ყველაზე სწრაფი Jeep, რომელიც 100კმ-მდე 2.3 წამში ჩქარდება


22 ოქტომბერი 2018 / 18:05

Jeep Grand Cherokee Trackhawk ჯერ ისედაც არ იყო სახუმარო ყველგანმავალი. ამერიკელებმა მას 8 ცილინდრიანი, 6.2 ლიტრის მოცულობის HEMI-ს კომპრესორიანი ძრავი ჩაუყენეს, რომელმაც მანქანას 710 ცხენის ძალა უბოძა.

თუმცა ტუნინგ-ატელიე Hennessy-ს ეს სიმძლავრეც ეცოტავა და მათ გადაწყვიტეს ყველაზე სწრაფი Jeep-ის შექმნა. ტიუნერებს მთელი რიგი სამუშაოების შესრულება მოუწიათ: თითქმის მთლიანად გადააწყეს ძრავი, დაუყენეს ნაჭედი დგუშები, შემშვებ-გამშვებისა და საწვავის მიწოდების სრულიად ახალი სისტემა. მანიპულაციების შედეგად, სიმლავრე 1217 ცხენის ძალას შეადგენს, ხოლო მაბრუნებელი მომენტი - 1356ნ.მ-ს

 

Hennessy-ში გვიცხადებენ, რომ ეს Jeep 100 კმ-ს 2.3 წამში გაავითარებს, ხოლო, მეოთხედ მილს (402მ) 9.66 წამში დაფარავს. სამწუხაროა, რომ ასეთი ყველგანმავალი ლიმიტირებული რაოდენობით გამოვა, ზუსტი რიცხვი უცნობია, თუმცა ვარაუდით მაქსიმუმ 27 ეკზემპლიარი იქნება. რაც შეეხება ღირებულებას, საწყისი ფასი იქნება 484 000 ლარი.