ჯიბის რაკეტა

გსმენიათ DIG-TR-ის შესახებ? ის წარმოადგენს მსოფლიოში ყველაზე კომპაქტურ და ამავე დროს მძლავრ საავტომობილო ძრავს რაც კი ოდესმე შექმნილა, რომელიც  NISSAN-მა შექმნა.

 

ყველაზე დიდ გაკვირვებას მისი ტექნიკური მონაცემები იწვევს, ის წარმოადგენს 1.5 ლიტრი მოცულობის 3 ცილინდრიან ტურბო ძრავს, რომელიც უპრეცედენტოდ დიდ, 400 ცხენის ძალასა და მაქსიმალურ 380 ნ/მ მაბრუნებელ მომენტს გამოიმუშავებს, მისი წონა კი სულ რაღაც 40 კილოგრამია. 

 

თავის დროზე ეს ძრავი იმისთვის შეიქმნა, რომ კონკურენცია გაეწია თანამედროვე F1-ის ბოლიდების ძრავებისთვის. პირველი ავტომობილი კი, რომელიც აღნიშნული აგრეგატით აღიჭურვა, სპეციალურად Le Mans-ის 24 საათიანი რბოლებისთვის შექმნილი Nissan’s Zero Emission ZEOD იყო, რომლის დებიუტიც 2014 წელს შედგა.

 

იმ დროისათვის, 1.5 ლიტრი მოცულობიდან, სხვა ავტო მწარმოებლები დაახლოებით 200 ცხენის ძალის ფარგლებში იღებდნენ სიმძლავრეს, Nissan კი ფაქტობრივად უკონკურენტო გახდა ამ ძრავის შექმნით.

სპეციალურად DIG-TR-ისთვის Nissan-ის ინჟინრები  აქტიურად თანამშრომლობდნენ  საპოხი მასალების პარტნიორ კომპანია Total-თან, რათა მაქსიმალურად გაეზარდათ მისი პოტენციალი და სიცოცხლისუნარიანობა.

 

ასე რომ, თავის დროზე Nissan-ის გუნდმა დიდი სამუშაო გაწია, რათა მიეღწიათ დასახული მიზნისთვის, რომელიც გულისხმობდა საავტომობილო სამყაროში ახალი, საწვავის ეფექტურობის, აეროდინამიკისა და მართვადობის სტანდარტის შექმნას.