საბურავი ავტომობილის ერთ-ერთ მნიშვნელოვან დეტალს წარმოადგენს, ავტომობილით გადაადგილებისას ის პასუხისმგებელია მრავალ მნიშვნელოვან საკითხზე, მაგალითად როგორებიცაა, უსაფრთხო და კომფორტული მგზავრობა, ეფექტური სამუხრუჭო მანძილი, მოჭიდება, აჩქარება და სხვა. ამიტომ მისი შეძენისას მნიშვნელოვანია გავითვალისწინოთ რიგი საკითხები, მაგალითად ის თუ რა კლიმატურ პირობებში გვიწევს გადაადგილება, რა მანძილს გავდივართ ყოველ დღიურად, როგორი რელიეფური გზის საფარზე გვიწევს ყველაზე ხშირად მგზავრობა და ამასთანავე, რომელი სეზონისთვის გვსურს შეძენა.
ამ ბლოგში ვისაუბრებთ 5 ძირითად მიზეზზე, თუ რა უპირატესობა აქვს ახალ საბურავს, მეორადთან შედარებით.
უსაფრთხოება - თუ თქვენ და თქვენს ახლობლებს ხშირად გიწევთ ავტომობილით შორ დისტანციაზე გადაადგილება ან სამოგზაუროდ წასვლა, მაშინ უსაფრთხოება ნამდვილად პრიორიტეტული საკითხია. ამ მხრივ, ახალი საბურავების კომპლექტი მნიშვნელოვან როლს თამაშობს. თუ თქვენი ავტომობილი მეორადი საბურავებითაა აღჭურვილი, ვიზუალურად ისინი რაც არ უნდა კარგად გამოიყურებოდეს, დიდი ალბათობით საექსპლუატაციო ვადა ამოწურული ექნება, რაც იმას ნიშნავს რომ, შესაძლოა დაზიანებული ქონდეს როგორც შემადგენელი სტრუქტურა, ასევე დაკარგული ქონდეს ყველა ის მახასიათებელი, რაც საჭიროა უსაფრთხო მგზავრობისთვის.
მანევრი - მეორადი საბურავებისგან განსხვავებით, ახალი საბურავების კომპლექტი, საჭირო სიმაღლის პროტექტორის წყალობით, უზრუნველყოფს, როგორც ეფექტურ სამუხრუჭო მანძილს, ასევე დროულ აჩქარებასა და მობრუნების რადიუსს. ამასთანავე უკეთესად ეჭიდება როგორც ტალახიან და თოვლიან, ასევე სველ გზის ზედაპირს და მაქსიმალურად გამორიცხავს მოცურების ფაქტორს.
ცვეთა - როგორც წესი, მეორადი საბურავების შემთხვევაში, პროტექტორის არათანაბარ ცვეთასთან ერთად, ხშირად შევხვდებით მის მნიშვნელოვნად შემცირებულ სიმაღლეს, რის გამოც მძღოლს სჭირდება უფრო მეტი ძალისხმევა ავტომობილით გადაადგილებისას, ამასთანავე იხარჯება უფრო მეტი ენერგია ავტომობილის ყოველი მანევრის დროს, ეს კი პირდაპირ აისახება წვაზე. როგორც წესი ასეთ შემთხვევაში მნიშვნელოვნად იმატებს საწვავის ხარჯი.
გარემოზე ზრუნვა - ახალი საბურავის შექმნისას კომპანიები აქტიურად იყენებენ ნატურალურ მასალებს, რაც საბურავს უფრო გამძლეს ხდის და ამცირებს მისი ცვეთის ხარისხს, შესაბამისად ნაკლებად გამოყოფს გარემოსთვის დამაბინძურებელ მტვერს, ამასთანავე მისი გადამუშავება გარემოს ნაკლებ ზიანს აყენებს.
კომფორტი - ახალი საბურავები, მეორადებისგან განსხვავებით, გზის საფართან უკეთესი მოჭიდების გამო, უზრუნველყოფს გაუმჯობესებულ მართვას, ამასთანავე, მეორადი საბურავებისგან განსხვავებით არ ხმაურობს. ასე რომ, ახალი საბურავების შეძენით გარანტირებული გაქვთ კომფორტული მგზავრობა, ეს განსაკუთრებით შესამჩნევი მაშინ ხდება, თუ შორ დისტანციაზე გადაადგილდებით.
საბოლოოდ რომ, შევაჯამოთ, ძირითადი ფაქტორი, რის გამოც მომხმარებელი ახალი საბურავის მაგივრად მეორად საბურავს ყიდულობს, ეს მისი შედარებით დაბალი საბაზრო ფასია.
მეორადი საბურავის შედარებით ხელმისაწვდომ ფასად ყიდვის შემთხვევაში, რეალურად, არ ვიცით რა ხარისხისა და რა ტიპის პროდუქციას ვიძენთ, გარდა ამისა, არ ვიცით რა პირობებში ინახებოდა, რა დაზიანება ქონდა მიღებული და როგორ უვლიდნენ თავის დროზე მას, სანამ ის ჩვენს ხელში აღმოჩნდებოდა. ამ ფაქტორების გათვალისწინებით, შესაძლოა მათ რამდენიმე თვეც კი ვერ გაძლონ. ასეთ შემთხვევაში კი, დავდგებით სერიოზული ფინანსური ზარალის წინაშე.
ყველა ზემოხსენებული ფაქტორის გათვალისწინებით, ჯობს გადავიხადოთ უფრო მეტი და სამაგიეროდ, ჩვენი მგზავრობა გავხადოთ გარანტირებულად კომფორტული და მშვიდი.