საბურავი ეს არის ავტომობილის ერთადერთი შემადგენელი კომპონენტი, რომელსაც უშუალო შეხება აქვს ზედაპირთან. ამიტომაც მნიშვნელოვანია მისი სწორად შერჩევა, რათა სათანადოდ იყოს მორგებული, როგორც წელიწადის ამა თუ იმ სეზონს, ასევე იმ რელიეფურ პირობებს, სადაც ხშირად გვიწევს გადაადგილება.
კომფორტული მგზავრობა, ეფექტური სამუხრუჭე მანძილი, უხმაურო გადაადგილება და ზედაპირთან მაქსიმალური მოჭიდება, ყველა ამ მახასიათებლით გამოირჩევა მსოფლიოში უმსხვილესი საბურავების მწარმოებელი ამერიკული ბრენდი Goodyear, რათა ჩვენი მგზავრობა უსაფრთხო და კომფორტული გახადოს.
ახლა კი, ჩვენი ერთგული მომხმარებლებისთვის განვაგრძობთ Goodyear-ის ისტორიის მორიგი ეპიზოდის გაცნობას.
1962 წლიდან Goodyear -ის მიერ წარმოებული სპეციალური სარბოლო საბურავებით აღჭურვილი იყო უფრო მეტი სპორტლი ავტომობილი, ვიდრე იმ დროისათვის ცნობილი სხვა საბურავების მწარმოებელი კომპანიების პროდუქციით.
1963 წელს კომპანიამ აწარმოა მემილიარდე საბურავი, ამასთანავე Goodyear AirCraftma-მა შეიცვალა სახელწოდება Goodyear AeroSpace-ით, რაც ასახავდა კომპანიის მზარდ ჩართულობას კოსმოსურ პროგრამებში. იმავე წელს, Craig Breedlove ამყარებს სიჩქარის მორიგ სახმელეთო რეკორდს, 407.45 მილს/საათში, რომლის ავტომობილიც აღჭურვილი იყო სპეციალურად Goodyear-ის საბურავებით.
Flexsteel სწორედ ამ სახელწოდებით 1964 წელს Goodyear-მა შექმნა სატვირთო საბურავების ახალი ხაზი. მოგვიანებით, Goodyear-ის საბურავებით Craig Breedlove-მა დაამყარა მორიგი სახმელეთო რეკორდი 526.28 მილი/საათის სიჩქარით. ამ მაჩვენებლის განვითარება მან რეაქტიულ ენერგიაზე მომუშავე SpiriT Of America-ით შეძლო.
1965 წელს კომპანია აქტიურად აწარმოებს რადიალური ტიპის საბურავების ყველა ზომის სრულ ასორტიმენტს, რომლებიც ხელმისაწვდომი იყო ყველა ავტომწარმოებლისთვის. მიმდინარე წელიც მორიგი რეკორდის დამყარების თარიღად იქცა და კრეიგმა Goodyear-ის საბურავებით ამჯერად 600.601 მილი/საათის სიჩქარის განვითარება შეძლო. მოგვიანებით, Goodyear-ის გუნდმა, საერთაშორისო სარბოლო კონკურსში შესვლიდან 2 წელზე ნაკლებ დროში შეძლო Le Mans-ის 24 საათიანი რბოლის მოგება საფრანგეთში.
1970 წელს Goodyear Aerospace-მა შექმნა იმ დროისათვის მსოფლიოში ყველაზე სწრაფი კომპიუტერი სახელწოდებით, Staran, სპეციალურად საჰაერო მოძრაობების კონტროლისათვის.
1971 წელს Goodyear-ის მიერ წარმოებული საბურავები გასცდა დედამისწის საზღვრებს. ისტორიაში ერთ-ერთი ცნობილი თანამგზავრი Apollo 14 მთვარეზე ექსპედიციის დროს სწორედ Goodyear-ის მიერ წარმოებული სპეციალური საბურავებით იყო აღჭურვილი.
1973 წელს კომპანიამ გამოუშვა საბურავი სახელწოდებით, Steelgard Radial, რომელიც დასახელდა ერთადერთ რადიალურ საბურავად, რომლითაც აღიჭურვა 1973 წელს გამოშვებული ყველა ამერიკული ავტომობილი.
1977 წელს კომპანიამ შექმნა პირველი ყველა სეზონისთვის განკუთვნილი საბურავი სახელწოდებით, Tiempo და ამასთანავე აწარმოა სპეციალურად შემუშავებული დიზაინით დამზადებული ელიფსური ფორმის საბურავი, რომელიც აუმჯობესებდა საწვავის დაზოგვის ხარისხს.
და ბოლოს, Goodyear-მა შექმნა მორიგი მაღალი ხარისხის საბურავი სახელწოდებით, Wingfoot Radial, რომლის დებიუტი, 1979 წელს ჩიკაგოს ავტო შოუზე შედგა.
გვეწვიე ამბოლის ნებისმიერ ფილიალში შეცვალე ძველი საბურავები ახლით და საკუთარ ავტომობილზე გამოსცადე Goodyear-ის ხარისხი.
ამბოლი, მეტი დრო მოძრაობისთვის!