უფასო პარკირება Tesla-ს მფლობელისგან


5 ნოემბერი 2018 / 17:55

აშშ-ს ქალაქ მედისონში პარკირება 2 საათის განმავლობაში უფასოა. იმ შემთხვევაში თუ თქვენ ლიმიტირებულ 120 წუთს გადააცილებთ, მოგიწევთ დამატებითი გადასახადის გადახდა. ასეთი ტიპის პარკინგი თბილისელებისთვისაც არ არის უცხო. ქალაქში მსგავსი სისტემის გასაჩერებელი ადგილები უხვადაა. საკმაოდ ხშირად 2 საათი არ არის საკმარისი და გვიწევს ვითომ ძალიან ყურადღებიანი “სტაიანშიკისთვის” ფულის გადახდა, რომელთა უმრავლესობას საერთოდ არ აინტერესებს ჩვენი მანქანების უსაფრთხოება.


 

 

მედისონის მკვიდრი, რომელიც “ტესლათი” გადაადგილდებოდა საკმაოდ საზრიანი აღმოჩნდა და მოიფიქრა უფასო პარკირების მეთოდი. ყველაფერი კი Summon-ის სისტემის დამსახურებაა. საქმე იმაშია, რომ ეს ფუნქცია საშუალებას იძლევა სმარტფონით მართოთ “ტესლა”. ტელეფონის დახმარებით თქვენ შეგიძლიათ მანქანის დაპარკინგება ან ფარეხიდან შესვლა-გასვლა. შონ კენნედი ოფისიდან გაუსვლელად ლიმიტირებული დროის ამოწურვამდე რამდენიმე წუთით ადრე ავტომობილს თავიდან აპარკინგებდა. შონის ვიდეო “თვითერში” სწრაფად გავრცელდა და 8 მილიონი ნახვა დაუყონებლივ მოაგროვა.