ნუ იყიდით ამ მანქანას, გამოიწერეთ ის! - Volvo-ს ახალი კამპანია


ნუ იყიდით ამ მანქანას, გამოიწერეთ ის! - Volvo-ს ახალი კამპანია

24 დეკემბერი 2018 / 16:27

შვედური Volvo წლებია ცდილობს ინოვაციური იყოს, როგორც ჩანს, მათი გაყიდვების განყოფილებაც ცდილობს მთლიან პოლიტიკას არ ჩამორჩეს. ახალ სარეკლამო კამპანიაში საკმაოდ უცნაურმა სლოგანმა გაიჟღერა: Don’t buy this car. Subscribe to it. მწარმოებელი ცდილობს თავი აარიდოს უშაულოდ გაყიდვებს და დანერგოს მასშტაბური ქირაობის ტენდენცია.

 

 

მაგალითად, ქროსოვერი Volvo XC40 გამოწერის შემთხვევაში კლიენტს თვეში 498 ევრო (1512 ლარი) დაუჯდება. ღირებულებაში შედის დაზღვევა, გადასახადები და სხვადასხვა საგზაო სერვისები. XC90-ზე გამოწერა 928 ევრო ეღირება (2818 ლარი).

Volvo-ს ახალ პროგრამას თავის უარყოფითი მხარეებიც გააჩნია, მაგალითად ლიზინგთან შედარებით, ის პრაქტიკულად 40%-ით ძვირი გამოდის. გარდა ამისა სერვისით დაინტერესება ძალიან ცოტა ადამიანმა გამოთქვა.

როგორც კომპანიაში აცხადებენ, მათ სურთ Volvo ახალგაზრდებს გააცნონ. საქმე ისაა, რომ შვედურ მანქანას უმეტეს შემთხვევაში ისინი ყიდულობენ, ვისი ასაკი 40 წელს აღემატება. გამოდის რომ ამ კამპანიით Volvo ახალგაზრდების სიმპათიის აღძვრას შეეცდება. ამავე მიზნის გამო მათ მანქანებს ახალგაზრდებისთვის ერთ-ერთ საყვარელ ფილმში “ბინდში ვიხილავთ”.