ვინ უფრო მეტი იარა - გარბენის რეკორდები


1 დეკემბერი 2018 / 01:58

ირვ გორდონი და 1966 წლის Volvo P-1800S

 

 

ნიუ-იორკის მკვიდრმა ირვ გორდონმა თავის 1966 წლის Volvo, 25 წლის ასაკში შეიძინა და დღემდე მისი განუყრელი მფლობელია. გორდონი თავის მანქანით საკმაოდ ინტენსიურად გადაადგილდება, როგორც ქალაქში, ასევე მის გარეთ. სხვადასხვა ავტოშოუების გამო ის დამოგზაურობს აშშ-ი, კანადასა და ზოგჯერ ევროპაშიც კი. როგორც გორდონი ამბობს, წლიურად, დაახლოებით, 140 000 - 160 000 კმ-ს ფარავს. მისი მანქანის გარბენი… 4 900 000 კილომეტრია.

2014 წელს მანქანა გარბენის გამო გინესის რეკორდების წიგნში შევიდა. ინტერვიუში ირვ გორდონმა ახნსა, როგორ შეძლო 50 წლის განმავლობაში ავტომობილის საუკეთსო მდგომარეობაში შენარჩუნება. “დროული ტექ.დათვალიერება, ზეთისა და ფილტრების გამოცვლა, ორიგინალი სავალი ნაწილები და ძვირფასს ავტოსამრეცხაოებში რეცხვა - ესაა მთელი საიდუმლოობა, თუ როგორ შევინარჩუნოთ მანქანა იდეალურ მდგომარეობაში” - განაცხადა გორდონმა.

გრეგორიუს საჩინიდისი და მისი 1976 წლის Mercedes-Benz 240D

 

 

საჩინიდისმა მანქანა 1981 წელს შეიძინა და უკვე 2004 წლამდე 4.5 მილიონზე მეტი კილომეტრი გაიარა. “მერსედესისთვის” ეს აბსოლუტური რეკორდი აღმოჩნდა, რომელიც ოფიციალურად დაფიქსირდა.

სკეპტიკოსები დამყარებულ რეკორდს მაინც არ აღიარებენ, ვინაიდან საჩინიდისი ტაქსის მძღოლად მუშაობდა და ის სპეციალურად დასიერნობდა ქუჩებში, რომ კლიენტი მოეძებნა. თუმცა Mercedes-ის ხელმძღვანელობას სულ სხვა გეგმები ჰქონდათ და მათ გრეგორიუსს უახლესი C კლასი აჩუქეს, ხოლო მისი ყოფილი მანქანა კომპანიის მუზეუმში სამუდამო პენსიაზე “დააყენეს”.

 

1979 წლის Volvo 245 GL

 

 

ეს ყვითელი ფენომენი მთელი თავისი ცხოვრება კომპანია S.E. Makinen Logistics-ს ემსახურებოდა. ის ტვირთს ფინეთის მასშტაბით 1979 წლიდან 2014 წლამდე დაატარებდა. მარტივად წარმოსადგენია ამ დროის განმავლობაში რამდენი წინაღობა გადალახა და გზის რამდენად მრავალფეროვან საფარზე იარა.

 

S.E. Makinen Logistics-ის ხელმძღვანელობა აღნიშნავს, რომ განსაკუთრებულად არც უვლიდნენ მათ Volvo-ს, უბრალოდ დროულად დაყავდათ სერვის ცენტრში. 35 წლის მანძილზე ავტომობილმა 2 636 000 კმ გაიარა.

 

ჯოზეფ ვაიანკური და 1963 წლის Plymouth Fury

 

 

ეს ისტორია ნამდვილი დრამაა, რომელიც ჯოზეფსა და მის მანქანას გადახდათ. ვაიანკურმა თითქმის 30 წელი იმუშავა ტაქსის მძღოლად, გაიარა 2 611 000 კილომეტრი. ყოველთვის გულმოდგინედ უვლიდა: უცვლიდა ზეთსა და ფილტრებს, დაყავდა სერვის ცენტრში, ღამე კი სველი ნაჭრით აშორებდა ქალაქურ მტვერს… მაგრამ 1991 წელს ის ტრაილერს დაეჯახა. ჯოზეფი გადარჩა, მაგრამ მონრეალის ტაქსის მძღოლს არ ჰქონდა იმის საშუალება, რომ მანქანა აღედგინა და ჯართში ჩაბარებას უპირებდა...
თუმცა ჟურნალისტებისა და სხვადასხვა ტელეგადაცემების ხარჯზე ჯოზეფის შესახებ უამრავმა ადამიანმა შეიტყო. ქალაქის ერთ-ერთმა მკვიდრმა კი გამოისყიდა მანქანა, აღადგინა და მერს მუზეუმში მოათავსებინა.

 

ალბერტ კლიანი და 1963 წლის VW Beetle

კალიფორნიელი ალბერტ კლიანი თავის ახალგაზრდობის მოდას აყვა და მაშინდელი ერთ-ერთი ყველაზე პოპულარული მანქანა - VW Beetle შიეძინა, თანაც სულ რაღაც 1900 დოლარად! 24 წელიწადში მისი სპიდომეტრის ქვეშ გარბენმა 2 591 000 კმ-ს მიაღწია.

ალბერტმა და Beetle-მ საერთო ენა აშკარად გამონახეს, ვინაიდან ძრავის 7-ჯერ და ტრანსმისიის 3-ჯერ გამოცვლის შემდეგაც კი ისინი ერთმანეთს ვერ ელევიან. გარდა ამისა, კლიანმა 150 ცალი საბურავი გამოცვალა და 135 000 ლიტრი საწვავი ჩაასხა. როდესაც გარბენი მილიონ მილს მიახლოვდა, უკვე იმ დროისთვის მას მანქანაზე დახარჯული ჰქონდა 38 000 დოლარი.