რუსები აღარ ხუმრობენ: ელექტროქარი 440 000 ევროდ!


რუსები აღარ ხუმრობენ: ელექტროქარი 440 000 ევროდ!

17 დეკემბერი 2018 / 18:36

ნაკლებად ცნობილი რუსული ფირმა ამბიციურ პროექტს აანონსებს. Aviar Motors, რომლის შესახებ პრაქტიკულად არაფერია ცნობილი, გარდა იმისა, რომ ერთ-ერთი წყაროს თანახმად, მათი ოფისი მოსკოვშია, “ტესლასა” და “მუსტანგის” სინთეზს აპირებს.

მანქანის დიზაინსა და ტექნიკურ მხარეზე ცალ-ცალკე დაქირავებული კომპანიები იზრუნებენ. პროექტს R67 ჰქვია და მათ საიტზე განთავსებულია თუ როგორი იქნება სავარაუდოდ ავტომობილი. თუმცა დიდი დაკვრივების უნარი არაა საჭირო, მასში Ford Mustang ამოვიცნოთ.

ტექნიკურ მხარეს რაც შეეხება: ამ ეტაპზე ცნობილია, რომ მანქანას ექნება 2 ელექტრო ძრავი, 840 ცხენის ძალა (967ნ.მ). 100 კილომეტრამდე ასაჩქარებლად კი სულ რაღაც 2.2 წამი დასჭირდება, მაქსიმალურ სიჩქარე - 250 კმ/სთ. მოსალოდნელია, რომ ერთი დამუხტვით ის გაივლის 507 კმ-ს.

გარდა ამისა მანქანა აღიჭურვება პნევმო დაკიდების სისტემით, აქტიური აეროდინამიკის სხვადასხვა ელემენტებით, თანამედროვე ელექტრო ასისტენტებითა და ავტოპილოტით. სალონში განთავსებული იქნება ციფრული პანელი და დიდი სენსორული ეკრანი.

პირველი პროტოტიპი სავარაუდოდ 8 თვეში იქნება მზად. ცნობილია უკვე მისი ფასიც: 440 000 ევრო. თუმცა ფასი რატომღაც მითითებულია ჯერ მხოლოდ ნიდერლანდებისთვის.