BMW X7-ის საჯარო დებიუტი შედგა! რა გავიგეთ ახალ ქროსოვერზე?


29 ნოემბერი 2018 / 11:20

BMW X7-ის პირველი ფოტოები და ტექნიკური მახასიათებლები ინტერნეტში თვენახევრის წინ გავრცელდა. თუმცა მიმდინარე კვირას გაიმართა მისი საჯარო ჩვენება, რომელმაც მნახველი აღტაცებაში მოიყვანა. ჩვენ კი რამდენიმე საინტერესო ფაქტს გაგაცნობთ ახალ X7-ზე.

1. BMW X7-ის სიგრძე - 5 151მმ-ია. ეს კი იმას ნიშნავს, რომ სიგრძით ის აღემატება არა მარტო X5-სა და X6-ს, არამედ ბაზურ მე-7 სერიასაც. სამაგიეროდ, სიგანეში 2მ-ია და მე-7 სერიის ნებისმიერ ვერსიაზე განიერია. სხვათაშორის, სიგრძით ის Mercedes-Benz GLS-სა და Range Rover-საც ასწრებს.

 

 

2. BMW X7 - 7 ადგილიანია! თანაც სავარძლების სამი რიგი მანქანას მოყვება სტანდარტულად და არა ზედმეტი ოფციის სახით (ზოგიერთი მანქანის შემთხვევაში თქვენ უნდა გადაიხადოთ დამატებითად, რომ სავარძლების სამი რიგი გქონდეთ - რედ.). ბავარიელები გვპირდებიან რომ მესამე რიგი საკმაოდ კომფორტული იქნება: იდაყვებისა და ჭიქების დასადებებით, USB-ს პორტებით და ასე შემდეგ.

 

 

3. BMW-ს წარმომადგენლები გვარწმუნებენ, რომ X7 უგზოობაზეც ღირსეული იქნება. ყველა მოდელი სრულ ამძრავით გამოირჩევა. ასევე, გამოვა off road პაკეტი, რომელიც მანქანის სვლას გზის სხვადასხვა საფარის მიხედვით გადააწყობს.

4. ადაპტური დიოდური მაშუქები, შორი მაშუქის მართვის “ჭკვიანი” სისტემა, 4 ზონიანი კლიმატ კონტროლი, უზარმაზარი პანორამის ჭერი - ამ ყველაფრით გვაწონებს თავს საბაზისო X7.

 

249 ცხენის ძალიანი დიზელის X7 დაახლოებით 234 800 ლარი ეღირება. შესაბამისი GLS კი 234 250 ლარიდან იწყება. Range Rover შედარებით ძვირად ფასობს - 276 260 ლარიდან.

საინტერესო იქნება რამდენად შეძლებს BMW X7 თავის დამკვიდრებას ბაზარზე და მისი მთავარი კონკურენტის Mercedes-Benz GLS-ის შევიწროებას.