სტატისტიკის მიხედვით, ავტომობილით გადაადგილებისას, ავარიათა ერთ-ერთი ყველაზე მეტი რაოდენობა უკანა მხრიდან შეჯახებისას ხდება. მსგავსი ავარიების დროს, ძირითად შემთხვევაში მიზეზი არასათანადო დისტანციის დაცვა ხდება, შედეგად მძღოლს არ აქვს საკმარისი დრო, რეაგირება მოახდინოს მოულოდნელად შენელებული ან შეჩერებული მოძრაობის მიმართ.
სწორედ ამიტომ, ამ ბლოგში ვისაუბრებთ ე.წ ,,სამ წამიან წესზე“, რომელიც დაგეხმარებათ თავიდან აირიდოთ მოულოდნელი შეჯახება.
თქვენს ავტომობილსა და წინ მიმავალ მანქანას შორის მანძილის გაზრდა დაგეხმარებათ, მოულოდნელი საფრთხის დროულად შემჩნევასა და შესაბამისად საჭირო რეაგირების მოხდენაში. მრავალი ქვეყნის უსაფრთხოების გენერალურმა საბჭომ დაადგინა, რომ საჭიროა სამ წამიანი დისტანციის დაცვა ანუ ის მანძილი, რომელსაც ავტომობილი სამ წამში დაფარავს.
სამ წამიანი მანძილის დადგენა საკმაოდ მარტივია, ამისათვის საჭიროა შეარჩიოთ გზის პირას არსებული მცენარე ან რომელიმე საგანი, შემდეგ დააკვირდით როდის გაივლის ამ ნიშნულს თქვენს წინ მიმავალი ავტომობილი, შემდგომ კი, რამდენი წამი დაგჭირდებათ იმავე ნიშნულამდე მისასვლელად. თუ ეს დრო 3 წამზე ნაკლებია, მაშინ აუცილებელია დისტანციის გაზრდა.
თუმცა არის სიტუაციები, როდესაც სამი წამიანი დრო არ არის საკმარისი, მაგალითად როდესაც რთული მეტეოროლოგიური პირობებია ან და გართულებულია ხილვადობა, მსგავს სიტუაციაში საჭიროა დისტანციის კიდევ უფრო გაზრდა. სამგზავრო ავტომობილების გარდა, ეს განსაკუთრებით ეხება სატვირთო ავტომობილებსა და ტრაილერებს, რომლებიც იყენებენ ბუქსირებას.
მაშინაც კი, როდესაც იყენებთ სამ წამიან მეთოდს, მნიშვნელოვანია გავითვალისწინოთ ისეთი ხელისშემშლელი ფაქტორები, როგორებიცაა, ტელეფონით ტექსტური ინფორმაციის წერა, ალკოჰოლური სასმლის მიღება ან თუნდაც სანავიგაციო სისტემაზე ხანგრძლივი დაკვირვება, ყველა ეს ფაქტორი ზრდის შეჯახების ალბათობას.
გაითვალისწინეთ ზემოაღნიშნული სამ წამიანი მეთოდი და დაიცავით საჭირო დისტანციის მანძილი, რომლითაც მარტივად შეძლებთ თავიდან აირიდოთ სახიფათო და არასასურველი შედეგი.