როგორ უნდა მოვუაროთ აკუმულატორს ზამთარში


როგორ უნდა მოვუაროთ აკუმულატორს ზამთარში

29 ნოემბერი 2022 / 15:12

როგორ უნდა მოვუაროთ აკუმულატორს ზამთარში

აკუმულატორი ავტომობილის მთავარი მამოძრავებელი ძალაა. ის არის ერთადერთი დენის წყარო, რომელიც მანქანას საჭირო რაოდენობის ელექტრო ენერგიას აწვდის, რათა მან გამართულად ფუნქციონირება შეძლოს. მასში მიმდინარე პროცესის შედეგად ქიმიური ენერგია გარდაიქმნება ელექტრო ენერგიად.

თანამედროვე ბაზარზე მრავლადაა წარმოდგენილი სხვადასხვა წამყვანი ბრენდებისა თუ განსხვავებული დამზადების ტექნოლოგიის მქონე აკუმულატორები. აქედან გამომდინარე, მათი მუშაობისა და დამუხტვის სტილიც განსხვავებულია. თუმცა, თითოეული მათგანი პერიოდულ შემოწმებასა და სწორ ექსპლუატაციას საჭიროებს, რათა დიდხანს და გამართულად გვემსახუროს.

აქვე შეგახსენებთ იმ ფაქტსაც, რომ აკუმულატორის სიცოცხლისუნარიანობაზე ერთნაირად უარყოფითად მოქმედებს როგორც ცხელი ასევე ცივი კლიმატური პირობები და რადგან ზამთარი უკვე ახლოსაა, ჩვენ გირჩევთ რამდენიმე მნიშვნელოვან ნიუანსს, რომელთა გათვალისწინებითაც თქვენ შეძლებთ მარტივად მოუაროთ აკუმულატორს.

პირველ რიგში, ეცადეთ პერიოდულად გააკონტროლოთ აკუმულატორის დამუხტვის დონე, განსაკუთრებით მაშინ, როდესაც ავტომობილი დიდი ხნით არის გაჩერებული უმოქმედოდ. ასევე, ეცადეთ ჩართული არ დაგრჩეთ განათება, იქნება ეს გარე მაშუქები თუ სალონში არსებული პატარა ნათურები. გარდა ამისა, ხშირია შემთხვევები, როდესაც ავტომობილში ჩვენს საყვარელ მუსიკებს ვუსმენთ ისე, რომ ძრავი დაქოქილი არ არის. ყველა ზემოხსენებული შემთხვევა უარყოფითად აისახება აკუმულატორზე და განსაკუთრებით ზამთრის ცივ დღეებში, როდესაც მას ისედაც დიდი დატვირთვა ადგება.

ცნობისათვის, საშუალოდ აკუმულატორის მოქმედების ვადა 3-5 წელია. ასე, რომ თუ თვლით, რომ მისი შეცვლის დრო დადგა, მაშინ გვეწვიეთ ამბოლის ნებისმიერ ფილიალში, სადაც შეხვდებით მრავალი მოწინავე ბრენდის პროდუქციას. ჩვენი თანამშრომლები კი დაგეხმარებიან თქვენი ავტომობილისათვის შესაბამისი აკუმულატორის შერჩევაში. ამასთანავე, შეგიმოწმებენ ძველი აკუმულატორის დამუხტვის დონესაც.

ამბოლი, მეტი დრო მოძრაობისთვის!