სოფელში დამონტაჟებულმა კამერამ 2 კვირაში 58 000 დარღვევა დააფიქსირა


27 ნოემბერი 2018 / 11:08

პატარა სოფლის აკვეტიკოს ადმინისტრაციამ გადაწყვიტა საინტერესო ექსპერიმენტის ჩატარება. სოფლის მოსახლეობა არ აღემატება 180 ადამიანს, მაგრამ მოძრაობა მის გზებზე Fast and Furious-ის გადასაღებ მოედანს დაემსგავსა. საქმე იმაშია რომ მეზობელი პიემონტიდან იტალიის სანაპიროებამდე გასასვლელად აკვეტიკოს გზა ყველაზე მოკლეა, ამიტომ დამსვენებლების უმრავლესობა სწორედ ამ სოფლის გავლით მიემგზავრება დასასვენებლად.

ერთადერთი კამერა ქვეითთა გადასასვლელ ადგილას დააყენეს, სადაც მოქმედებს სიჩქარის 50 კმ/სთ-იანი შეზღუდვა. საბოლოოდ ექსპერიმენტის შედეგებმა ყოველგვარ მოლოდინს გადააჭარბა.

 

 

სულ რაღაც ორ კვირაში კამერამ საგზაო მოძრაობის წესების 58 000 დარღვევა დააფიქსირა. აღსანიშნავია, რომ ზოგიერთი მძღოლი სოფელს 135 კმ/სთ-ით ჩაუქროლებდა ხოლმე. ყველაზე მეტი დარღვევა დღისით დაფიქსირდა.

“იმის გათვალისწინებით, რომ სოფლის მოსახლეობა ძალიან ხშირად იყენებს ქვეითთა გადასასვლელს, ეს ნამდვილად სიგიჟეა.იმედი გვაქვს კამერა გახდება მძღოლების აგრესიული სტილისთვის შემაკავებელი ფაქტორი. ჩვენ არ გვინდა ჯარიმებით შევავსოთ ბიუჯეტი, მაგრამ ვალდებულები ვართ დავიცვათ აკვეტიკოს მოსახლეობა” - აცხადებს ადმინისტრაციის წევრი. მოგვიანებით როგორც გაირკვა, სოფელმა გადაწყვიტა კამერა სამუდამოდ დაეტოვებინა.