Lexus-მა გარისკა: კამერები სარკეების ნაცვლად


18 ოქტომბერი 2018 / 11:51

Lexus-მა გარისკა: კამერები სარკეების ნაცვლად


წლებია ავტომწარმოებლები კონცეპტქარებს კამერებს სარკეების ნაცვლად უყენებენ, თუმცა სერიულ წარმოებაში ამ კონცეფციისგან თავს იკავებდნენ, მაგრამ Lexus-ს მოთმინება ამოეწურა და პირველი გახდა, ვინც არ დააყოვნა ტექნელოგიის დანერგვა თავის სედან ES-ში.

სანამ ზოგიერთი ქვეყნის მთავრობა მარიხუანის ლეგალიზაციითაა დაკავებული, დანარჩენი ახალი ტექნელოგიების გამოყენებას აკანონებს ან დასაშვებს ხდის. მაგალითად, იაპონიაში 2016 წელს მიიღეს კანონი, რომელიც ავტო მწარმოებლებს ნებას აძლევდა სარკეების ნაცვლად კამერები გამოეყენებინათ. მიუხედავად ამისა არც ერთი ცნობილი მარკა არ ჩქარობდა ტრადიციების ინოვაციებით ჩანაცვლებას.

“ლექსუსის” ბიზნეს სედანი ES, რომელიც გაყიდვაში ოქტომბერში ჩაეშვება გადაეწყო კამერულ სისტემაზე - Digital Outer Mirrors. როგორც გამყიდველი გვარწმუნებს, მას გააჩნია მთელი რიგი უპირატესობები ტრადიცულ სარკეებზე.



პირველ უპირატესობას ასახელებენ გვერდითი ხედის შედარებით ნაკლებად შეზღუდვას. Lexus-ის დიზაინერების აზრით, ტრადიციული სარკეები ზოგ შემთხვევაში მძღოლისთვის ხელისშემშლელია, როდესაც გვერდზე იყურება შეზრუდულია ხედის დეტალურ აღქმაში. მეორე ის არის, რომ კამერები პატარა იქნება და აეროდინამიკულ წინაღობას ნაკლებად შექმნიან, შესაბამისად ხმაურიც შემცირდება. მესამე, გამოსახულების კომპიუტერული დამუშავება მძღოლს მისცემს საშუალებას შენიშნოს ის ობიექტები, რასაც სარკის დროს ვერ შენიშნავდა.


კამერის გამოსახულება აისახება ორ 5 დიუმიან მონიტორზე, რომელიც ინდიკატორების პანელის გვერდებზე იდგმევა. მონიტორების გასწორება შეიძლება, როგორც ხელით, ასევე ავტომატურად.

 

სავარაუდოდ, მოკლე ვადებში მწარმოებელი თავის სხვა მოდელებშიც გამოიყენებს კამერებს სარკეების ნაცვლად, ხოლო გამომდინარე იქიდან, რომ მანქანის ავტომატიზირებული მართვა ახალი ტენდენცია ხდება და ადამიანის დაკვირვებულობა მეორე პლანზე გადადის - კონკურენტებიც არ დააყოვნებენ მის გამოყენებას.