5 რჩევა მართვის მოწმობის გამოცდის შესახებ

მართვის მოწმობის გამოცდაზე გასვლის წინ გასათვალისწინებელი 5 რჩევა

სანამ ჩვენთვის სასურველი ავტომობილის ყიდვას გადავწყვეტთ და მისი მართვით სიამოვნებას მივიღებთ, მანამდე აუცილებელია ეს ყველაფერი კანონიერად და ლეგალურად მოხდეს. ამისათვის კი საჭიროა რა ავტომობილსაც ვმართავ, მისი შესაბამისი კატეგორიის მქონე მართვის მოწმობა ავიღოთ. როგორც მოგეხსენებათ, მართვის მოწმობის ასაღებად საჭიროა თეორიული და პრაქტიკული გამოცდის წარმატებით ჩაბარება.
აქვე შეგახსენებთ, რომ ა.წ 25 აპრილიდან პრაქტიკული გამოცდა ორ ეტაპიანი გახდა და როგორც დახურულ მოედანზე, ასევე რეალურ პირობებშიც გვიწევს გამოცდის ჩაბარება.

ამ ბლოგში გვინდა გესაუბროთ 5 ძირითად რჩევაზე, რომელიც გამოგადგებათ გამოცდაზე გასვლის წინ.
მაშ ასე: საკმარისი დრო სწავლისთვის: გამოცდაზე გასვლამდე საჭიროა, რაც შეიძლება მეტი მონდომებითა და საკმარისი დროის დათმობით ვისწავლოთ, როგორც თეორიული გამოცდის მასალები და ბილეთები, ასევე ავტომობილის მართვისას პრაქტიკული ელემენტები. თქვენი გადასაწყვეტია, საგამოცდო მასალის შესასწავლად მიმართავთ სპეციალურ ინსტრუქტორს, თუ თქვენით ისწავლით თეორიულ ნაწილს. რადგან, არის რამდენიმე საიტი და სპეციალური მობილური აპლიკაცია, სადაც შეძლებთ კატეგორიებად დაყოფილი ყველა ბილეთის სწავლასა და გამოცდის ჩაბარებას. მაგალითად, ერთ-ერთი ასეთი საიტი, ყველასათვის კარგად ცნობილი, TEORIA.ON.GE-ია. ასე, რომ დაუთმეთ საკმარისი დრო სწავლას და მხოლოდ მაშინ გადით გამოცდაზე, როცა სრულად შეისწავლით საგამოცდო საკითხებს.

დასვით შეკითხვები: ნუ მოგერიდებათ სწავლის პერიოდში ინსტუქტორისთვის კითხვების დასმა, მიუხედავად იმისა, ერთსა და იმავე საკითხს ეხება თუ სხვას. მანამდე კითხეთ და იმეორეთ სანამ საბოლოოდ არ დაგამახსოვრდებათ.

ეცადეთ არ ინერვიულოთ: კი, ნამდვილად ყველამ კარგად ვიცით, რომ გამოცდაზე გასვლა ნერვიულობასთან და გარკვეულ სტრესთან არის დაკავშირებული. თუმცა, ეცადეთ დამშვიდდეთ და წარმოიდგინეთ, რომ გვერდით ისევ თქვენი ინსტრუქტორი გიზით, რომელმაც ყველაფერი გასწავლათ და ახლა უბრალოდ ამ ყველაფრის ჩაბარების დრო დადგა. გახსოვდეს, რომ ნერვიულობა პირველი მტერია.

საჭირო დოკუმენტაცია: საგამოცდო თარიღის დაჯავშნის შემდეგ, გამოცდაზე გასვლის წინ აუცილებელია თან იქონიოთ:
* პირადობის დამადასტურებელი მოწმობა
* ჯანმრთელობის მდგომარეობის შესახებ ცნობა-,,ფორმა 100’’
* ავტოსკოლის შესაბამისი კატეგორიის სწავლების დამადასტურებელი დოკუმენტი
* SMS შეტყობინება თეორიული გამოცდის რიგის დაჯავშნის შესახებ

და ბოლოს, გამოცდაზე გასვლის წინ რამდენჯერმე გააკეთეთ ტესტი და ერთხელ მაინც გაიარეთ პრაქტიკული ვარჯიში, რათა კიდევ ერთხელ დარწმუნდეთ თქვენს შესაძლებლობებში, რომ ნამდვილად მზად ხართ გამოცდისთვის.

ამბოლი, მეტი დრო მოძრაობისთვის!