• რა სიხშირით უნდა შევცვალოთ ავტომობილში ძრავის ზეთი?
ქართულ რეალობაში ჩამოყალიბებული პრაქტიკაა, რომ ძრავის ზეთი მსუბუქ ავტომობილში იცვლება ყოველ განვლილ 8 000 - 10 000 კმ-ზე, ან სულ მცირე წელიწადში ერთხელ მაინც. ხოლო, მათ, ვისაც შეხება ჰქონია ევროკავშირის ავტოპარკთან, უწევთ ზეთის გამოცვლის 15 000 - 30 000 კმ-იანი ინტერვალებით. სწორედ, ამის გამო ხშირად ისმის კითხვა, რატომ არის აუცილებელი საქართველოში ზეთის ასეთი ხშირი ცვლა?
საქმე იმაშია, რომ ამის მრავალი მიზეზი არსებობს. მაგალითად: დაძველებული ავტოპარკი, რაც უფრო ხშირად საჭიროებს ძრავი ზეთის შეცვლას, დაბინძურებული ჰაერი, დაბალხარისხიანი საწვავი და ა.შ.
• რომელ ფაქტორებზეა დამოკიდებული ავტომობილში ძრავის ზეთის დროული შეცვლა?
ავტომობილის ძრავის ზეთების რესურსი, როგორც წესი მოტოსაათების მიხედვით გამოითვლება. სტანდარტულად, იგი შეადგენს 250 - 350 მოტოსაათს, ანუ დამოკიდებულია იმაზე, თუ რამდენი ხანი მუშაობს ძრავი. რეალურად კი, თუ თქვენ ყოველდღიურად გადაადგილდებით ავტომობილით, შეგიძლიათ მანქანის ბორტ-კომპიუტერში შეამოწმოთ გავლილი საშუალო სიჩქარე.
თუ თქვენს მიერ განვლილი მანძილის საშუალო სიჩქარე შეადგენს 30 კმ/სთ-ს, ამ რიცხვს ვამრავლებთ ზეთის რესურზე 250 მოტოსაათზე და ვიღებთ შემდეგს, რომ ზეთის დროულად შეცვლის ინტერვალი იქნება 7500 კმ (დიზელის შემთხვევაში დასაშვებია ინტერვალის 300-350 მოტოსაათამდე გაზრდა).
დღეის მდგომარეობით, თბილისში მომატებულია ცხოვრების ტემპი და ამასთან გაზრდილია მანქანების რაოდენობა, გამუდმებით გვიწევს საცობებში დგომა. რის შედეგადაც, დედაქალაქის ცენტრში გადაადგილების საშუალო სიჩქარე დასულია 18-20 კმ/სთ-ზე და ნიშნული ზოგჯერ უფრო დაბალზეც ფიქსირდება. ამიტომ, გამუდმებულ დაძვრა-გაჩერების რეჟიმში მუშაობის დროს, ზეთი კიდევ უფრო სწრაფად კარგავს ხარისხს. ამ დროს, ზეთისთვის ითვლება ექსტრემალური რეჟიმი და შეცვლა დათქმული 8 000 კილომეტრიანი ინტერვალის ნაცვლად, სასურველია მოხდეს 5 000 კმ-ზე.
პრემიუმ ხარისხის ზეთის რესურსი უფრო მეტად უზრუნველყოფს ძრავის ხარისხიან მუშაობას. ამაში მას მისი უნიკალური რეცეპტურა ეხმარება. მაგალითად, MOL Dynamic Gold Longlife 5W-30, რომელიც მეტწილად გათვლილია ევროპული დიზელის ძრავიან ავტომობილებზე, შეუძლია იმუშაოს მინიმუმ 350 მოტოსაათი. ხოლო, გამონაკლის შემთხვევაში, 450 მოტოსაათიც კი. დასახელებაში მითითებული აღნიშვნაც სწორედ ამაზე მეტყველებს - Longlife.
და მაინც, შეცვლის ინტერვალის განსაზღვრა ყველა ავტომწარმოებელთან ინდივიდუალურია და მრავალ გარე ფაქტორზეა დამოკიდებული.
სწორი რეკომენდაციებისთვის ეწვიეთ ამბოლის ფილიალებს, სადაც ჩვენი კონსულტანტები მწარმოებლის რეკომენდაციების მიხედვით შეგირჩევენ თქვენი ავტომობილისთვის შესაფერის ზეთს.