ავტომობილის სამუხრუჭე სითხე, სამუხრუჭე სისტემის ერთერთ მთავარ კომპონენტს წარმოადგენს და ის ისევე, როგორც ავტომობილის სხვა დეტალები პერიოდულ შემოწმებასა და შეცვლას საჭიროებს.
მისი მთავარი დანიშნულებაა, მუხრუჭის სატერფულზე ფეხის დადგმისას გადასცეს წნევა მთავარი სამუხრუჭე ცილინდრიდან საბურავის მუხრუჭამდე სპეციალური მილების საშუალებით, რის შედეგადაც ხუნდი ეჭირება სამუხრუჭე დისკს, ხოლო ავტომობილი ანელებს სვლას ან სრულად ჩერდება.
როგორც წესი, სამუხრუჭე სითხე მდგრადია ტემპერატურის ცვლილების მიმართ. მისი დუღილის ტემპერატურა 200-260 გრადუსამდეა. მას გააჩნია ჰიდროსკოპიული, ანუ ატმოსფეროდან ნესტის შთანთქმის უნარი. იმ შემთხვევაში, თუ სითხეში კონდესატის მაჩვენებელმა 3 პროცენტს გადააჭარბა, სამუხრუჭე სითხის დუღილის ტემპერატურა მნიშვნელოვნად მცირდება, 260 გრადუსიდან 150-180 გრადუსამდე.
სამუხრუჭე სითხის ვარგისიანობის შემოწმება ხდება, როგორც ვიზუალური დათვალიერების შედეგად, არ უნდა იყოს ამღვრეული ან ფერი არ უნდა ქონდეს შეცვლილი, ასევე სპეციალური ტესტერის საშუალებით, რომელიც სითხეში ნესტის პროცენტულ შემცველობას ზომავს.
სამუხრუჭე სითხის ოთხი ტიპი არსებობს: DOT 3, DOT 4, DOT 5 და DOT 5.1.
DOT 3 - ამ ტიპის სამუხრუჭე სითხე ხასიათდება მაღალი ჰიდროსკოპიულობით, შესაბამისად მალე იწოვს ნესტს. ის დამზადებულია გლიკოლის საფუძველზე.
DOT 4 - მისი წინამორბედისაგან განსხვავებით, გაუმჯობესებული თვისებების ხარჯზე ადვილად ანეიტრალებს წყალს, შესაბამისად მისი შეწოვაც ნაკლებად ხდება. აქედან გამომდინარე, მისი რესურსი გაცილებით მეტია.
DOT 5 – ის დამზადებულია სილიკონის საფუძველზე. ამ ტიპის სამუხრუჭე სითხე სრულიად არაჰიდროსკოპულია, ანუ არ შეიწოვს წყალს.
DOT 5.1 - სპეციალური დანამატების საფუძველზე მას მნიშვნელოვნად აქვს გაზრდილი დუღილის ტემპერატურა. ამიტომ ხშირად იყენებენ სხვადასხვა სპორტული შეჯიბრებებისთვის განკუთვნილ ავტომობილებში.
სპეციალისტების რჩევით, სამუხრუჭე სითხე ყოველ 2 წელიწადში ერთელ მაინც უნდა შეიცვალოს. ხოლო იმ შემთხვევაში, თუ თქვენ ავტომობილით გადაადგილება ხშირად გიწევთ ისეთ ადგილებში, სადაც მუხრუჭს დიდი დატვირთვა აქვს, მაშინ სითხის შეცვლა რეკომენდებულია წელიწადში ერთხელ.
რაც შეეხება იმას თუ რომელი სითხე უნდა ჩავასხათ ჩვენს ავტომობილში, ამისათვის საჭიროა გავეცნოთ მწარმოებლის რეკომენდაციას ან სულაც სამუხრუჭე სითხის რეზერვუარის თავსახურს დავხედოთ.
აქვე გეტყვით, რომ ამბოლის ნებისმიერ ფილიალში თქვენ შეგიძლიათ შეიძინოთ უმაღლესი ხარისხის, გერმანული ბრენდის TEXTAR-ის სამუხრუჭე სითხეები., რომლებიც ხასიათდება დუღილის მაღალი ტემპერატურითა და ნაკლები ჰიდროსკოპიულობით. ისინი ერთნაირად ეფექტურია, როგორც სიცივეში ასევე სიცხეში და არ კარგავს მის თვისებებს ექსტრემალურ სიტუაციაშიც კი.
ასე რომ, თუ თვლი, რომ შენს ავტომობილს სამუხრუჭე სითხის შეცვლა სჭირდება, მაშინ გვეწვიე ამბოლის ნებისმიერ ფილიალში და შეიძინე უმაღლესი ხარისხის TEXTAR-ის სამუხრუჭე სითხე.
ამბოლი, მეტი დრო მოძრაობისთვის!