რას ნიშნავს საბურავზე არსებული აღნიშვნები და რატომ უნდა ვიცოდეთ DOT კოდის წაკითხვა?
საბურავი ავტომობილის ის მნიშვნელოვანი დეტალია, რომელიც უშუალო შეხებაშია იმ რელიეფურ პირობებთან, რომელშიც გვიწევს გადაადგილება.
სწორედ ამიტომ საბურავების შერჩევისას აუცილებელია გავითვალისწინოთ რამდენიმე ფაქტორი, რათა უზრუნველყოთ ჩვენი უსაფრთხო და კომფორტული გადაადგილება.
რას ნიშნავს ხარისხიანი საბურავი?
როდესაც ვსაუბრობთ კარგ საბურავებზე ვგულისმობთ, რომ ხარისხიანმა საბურავმა საშუალოდ უნდა გაგვატაროს 50 000-დან 110 000 კილომეტრამდე. რაც უფრო კარგია საბურავი, მით მეტია მისი რესურსიც. სწორედ, რესურსის ხანგრძლივობა განასხვავებს საბურავებს ერთმანეთისგან, როდესაც ვსაუბრობთ ბიუჯეტურ და პრემიუმ სეგმენტზე. ამბოლში ჩვენი კონსულტანტი დაგეხმარებათ შეარჩიოთ თქვენთვის შესაფერსი საბურავი.
როგორ გავარკვიოთ საბურავის გამოშვების თარიღი?
როდესაც ახალ ავტომობილს ვყიდულობთ ან საბურავების შეძენა გვინდა, ხშირად ვაკვირდებით მის ვიზუალურ მდგომარეობას და ასაკს. ვიზუალური მდგომარეობა თვალითაც შეინიშნება და პროტექტორის ცვეთაზე, კედლებზე არსებულ ნახეთქებზეც ჩანს. ახალი საბურავი ამ რისკებისგან აბოლუტურად დაცულია.
აღნიშნული ინფორმაცია (საბურავის ასაკი) ოთხ ნიშნა DOT კოდზეა დატანილი.
თუმცა, გარდა ვიზუალურისა და პროტექტორების ჭრილების ფორმისა, საბურავი ასევე ფასდება მისი ტვირთამწეობისა და სიჩქარის ინდექსით.
ეს რიცხვები კი დატანილია საბურავის გვერდითა კედელზე. მისი მეშვეობით საშუალება გვეძლევა, გავიგოთ დამატებითი საჭირო ინფორმაცია და დაყენების შემდეგ, მისი სწორად მოხმარება შევძლოთ. სწორი გამოყენება კი მნიშვნელოვნად აისახება საბურავის სიცოცხლის უნარიანობაზე.
განვმარტოთ საბურავის კოდის ძირითადი აღნიშვნები:
4 რიცხვიანი DOT კოდიის მეშვეობით მარტივად შეგვიძლია დავადგინოთ, როდის არის გამოშვებული საბურავი.
მაგალითად 0222, ეს ნიშნავს რომ საბურავი დამზადებულია 2022 წლის მეორე კვირაში.
შემდეგი არის ალფანუმეროლოგიური კოდი P225/60R16 91S, მოცემული ინფორმაციიდან ერთდროულად შეგვიძლია გავიგოთ რამდენიმე მნიშვნელოვანი ინფორმაცია.
205 აღნიშნავს საბურავის სავალი ნაწილის სიგანეს მილიმეტრებში
55 აღნიშნავს ბორტის სიმაღლეს ( პროცენტული შეფარდება სავალ ნაწილთან, ანუ 205-ის 55% ) მმ-ში
R აღნიშნავს საბურავის რადიალურ კონსტრუქციას, მსუბუქი ავტომობილებისთვის განკუთვნილ საბურავებს ძირითადად აქვს რადიალური კონტრუქცია
16 - დისკის დიამეტრი დიუმებში
91 - ტვირთამწეობის ინდექსი ( ერთ საბურავზე მაქსიმალური წონის დატვირთვა )
V - სიჩქარის ინდექსი ( უსაფრთხო სიჩქარის მაქსიმალური ზედა ზღვარი )
3PMSF ან M+S სამკუთხედში ჩახატულ ფიფქთან ერთად, ორივე აღნიშვნა ნიშნავს, რომ ეს საბურავი განკუთვნილია ზამთრის სეზონისთვის
ზაფხულის საბურავს არ აქვს რაიმე კონკრეტული აღნიშვნა
რა რისკებს შეიცავს 10 წელზე მეტი ხნის საბურავი?
თუ თქვენი საბურავი ჯერ ისევ კარგად გამოიყურება და ზედაპირიც დაზიანებული არ გეჩვენებათ, მაგრამ მისი ასაკი 10 წელზე მეტია, დროა მის შეცვლაზე იფიქროთ.
დროთა განმავლობაში რეზინი კარგავს გზაზე მოჭიდების უნარს, ეს განსაკუთრებით საფრთხილოა ცივ ამინდში. ხშირად დააკვირდით როგორ გადაადგილდება ავტომობილი გზაზე, თუ კი რაიმე სახის ვიბრაცია იგრძნობა ან ადგილი აქვს არათანაბარ მოჭიდებას, ჩაუტარეთ საბურავებს დიაგნოსტიკა. აქვე გეტყვით იმასაც, რომ საბურავი, რომელიც 10 წელზე მეტი ხნის წინაა გამოშვებული ავტომობილის სავალდებულო ტექინპექტირებას ვერ გაივლის.
რაც მთავარია, ხანდაზმული საბურავი ვერ შეასრულებს თავის საქმეს, ეს კი საკმაოდ დიდი საფრთხის შემცველია გზაზე გადაადგილებისას.