რა განსხვავებაა A/T და M/T საბურავებს შორის

რისთვის შეიქმნა და რა განსხვავებაა A/T და M/T საბურავებს შორის?

ჩვენი ბლოგის ერთგული მკითხველისთვის უკვე კარგადაა ცნობილი ის ფაქტი, რომ საბურავი ავტომობილის ერთადერთი მნიშვნელოვანი დეტალია, რომელსაც უშუალო შეხება აქვს გზასთან. აქედან გამომდინარე მისი სწორად შერჩვა აუცილებელია, რადგან ის ზუსტად იმ რელიეფური თუ კლიმატური პირობებისთვის უნდა იყოს გათვლილი, რომელშიც ყველაზე მეტად გვიწევს გადაადგილება. იმისათვის, რომ თქვენი ავტომობილისთვის სწორად შეარჩიოთ საბურავი, მაგალითისთვის განვიხილავთ ორ გავრცელებულ საბურავის ტიპს. კონკრეტულად კი, A/T-All Terrain Tires და M/T-Mud Terrain Tires.

A/T- ეს არის ყველა რელიეფური პირობებისთვის განკუთვნილი საბურავი. მისი აგებულებიდან გამომდინარე, ის ეფექტურია, როგორც მშრალ ასევე სველ ზედაპირზე, ყინულოვან და თოვლიან პირობებში და ამასთანავე ქვიშიან ზედაპირზეც. მათი მეშვეობით თქვენ შეგიძლიათ გადაუხვიოთ მთავარი მაგისტრალიდან და თავისუფალი დრო გაატაროთ ბუნებასა და სიმშვიდეში. A/T საბურავები სხვა ტიპის საბურავებისგან განსხვავებით გზაზე გადაადგილებისას ნაკლებად ხმაურობს. ამასთანავე ავტომობილს ხელს უწყობს საწვავის დაზოგვაში და გამოირჩევა უფრო ხანგრძლივი სიცოცხლისუნარიანობით.

M/T- ამ ტიპის საბურავები სპეციალურად შექმნილია ექსტრემალური და რთული რელიეფური პირობებისთვის, მაგალითად როგორებიცაა, ტალახი, ხრეში და კლდოვანი ზედაპირი. მისი აგებულებიდან გამომდინარე, საბურავის მაღალი პროტექტორი და ღრმა არხები საშუალებას იძლევა ადვილად გაუმკლავდეს ნებისმიერ დაბრკოლებას რაც კი გზად შეხვდება, იქნება ეს ჭაობიანი და ტალახიანი ადგილი თუ ქვა-ღორღიანი და კლდოვანი ზედაპირი.

M/T საბურავის მინუსად შეიძლება ჩაითვალოს ის, რომ ნაკლებად ეფექტურია ყინულოვან და თოვლიან პირობებში, ამასთანავე მალე ცვდება და სწორ ზედაპირზე გადაადგილებისას დიდ ხმას გამოსცემს. აქვე გეტყვით, რომ თუ თქვენი ავტომობილის საბურავები გაცვდა და მათი შეცვლის დრო დადგა, მაშინ გვეწვიე ამბოლის ნებისმიერ ფილიალში მთელი საქართველოს მასშტაბით და შეიძინე ამერიკული ბრენდის Good Year-ის უმაღლესი ხარისხის A/T Wrangler all terrain adventure, Wrangler duratrack და M/T Wrangler MT/R საბურავები.

ჩვენი თანამშრომლები კი იზრუნებენ დროულად და ხარისხიანად გაგიწიონ ყველა საჭირო მომსახურება.
დასკვნის სახით შეიძლება ითქვას, რომ თუ თქვენ ავტომობილით გადაადგილება უფრო მეტად ქალაქში და სწორ ზედაპირზე გიწევთ მაშინ საუკეთესო ვარიანტი A/T ტიპის საბურავებია, ხოლო თუ ექსტრემალური გარემოსა და Off-Road-ის მოყვარული ხართ, მაშინ M/T ტიპის საბურავი შესანიშნავი ვარიანტია თქვენი ავტომობილისთვის.

ამბოლი, მეტი დრო მოძრაობისთვის!