საჭიროა თუ არა ზამთარში ზამთრის საბურავით მოძრაობა?


8 ნოემბერი 2018 / 11:00

სამეფო კარის თამაშებში ზამთრის მოსვლა ჩრდილოელი ხალხისთვის შემზარავ, საშიშ და რთულ პერიოდთან ასოცირდება. არანაკლებ უსიამოვნო მოგონებები და გამოცდილება აქვთ მძღოლებსაც, რომლებმაც იციან, რაოდენ სახიფათოა ზამთარი და არასწორი “შეიარაღების” შემთხვევაში რამდენად სარისკოა მანქანით გადაადგილება.

უსაფრთხოების ზომების დაცვის მიზნით ყველაზე მნიშვნელოვანია შესაბამისი ტიპის საბურავის დაყენება. ზამთარში ავტოსაგზაო შემთხვევების უმრავლესობა, ავტომობილის დაუმორჩილებლობის გამო ხდება, ხოლო აქედან 73%-ის დროს ავტომობილებს არ ეყენათ ზამთრის საბურავები. ნებისმიერი მძღოლი უნდა აცნობიერებდეს, რომ მას პასუხისმგებლობა აქვს იზრუნოს როგორც საკუთარ უსაფრთხოებაზე, ასევე მოძრაობის ნაკადის წევრებზე და დაიცვალს დადგენილი ნორმები.  

 

 

სიცივეების დადგომისთანავე მძღოლები იწყებენ ფიქრს, თუ როდის დააყენონ ზამთრის საბურავები. ყველაზე მეტად დამაბნეველია ამინდის ფაქტორი, გვიან შემოდგმას დილით შეიძლება ძალიან ციოდეს, თუმცა შუადღეს ისევ გამოთბეს და პირიქით. ზამთარში კი, მიუხედავად იმისა, რომ დღისით შეიძლება ტემპერატურა 10 გრადუსს აღწევდეს, დილით გზებზე ხიფათის შემქნელი მინაყინია, რომელიც ღამ-ღამობით, ყინვის დროს ჩნდება. გამომდინარე აქედან, ძალიან მნიშვნელოვანია, რომ გზაზე პირველი ყინულის გამოჩენის დროს, ჩვენ მანქანას ზამთრის საბურავები ეყენოს.

და მაინც, როდის უნდა შევცვალოთ საბურავი?

რეზინისა და საბურავის მწარმოებლები გვარწმუნებენ, რომ მათი შეცვლა უნდა მოხდეს მაშინ, როდესაც დღე-ღამის საშუალო ტემპერატურა +5 - +7 გრადუსია. რაც უფრო დაბალია ტემპერატურა, მით უფრო მტკიცეა საბურავი. ზამთრისა და ზაფხულის ბორბლები ქიმიური შემადგენლობით ამიტომ განსხვავდებიან.

ასფალტის ზედაპირის მცირე მოყინულობის დროსაც კი, ზაფხულის რეზინა კარგავს ელასტიურობასა და მოჭიდების უნარს, შესაბამისად, უარესდება მართვადობა, ხოლო სამუხრუჭე მანძილი რამდენჯერმე იზრდება. რაც შეეხება ზამთრის საბურავს, თუ მის გამოყენებას გავაგრძელებთ თბილ ამინდში, როცა დღე-ღამის საშუალო ტემპერატურა რეგულარულად აღემატება 10 გრადუსს, ის დაიწყებს გადახურებას, დარბილდება და მალე გაცვდება. მისი შემადგენლობა გათვლილია დაბალ ტემპერატურაზე, რომ დარჩეს კარგად ელასტიური. სწორედ ამიტომ, ზამთარში მისი მეშვეობით უსაფრთხო გადაადგილება გარანტირებული გვაქვს.

მას შემდეგ, რაც დააყენებთ ზამთრის საბურავს, გაითვალისწინეთ, რომ ისინი ჯერ უნდა “მოჯდეს”, ამიტომ პირველი 100 კილომეტრის მანძილზე შეინარჩუნეთ მოძრაობის მშვიდი ტემპი და მაქსიმალურად მოერიდეთ ექსტემალურ ან აგრესიულ გადაადგილებას.

საბურავების კიდევ ერთი ტიპია ყველა სეზონური. სახელიდან გამომდინარე მისი დანიშნულებაა მთელი წლის განმავლობაში უპრობლემოდ მუშაობა. თუმცა პრაქტიკაში ყველა სეზონური ჩამორჩება როგორც ზაფხულის, ასევე ზამთრის საბურავს. რეალურად საქართველოს ზოგიერთ რეგიონში თბილი შემოდგომა-ზამთარი იცის ხოლმე და შეიძლება ყველა სეზონის გამოყენება, მაგრამ ის არის ბიუჯეტური ვარიანტი და მაღალი უსაფრთხოებისთვის ჯობია შესაბამისი სეზონის ტიპის საბურავის გამოყენება.

როგორც ხედავთ, ზამთრის საბურავს ბევრი დადებითი მახასიათებლები აქვს: მანქანის მართვა გაყინულ გზაზე შესაძლებელია, სამუხრუჭე მანძილი უმნიშვნელოდ იზრდება, ყინვების დროს რეზინა ელასტიური რჩება, მცირდება ავტო საგზაო შემთხვევის რისკი.

ამბოლის მაღაზიებში შეგიძლიათ შეიძინოთ ნებისმიერი ტიპის საბურავები. ჩვენი ოპერატორებისა და კონსულტანტების გუნდი ზუსტად შეგირჩევთ საჭირო ზომისა და მახასიათებლის საბურავს, როგორც ონლაინ რეჟიმში, ასევე მაღაზიებში.