Goodyear - ის ისტორიის განვითარების საინტერესო ფაქტები
ვაგრძელებთ ისტორიას მსოფლიოში უდიდეს და ყველასათვის კარგად ცნობილ კომპანია Goodyear-ის შესახებ. ის არის გიგანტი, რომელსაც საუკუნოვანი ისტორიის განმავლობაში მრავალი დაბრკოლებისა თუ წინაღობის მიუხედავად, პროდუქციის წარმოება არც ერთხელ შეუწყვეტია და დღემდე სიამაყით რჩება ხარისხისა და საიმედოობის ეტალონად. სწორედ ამიტომ, მას ნდობას უცხადებენ მსოფლიოში წამყვანი საავტომობილო ბრენდები.
1926 წელს, ჯორჯ სტადელმანის გარდაცვალების შემდეგ, პაულ ლიჩფილდმა Goodyear-ის პრეზიდენტად დასახელდა. სწორედ მისი მმართველობის პერიოდში, კომპანია მსოფლიოში ყველაზე დიდი რეზინის მასალების მწარმოებელი გახდა და მსოფლიოს მთლიანი წარმოების თითქმის მეშვიდედი შეადგინა. ამასთანავე, Goodyear იყო პირველი კომპანია, რომელმაც 1927 წელს საავადმყოფოების ასოციაცია შექმნა თანამშრომლებისათვის.
1928 წელს კომპანიამ კონტრაქტი გააფორმა ამერიკის საზღვაო ძალებთან, რაც მათთვის ორი საჰაერო ხომალდის, სახელწოდებებით, აკრონისა და მაკონის აშენებას ითვალისწინებდა.
ამავე წელს, კომპანიამ პირველი Double Eagle საბურავი შექმნა. ეს იყო, ფაქტობრივად, ,,საბურავი საბურავში”, რაც ,,მეორე შანსს” იძლეოდა, იმ შემთხვევაში, თუ გარე საბურავი დაზიანდებოდა. შიგნით მოთავსებული, შედარებით მცირე ზომის საბურავით ავტომობილს უახლოეს სახელოსნომდე მგზავრების უსაფრთხოდ მიყვანა შეეძლო.
1932 წელს Goodyear-მა შექმნა პირველი ჰიდრავლიკური დისკის მუხრუჭები თვითმფრინავებისათვის, ხოლო მოგვიანებით, 1934 წელს, კომპანიამ გამოუშვა პირველი ტალახისა და თოვლისათვის განკუთვნილი საბურავები. 1937 წელს კი დაიწყო პირველი ამერიკული სინთეზური რეზინის საბურავის წარმოება.
მას შემდეგ, რაც მეორე მსოფლიო ომის დროს იაპონიის საჰაერო სამხედრო ძალები თავს დაესხა ამერიკის ფლოტს პერლ ჰარბორში, Goodyear-მა აქტიურად დაიწყო თანამშრომლობა და გააფართოვა კონტრაქტის პირობები ამერიკის სამხედრო ძალებთან; კონკრეტულად კი, საჰაერო ძალებისათვის Goodyear-მა მოიერიშე საჰაერო თვითმფრინავების Corsair- ის წარმოება დაიწყო. ფაქტობრივად, მეორე მსოფლიო ომის წლებში, კომპანიამ შეცვალა საკუთარი წარმოების პროფილი და სახელმწიფო ინტერესებიდან გამომდინარე, ომისათვის საჭირო სხვადასხვა სახის პროდუქციის მწარმოებლად გადაიქცა, რომელთა შორისაც იყო: იარაღი, ჭურვები, სატანკო ბილიკები და გაზის აირწინაღები. კომპანიამ ასევე გააფორმა კონტრაქტი B-29 ტიპის ბომბდამშენის ძირითადი კომპონენტების წარმოებაზე.
მოგვიანებით, 1944 წელს, ზემოაღნიშნული კონტრაქტით გათვალისწინებული 3000 ერთეულზე მეტი, Aircraft-ის მოიერიშე თვითმფრინავები Goodyear-მა აშშ-ის საჰაერო ძალებს გადასცა.
1947 წელს კომპანიამ შექმნა პირველი ნეილონის საბურავი სახელწოდებით, Super-Cushion, რომელიც მხოლოდ 24 ფუტის რაოდენობის წნევას მოითხოვდა. სწორედ ეს საბურავები გახდა 1948 წლიდან მრავალი ავტომობილის ორიგინალი მოწყობილობა.
1956 წელს კომპანიამ, თავის ისტორიაში პირველად, წარმოებაში ჩაუშვა ავტორბოლისათვის განკუთვნილი საბურავების სრული ხაზი.
და ბოლოს, 1960 წელს ამერიკელმა მრბოლელმა, მიკი ტომფსონმა სიჩქარის მსოფლიო რეკორდი დაამყარა, რომელიც 32 ცილინდრიან ავტომობილს Bonneville speedliner dubbed Challenger I-ს მართავდა. ამ ავტომობილით მან 400 მილი/საათში სიჩქარის განვითარება შეძლო, ეს რეკორდსმენი ავტომობილი კი Goodyear-ის საბურავებით იყო აღჭურვილი.
გვეწვიე ამბოლის ნებისმიერ ფილიალში, შეცვლაე ძველი საბურავები ახლით და იმგზავრე უსაფრთხოდ და კომფორტულად Goodyear-თან ერთად.
ამბოლი მეტი დრო მოძრაობისთვის!