5 ყველაზე გავრცელებული შეცდომა ავტომობილის მართვისას
ალბათ ყველა ვისაც ავტომობილი ყავს ან ერთხელ მაინც ყოლია დაზუსტებით შეიძლება ითქვას, რომ თანხმდება ერთ კონკრეტულ საკითხზე, კერძოდ კი იმაზე, რომ ყოველი ახალი მოხვედრა მანქანის საჭესთან და მისი მართვა მორიგი გამოცდილებაა. არ აქვს მნიშვნელობა თუ რა დრო მოვანდომეთ ან რა მანძილი დავფარეთ მოძრაობისას, რადგან თითოეულ ჯერზე კიდევ უფრო მეტად გამოცდილსა და პროფესიონალს ხდის მძღოლს. ჰოდა სანამ გამოცდილებამდე და პროფესიონალიზმამდე მივალთ, მანამდე მრავალ შეცდომებს ვუშვებთ და ვაანალიზეებთ, ამასთანავე ვაკვირდებით სხვის შეცდომებსაც, საბოლოოდ გამოცდილებაც ხომ ერთი დიდი შეცდომების კრებულია...
მაშ ასე, ამბოლის ბლოგის ერთგულო მკითხველებო, თქვენს წინაშეა მრავალ შეცდომათაგან ერთ-ერთი 5 ყველაზე გავრცელებული მათგანი:
მოხვევის მანიშნებელი: ყველა, როგორც ძველი ასევე თანამედროვე ავტომობილი აღჭურვილია მოხვევის მანიშნებლებით. ეს არის ნათურები, რომლებიც ერთ-ერთ მნიშვნელოვან და აუცილებელ როლს ასრულებს ავტომობილით მოძრაობისას. რადგან სწორედ ამ მანიშნებლების გამოყენების შედეგად ხვდება მოძრაობის სხვა მონაწილე თუ რა მანევრი გვაქვს ჩაფიქრებული, იქნება ეს რომელიმე მხარეს მოხვევა, გასწრება თუ სულაც შენელება და გზიდან გადასვლა. ასე რომ ვეცადოთ არ დაგვავიწყდეს მათი გამოყენება, წინააღმდეგ შემთხვევაში შესაძლოა ყველაფერი სავალალო შედეგით დასრულდეს.
გვერდითა სარკეები: სარკეები, ისევე როგორც, მოხვევის მანიშნებლები აქტიურად უნდა იყვნენ ჩართული ჩვენს უსაფრთხო გადაადგილებაში. ხშირია შემთხვევები, როდესაც მძღოლები ტრასის ერთი ზოლიდან მეორეში ისე გადადიან, რომ არც კი იხედებიან გვერდითა სარკეებში. არადა როგორც გვერდითა ასევე სალონში განთავსებული სარკე აქტიურად უნდა გამოვიყენოთ თითოეული მანევრის დროს, რადგან მათი უგულვებელყოფა შესაძლოა ავარიის მიზეზი გახდეს.
მობილური ტელეფონი: მობილური ტელეფონის გამოყენება სასტიკად დაუშვებელია ავტომობილის მართვისას. რაგდან შემომავალმა ზარმა ან თუნდაც ესემესის სახით ტექსტის მიწერამ ან წაკითხვამ შესაძლოა გამოიწვიოს მძღოლის კონცენტრირების დარღვევა მართვისას.
არასათანადო დისტანცია - ალბათ ხშირად შესწრებიხართ სიტუაციას როდესაც მძღოლი არ იცავს საჭირო დისტანციას წინ მიმავალ ავტომობილთან მიმართებაში, ასეთი მართვა რათქმაუნდა დიდი საფრთხის შემცველია , რადგან, თუ მაგალითად წინ მიმავალმა ავტომობილმა მოულოდნელად შეანელა სვლა, არასათანადო დისტანცია , დიდი ალბათობით გამოიწვევს ავარიას.
სიჩქარის გადაჭარბება: მოდით ვაღიაროთ, რომ ერთხელ მაინც გვივლია სწრაფად და მერე ემოციებისგან აკანკალებულები გადმოვსულვართ მანქანიდან. სიჩქარის წყურვილს ასაკი არ აქვს და მითია ის მოსაზრება რომ მხოლოდ ახალგაზრდები აჭარბებენ დასაშვებ სიჩქარეს..., სისწრაფე ეს არის ადრენალინის გამოყოფის დაუოკებელი სურვილისა და საკუთარი თავისთვის ან სხვებისთვის რაღაცის დამტკიცება... რომელიც სამწუხაროდ ხშირად კარგი შედეგით არ სრულდება. რადგან რაც არ უნდა გამოცდილი და ,,მაგარი“ მძღოლი მართავდეს მანქანას, სიჩქარის გადაჭარბება პოტენციურად ნიშნავს რომ ის რაღაც დონეზე უკვე ვეღარ იმორჩილებს მანქანას.
ამიტომ ვიაროთ მშვიდად, მეტად დავუთმოთ და ვეცადოთ ნუ გავღიზიანდებით სხვის შეცდომებზე, რადგან ასეთ დროს სხვის შეცდომაზე ჩვენც ვსწავლობთ და ამასთანავე ჩვენც ვუშვებთ შეცდომებს.
ამბოლი, მეტი დრო მოძრაობისთვის!