რა უნდა ვიცოდეთ ტექდათვალიერების შესახებ?


26 მარტი 2021 / 04:21

ალბათ ყველანი ვთანხმდებით, რომ ინსპექტირებაგავლილი ავტომობილი, უსაფრთხოა იმ გარემოსთვის, რომელშიც ჩვენ ვცხოვრობთ, რადგან სწორ ექსპლუატაციაში მყოფი მანქანა ნაკლებად გამოყოფს მავნე ნივთიერებებს და ნაკლებ სარისკოა ადამიანების ჯანმრთელობისთვის. 
 
ტექდათვალიერების პროცესში ავტომობილი მოწმდება შემდეგ კომპონენტებზე:
სატრანსპორტო საშუალების იდენტიფიკაცია
სამუხრუჭო აღჭურვილობა
საჭით მართვის სისტემა
ხილვადობა
ფარები, შუქამრეკლები და ელექტრომოწყობილობა
ღერძები, თვლები, საბურავები და დაკიდების სისტემა
შასი და მისი შემადგენლობები
სხვა მოწყობილობები
დამატებითი ტესტირება მგზავრთა გადამყვან M2 და M3 კატეგორიის სატრანსპორტო საშუალებებისათვის.
 
საქართველოში ტექდათვალიერება 2018 წელს განახლდა და დადგენილი ნორმების მხრივ დღემდე მრავალი ცვლილება განიცადა. ამ მხრივ არც ახალი 2021 წელი  აღმოჩნდა გამონაკლისი და 1 იანვრიდან ცვლილებები შეეხო გამონაბოლქვის (co)-ს მაჩვენებელს. კონკრეტულად:
 
2021 წლის 1 იანვრიდან CO-ს კოეფიციენტი ბენზინზე მომუშავე ავტომობილებისთვის როგორც მაღალ, ისე დაბალ ბრუნზე 0.6, დიზელისთვის 2.5 ხოლო, ტურბოდიზელისთვის 3.0-ს შეადგენს. 
 
რაც შეეხება ლამბდა კოეფიციენტს, მისი დიაპაზონი მერყეობს 1+-0.03 შუალედში
 
ასევე საყურადღებოა ის ფაქტიც, რომ გამონაბოლქვის კომპონენტის ვიზუალური შემოწმებისას, ავტომობილი არ უნდა გამოყოფდეს მოლურჯო-მონაცრისფრო ან შავ კვამლს.
 
რაც შეეხება საბურავებს, მათი ასაკი 10 წელზე მეტის არ უნდა იყოს, ასაკის დადგენა მარტივადაა შესაძლებელი, საბურავზე დატანილი DOT კოდის მეშვეობით. რომელიც ყველა საბურავს აწერია. თანამედროვე საბურავებში ეს არის ოთხ ნიშნა კოდი, მაგალითად 2016, სადაც პირველი ორი რიცხვი აღნიშნავს წლის რომელ კვირაშია გამოშვებული საბურავი ხოლო ბოლო ორი რიცხვი კი აღნიშნავს რომელ წელსაა გამოშვებული. შესაბამისად აღნიშნული საბურავი 2016 წლის მე-20 კვირაშია გამოშვებული.

თუ არ იცი როდის უწევს შენს ავტომობილს ტექდათვალიერება, შეამოწმე თარიღი ვებ-გვერდზე:  umartivesad.ge
 
გისურვებთ წარმატებას და უსაფრთხო მგზავრობას.