პრემიუმ ბრენდების ზამთრის საბურავები ამბოლში


პრემიუმ ბრენდების ზამთრის საბურავები ამბოლში

21 დეკემბერი 2022 / 13:17

საუკუნეების წინ საბურავის გამოგონებამ რადიკალური გარდატეხა მოახდინა კაცობრიობის ისტორიაში. მისი მეშვეობით ადამიანებს ბევრად გაუადვილდათ საქმის წარმოება. დროთა განმავლობაში მან მრავალი ცვლილება განიცადა და დღესდღეობით ჩვენს წინაშე მრავალი სახისა და დანიშნულების საბურავია წარმოდგენილი.

მის არსზე არაერთხელ გვისაუბრია და კიდევ ვიტყვით, რომ ის არის ავტომობილის შემადგენელი ნაწილების ერთ-ერთი მნიშვნელოვანი დეტალი, რომელსაც გარემო-პირობებისა და სეზონურობის მიხედვით სწორად შერჩევა და მორგება სჭირდება ჩვენს ავტომობილზე. ის პირდაპირ არის პასუხისმგებელი ჩვენს უსაფრთხო და კომფორტულ მგზავრობაზე, რადგან გადაადგილებისას სწორედ მას უწევს უშუალო შეხება სავალი გზის ზედაპირთან.

ახლა კი, ზამთრის სეზონის დადგომასთან დაკავშირებით, გვინდა გაგაცნოთ რამდენიმე მსოფლიოში მოწინავე ბრენდის ზამთრის სეზონისათვის განკუთვნილი საბურავები, რომლებსაც ამბოლის ფილიალებში შეხვდებით.

Goodyear Eagle Sport 4 Seasons - მე-19 საუკუნის ბოლოს ჩამოყალიბებულ ამ მსოფლიოს მასშტაბით, საბურავების მწარმოებელ ამერიკულ გიგანტზე, ჩვენი ბლოგებიდან ალბათ უკვე ბევრიც გსმენიათ. კომპანიის თითქმის საუკუნე-ნახევრიანი ისტორიის მანძილზე არასდროს უღალატია თავისი ერთგული მომხმარებლისთვის და მან სწორედ მისი წარმოებული პროდუქციის ხარისხით, დამზადების ტექნოლოგიებითა და ინოვაციებით გაითქვა სახელი. აღნიშნული მოდელიც სწორედ ამის კარგი მაგალითია. ის განკუთვნილია წელიწადის ყველა დროისთვის და მათ შორის რა თქმა უნდა ზამთრისთვისაც.

Hankook H750 - სამხრეთ კორეული წარმოების ერთ-ერთი გამორჩეული საბურავის მოდელი. ის დამზადებულია რეზინის ნარევის ინოვაციური ნაერთით და შეიცავს ბუნებრივი ნედლეულის მაღალ შემცველობას. მაგალითად სილიციუმის მაღალი სიმკვრივე უზრუნველყოფს საბურავის გაზრდილ წებოვნებასა და მოჭიდებას დაბალ ტემპერატურაზეც კი. სპეციალური ღარების მეშვეობით ხდება წყლისა და დაგროვილი ჭუჭყის ეფექტური გამოდევნა. საბურავის ეს მოდელი, მისი სპეციალური მასიური ბლოკების საშუალებით უზრუნველყოფს ეფექტურ სამუხრუჭე მანძილსა და მართვის სტაბილურობას. ხოლო საბურავის ცენტრში განლაგებული ზიგზაგისებური პროფილი უხმაურო და კომფორტული გადაადგილების საწინდარია.

Nexen Winguard Snow G WH2 - მორიგი გამორჩეული კორეული ბრენდის საბურავი. ის გათვლილია ძირითადად სტანდარტული ზამთრის პირობებისთვის. მისი სპეციალური პროტექტორის ჭრილები უზრუნველყოფს უხმაურო და კომფორტულ მგზავრობას. იძლევა ერთნაირად კარგ შედეგს როგორც სველ ასევე მშრალ პირობებში. აქვს ეფექტური მოჭიდება თოვლიან და ყინულიან ზედაპირზე.

Toyo Observe GSI-6 S - იაპონური ბრენდის გამორჩეული საბურავის მოდელი, რომელიც გათვლილია მკაცრი ზამთრის პირობებისთვის. მისთვისაც, ისევე როგორც მისი წინამორბედებისთვის დამახასიათებელია განსაკუთრებით ეფექტური მოჭიდება ნებისმიერ ზამთრის პირობებში. ის განკუთვნილია როგორც სედანებისთვის ასევე კუპეებისა და SUV კლასის ავტომობილებისთვის.

თუ ჯერ კიდევ არ შეგიცვლია ძველი საბურავები ახლით, მაშინ გვეწვიე ამბოლის ნებისმიერ ფილიალში, სადაც შეხვდები ზამთრის სეზონის მსოფლიოში წამყვანი ბრენდების საბურავებს.

ჩვენი მაღალკვალიფიციური თანამშრომლები კი იზრუნებენ თქვენი ავტომობილისათვის შესაფერისი საბურავი შეგარჩევინონ, ხოლო მომსახურება დროულად და ხარისხიანად გაგიწიონ.

ამბოლი, მეტი დრო მოძრაობისთვის!