.
ამ ბლოგში შემოგთავაზებთ 5 მნიშვნელოვან რჩევას, რომელთა გათვალისწინება დაგეხმარებათ მომზადებული შეხვდეთ ზაფხულის სეზონს.
გამაგრილებელი სისტემა - ზაფხულის ცხელ დღეებში ისევე როგორც ჩვენ, ავტომობილსაც სჭირდება გაგრილება. ეს მისია მის გაგრილების სისტემას აკისრია. მნიშვნელოვანია მისი შემადგენელი ნაწილების პერიოდული შემოწმება და ვიზუალური დაკვირვება, რათა მაგალითად, მილები ან გადაბმის ადგილები არ იყოს დაზიანებული და არ ჟონავდეს სითხე. ამასთანავე მნიშვნელოვანია ვაკონტროლოთ ანტიფრიზის დონე რადიატორში, რადგან ის იცავს წყალს როგორც გაყინვისგან, ასევე დუღილისა და აორთქლებისგანაც. გარდა ამისა ანტიფრიზი, სპეციალური დანამატების მეშვეობით, იცავს გამაგრილებელი სისტემის შემადგენელ კომპონენტებს კოროზიისაგან.
კონდინციონერი - თუ თქვენი ავტომობილის კონდინციონერს რაიმე პრობლემა აქვს, მაშინ დროა იზრუნოთ მის შეკეთებაზე, რათა მან უზრუნველყოს თქვენი და თქვენი თანამგზავრების გაგრილება ზაფხულის ცხელ დღეებში. შეამოწმეთ ფრეონის მდგომარეობა და ამასთანავე გაითვალისწინეთ სალონის ფილტრიც, რათა მან შეუფერხებლად შეძლოს ჰაერის ნაკადის მიწოდება.
მინამწმენდი - სიცხისა და მზის მუდმივი ზემოქმედების შედეგად ხშირია შემთხვევები, როდესაც მინამწმენდის რეზინის სტრუქტურა ზიანდება და ვეღარ ასრულებს გამართულად საკუთარ მოვალეობას. ამიტომ მნიშვნელოვანია მათი პერიოდული შემოწმება და საჭიროების შემთხვევაში მათი შეცვლა.
ძრავის ღვედი - ზაფხულში, ძრავის მუშაობის პროცესში წარმოქმნილ სიმხურვალეს ემატება გარემოში არსებული მაღალი ტემპერატურა, ამიტომ ხშირია შემთხვევები, როდესაც სიცხე აზიანებს და აშრობს ძრავის ღვედს, რითაც ირღვევა მისი სტრუქტურა, რის გამოც ის გამართულად ვეღარ ასრულებს საკუთარ მოვალეობას და საჭიროებს შეცვლას.
აუცილებელი სითხეები - მნიშვნელოვანია, სამუხრუჭო სითხის, საჭის მექანიზმის გამაძლიერებელი სითხის, მინამწმენდის სითხისა და ძრავის ზეთის დონის პერიოდული შემოწმება, რათა მათი დონე მუდმივად შეესაბამებოდეს მწარმოებლის მიერ დადგენილ სტანდარტს.
გაითვალისწინეთ ზემოაღნიშნული რჩევები, რათა თქვენი ავტომობილი გამართულად გემსახუროთ ზაფხულის სეზონზე.