პირველი უპილოტო ტაქსები დუბაიში გამოჩნდნენ


24 ოქტომბერი 2018 / 09:10

Mercedes-benz-ის ფუძეზე აწყობილი უპილოტო ტაქსები უკვე მზად არიან მოგემსახურონ და უსაფრთხოდ მიგიყვანონ დანიშნულების ადგილზე, თუმცა ამისთვის დუბაის უნდა ეწვიოთ…

14 ოქტომბერს Gitex 2018-ის სტუმრებს ჰქონდათ პატივი პირველად ენახათ ისტორიული დანიშნულების ტაქსი. მისი შემქნელები დიდ იმედებსა და გეგმებს ამყარებენ და 2030 წელისთვის ბაზრის მნიშვნელოვანი წილის დაპყრობას ვარაუდობენ. 

მანქანას გააჩნია ყველა საჭირო სენსორი და მოწყობილობა, რომ დამოუკიდებლად შეძლოს მოძრაობა და ნაკადში ინტეგრაცია. კამერები, ლაზერული შორსმხედველი, 3d მოდელიზაცია - ეს მხოლოდ ტექნელოგიების ნაწილია, რაც სედანს გააჩნია. ასეთი ტაქსის უარყოფითი მხარე ის არის, რომ საკმაოდ ნელა გადაადგილებდა: სულ რაღაც 32 კმ/სთ. ასე რომ თუ საქმიან შეხვედრაზე გაგვიანდებათ, უპილოტო ტაქსი გამოსავალი ვერ იქნება.

თუმცა ჯერ უცნობია პროექტის საბოლოო ბედი, რადგან ის სატესტო რეჟიმშია გაშვებული. 3 თვის განმავლობაში მოხდება ამ მანქანებზე დეტალური დაკვირვება და შესწავლა, მხოლოდ ამის შემდეგ ნათელი გახდება მისი მომავალიც. Dubai's Roads and Transport Authority-ს წარმომადგენლები აცხადებენ, რომ დუბაის ყველაზე “ჭკვიან” ქალაქად გადაქცევის პირველი ნაბიჯი უპილოტო ტაქსები გახდებიან.