იაპონიაში Toyota წლის ავტომობილი ისევ ვერ გახდა!


12 დეკემბერი 2018 / 12:12

მიუხედავად იმისა, რომ Toyota მოდებულია მსოფლიო ბაზარს და მისი მანქანები მსოფლიოს პრაქტიკულად ყველა ქვეყანაში მაღალი მოთხოვნით იყიდება, იაპონიაში ზედიზედ მეორე წელია საუკეთესო მანქანის ტიტულს ვერ იმსახურებს.

სამაგიეროდ შვედური Volvo, როგორც ჩანს, იაპონელების გულს მარტივად იპყრობს. Car of the Japan 1980 წლიდან იმართება და შესაბამისი წლის საუკეთესო მანქანას ავლენს. მასში ადგილობრივი 60 ჟურნალისტი და ექსპერტი ჟიურის სახით მონაწილეობს. გასულ წელს მათ ქროსოვერი Volvo XC 60 მიიჩნიეს საუკეთესოდ, ხოლო წელს, შედარებით პატარა - Volvo XC 40. სკანდინავიურმა დიზაინმა, ხარისხიანმა ინტერიერმა კომფორტულმა სვლამ და უსაფრთხოების მაღალმა დონემ “ვოლვო” უკუნკურენტო გახადა. თუმცა ერთ-ერთ დიდ უპირატესობად მისი კომპაქტური ზომები ჩაითვალა, რომელიც იაპონური გზებისთვის ზედგამოჭრილია.

ვერცხლი ერგო Toyota Corola Sport-ს, რომელმაც 314 ქულა დააგროვა (Volvo-მ - 363), მესამე ადგილის კი VW Polo დასჯერდა.