5 რჩევა, როგორ მოვამზადოთ ავტომობილი ზამთრის სეზონისთვის


5 რჩევა, როგორ მოვამზადოთ ავტომობილი ზამთრის სეზონისთვის

25 ნოემბერი 2022 / 12:01

ზამთრის სეზონი საკმაოდ რთული პერიოდია ავტომობილისთვის, რადგან დაბალი ტემპერატურა უარყოფითად მოქმედებს მის მნიშვნელოვან და მამოძრავებელ დეტალებზე. ამიტომ ცივი დღეების მოახლოებასთან ერთად საჭიროა ავტომობილის სპეციალური შემოწმება და შესაბამისი მომზადება, რათა შეუფერხებლად გვემსახუროს ჩვენ და ჩვენს თანამგზავრებს.

ამ ბლოგშიც სწორედ 5 ძირითად დეტალზე გვინდა გესაუბროთ, რომლებიც აუცილებლად უნდა გაითვალისწინოს ავტომობილის მფლობელმა, რათა ზამთრის სეზონს მომზადებული შეხვდეს.

საბურავები: ერთ-ერთი პირველი, რაზედაც უნდა იზრუნოთ, საბურავებია. რადგან, როგორც ვიცით, საბურავია ის ერთადერთი დეტალი, რომელსაც უშუალო შეხება აქვს გზის საფართან. ამიტომ მნიშვნელოვანია კლიმატის შესაბამისი საბურავები დავაყენოთ, რათა თოვლიან და მოყინულ ზედაპირზე სათანადო მოჭიდება და ეფექტური სამუხრუჭე მანძილი ქონდეს.

აკუმულატორი: დაბალი ტემპერატურა უარყოფითად აისახება აკუმულატორის სიცოცხლისუნარიანობაზე. ამიტომ საჭიროა მისი შესაბამისი შემოწმება და საჭიროების შემთვევაში დროული შეცვლა. რადგან სწორედ ის არის ერთადერთი ელექტროენერგიის წყარო ავტომობილში, რომელიც პასუხისმგებელია ჩვენს უსაფრთხო და კომფორტულ მგზავრობაზე.

ანტიფრიზი: ანტიფრიზი ეს არის რადიატორში მოთავსებული სპეციალური სითხე, რომელიც ხელს უწყობს ავტომობილის გამაგრილებელ სისტემაში ტემპერატურის რეგულირებას. მისი მთავარი კომპონენტი ეთილენგლიკოლია, რისი დახმარებითაც ანტიფრიზი არ იყინება დაბალ ტემპერატურაზე. გარდა ამისა, ანტიფრიზი შეიცავს სპეციალურ დანამატებს, რომელთა მეშვეობითაც გამაგრილებელი სისტემის სხვადასხვა კომპონენტების შეზეთვა ხდება და ამასთანავე იცავს მათ კოროზიისგან. მისი შეცვლა რეკომენდებულია 2 წელიწადში ერთხელ.

ძრავის ზეთი: დაბალ ტემპერატურაზე ძრავის ზეთი სქელდება, რაც ართულებს ცირკულაციას და შესაბამისად ამცირებს მის ეფექტურობას. ამიტომ საჭიროა დავუჯეროთ ჩვენი ავტომობილის მწარმოებლებს და სწორად შევარჩიოთ ზამთრის სეზონისათვის საჭირო სიბლანტის ზეთი.

მინამრეცხი სითხე: ის ერთ-ერთი მნიშვნელოვანი სითხეა ჩვენს ავტომობილში. მისი მეშვეობით ჩვენ ვწმენდთ სხვადასხვა მიზეზით დასვრილ საქარე მინებს, რათა ჩვენი მხედველობის არეალი არ შემცირდეს. ზამთარში კი საჭიროა სპეციალური შემცველობის მინამრეცხი სითხე, რომელიც დაბალ ტემპერატურაზე არ იყინება და საჭირო დროს ეფექტურად შეასრულებს მის დანიშნულებას.

გაითვალისწინეთ ზემოაღნიშნული რჩევები და დროულად მოამზადეთ თქვენი ავტომობილი ზამთრის სეზონისთვის.

ამბოლი, მეტი დრო მოძრაობისთვის!