როგორ ჩავსვათ ახალშობილი ავტომობილში უსაფრთხოდ

როგორ ჩავსვათ ახალშობილი ავტომობილში უსაფრთხოდ

ავტომობილით გადაადგილებისას მნიშვნელოვანი საკითხი უსაფრთხო მგზავრობაა. არ აქვს მნიშვნელობა შორ დისტანციაზე გადავაადგილდებით, თუ ახლო მონაკვეთში, ორივე შემთხვევაში მგზავრი უსაფრთხოდ და დაცულად უნდა გრძნობდეს თავს.

საბედნიეროდ, თანამედროვე ავტომობილები აღჭურვილია ყველა საჭირო მოწყობილობითა თუ ელექტრონული სისტემებით, რომლებიც უზრუნველყოფენ ჩვენს უსაფრთხო მგზავრობას. თუმცა, აქვე უნდა აღინიშნოს ის ფაქტიც, როდესაც მგზავრი თვითონვე იქცევა დაუდევრად. ამით საფრთხეეში აგდებს, როგორც თავისას, ასევე სხვის ჯანმრთელობასაც.
ამის კარგი მაგალითია თუნდაც ის, რომ ავტომობილში ჩაჯდომისას უსაფრთხოების ღვედს არასწორად ან საერთოდ არ იყენებენ. უსაფრთხოების ნორმების დაცვა განსაკუთრებულ აქტუალობას მაშინ იძენს, როდესაც ავტომობილით მგზავრობისას ახალშობილიც თან გვახლავს. ამ ბლოგშიც სწორედ ამ საკითხზე გვინდა გესაუბროთ, რათა თქვენი ბავშვის მგზავრობა უსაფრთხო და კომფორტული გახდეს.

მაშ ასე, ახალშობილებისათვის განკუთვნილი სპეციალური საავტომობილო სავარძლის გამოყენება არის პირველი ნაბიჯი თქვენი ბავშვის უსაფრთხოების შესანარჩნებლად. აქვე უნდა აღინიშნოს ის ფაქტიც, რომ თანაბრად მნიშვნელოვანია მისი სწორ პოზიციაში დაყენება და მასში ბავშვის დამაგრება, რადგან რაც არ უნდა თანამედროვე სავარძელი შეიძინოთ თქვეენი ბავშვისთვის, თუ ის არ არის სწორად დამონტაჟებული ან გამოყენებული, ის ვერ შეასრულებს თავის ფუნქციას საჭირო მომენტში.

პირველ რიგში აუცილებლად წაიკითხეთ სახელმძღვანელო, რომელიც სავარძლის შეძენისას მოყვება მას. სახელმძღვანელო შეიცავს სასიცოცხლოდ აუცილებელ ინფორმაციას, რომელიც უნდა იცოდეთ, რათა სავარძელმა ოპტიმალურად იმუშაოს ავარიის დროს. წიგნში ნათლადაა გაწერილი ყველა საჭირო რეკომენდაცია. მაგალითად, ის თუ სად და როგორ უნდა დაამაგროთ სწორ პოზიციაში სავარძელი თქვენს ავტომობილში და ამასთანავე, თუ როგორ უნდა მოარგოთ ის თქვენს პატარას. ბავშვის სავარძლის სწორად დაყენებისას უნდა ვიცოდეთ, რომ მათ უმრავლესობას აქვს სამი შეხების წერტილი უსაფრთხოების ღვედის ან მანქანის სამაგრებთან. სავარძელი შეიძლება დამონტაჟდეს ავტომობილის სამ პუნქტიანი ღვედით ან იზოფიქსით. ბავშვის სავარძლის ავტომობილის უკანა სკამზე დამაგრებისას აუცილებელია ის ისე იყოს დაყენებული, რომ ბავშვი სახით საზურგისკენ იყოს მიმართული და ამასთანავე ე.წ სახელურის ზოლი ვერტიკალურ მდგომარეობაში იყოს დაყენებული. რადგან სწორედ სახელურია ის მნიშვნეელოვანი ბერკეტი, რომელიც მოქმედებს ავარიის დროს და ხელს უშლის სავარძლის შეჯახებას მანქანის სკამის საზურგესთან.

აღსანიშნავია ის ფაქტი, რომ ჩვილები თავს ვერ იმაგრებენ და ამის გამო ან გვერდულად აქვთ მოთავსებული ან წინ აქვთ დახრილი. ასეთ დროს იმატებს ასფიქსიის რისკი. ეს არის სიტუაცია, როდესაც ბავშვის თავი წინ იმდენადაა დახრილი, რომ ედება გულ-მკერდის არეს, ამ დროს იზღუდება სასუნთქი გზები, რაც ტვინში ჟანგბადის ნაკლებობას იწვევს. სამწუხაროდ, ამან შეიძლება გამოიწვიოს ტვინის დაზიანება ან სულაც ფატალურად დასრულდეს. სწორედ ამიტომ, ბავშვის სპეციალურ სავარძელში მოთავსებისას სხეულის დახრილობის კუთხე დაახლოებით 45 გრადუსს უნდა შეადგენდეს. აქვე გეტყვით, რომ ოთხ კვირამდე ასაკის ბავშვის სპეციალურ სავარძელში გაჩერება 30 წუთზე მეტ ხანს არ შეიძლება, ხოლო 2 წლამდე ასაკის ბავშვისთვის ეს მაჩვენებელი 2 საათამდეა განსაზღვრული, რადგან ამ შემთხვევაშიც იზრდება პოზიციური ასფიქსიის რისკი. ამიტომ რეკომენდებულია ზემოაღნიშნული ინტერვალებით ბავშვი შესვენების მიზნით გადმოსვათ სავარძლიდან, განსაკუთრებით მაშინ როდესაც საქმე ხანგრძლივ მოგზაურობას ეხება.

ამასთანავე ბავშვის სპეციალურ სავარძელში მოთავსებისას არ გამოიყენოთ რაიმე დამატებითი აქსესუარები და არ ჩააცვათ ფაფუკი და გაბერილი ტანსაცმელი, რადგან საჭირო მომენტში სწორედ მსგავსი ტანსაცმელი იქნება იმის მიზეზი, რომ სავარძლის ღვედები ვერ დააფიქსირებს და ვერ დაიჭერს ბავშვს სწორად. რაც შეეხება სავარძელში ბავშვის მოთავსებისას ღვედებისა და ე.წ თავსაფრის განლაგებას, პირველ რიგში ღვედები განლაგებული უნდა იყოს მხრებზე, თავსაფრის ქვედა ნაწილი როგორ წესი უნდა ემთხვეოდეს ბავშვის ყურების ძირებს, ხოლო თავი კი დაახლოებით 2.5 სანტიმეტრით ქვემოთ უნდა იყოს მოთავსებული თავსაფრის ზედა ზოლიდან.

გაითვალისწინეთ ყველა ზემოხსენებული რჩევა, რათა თქვენი მოგზავრობა უფრო უსაფრთხო და კომფორტული გახადოთ.
ამბოლი, მეტი დრო მოძრაობისთვის!