ილონ მასკი ტესლას თანამშრომლებს 7%-ით ამცირებს


ილონ მასკი ტესლას თანამშრომლებს 7%-ით ამცირებს

19 იანვარი 2019 / 17:46

ამერიკული ელექტრო ავტომობილების მწარმოებელი ტესლა თავის სამუშაო ძალის 7%-ით  (დაახლოებით 3000 თანამშრომელი) შემცირებას გეგმავს. შემცირებების მთავარი მიზეზი მოდელ3-ზე ფასების გაიაფებაა, რაც საშუალებას მიცემს კომპანიას გავიდეს უფრო ფართო, დაბალშემოსავლიან სეგმენტებზე. 

პარასკევს თანამშრომლებისთვის მიწერილ წერილში ტესლას CEO-მ განაცხდახა: "დიდი პროგრესის მიუხედავად, ჩვენი პროდუქტები მაინც ზედმეტად ძვირია ადამიანების უმეტესობისთვის. სამწუხაროდ, ამ ეტაპზე, ჩვენ არ გვაქვს სხვა არჩევანი გარდა თანამშრომლების 7%-ით შემცირებისა. 2018-ში სამუშაო ძალის რაოდენობა გაიზარდა 30%-ით, რომლის შენარჩუნებაც, სამწუხაროდ, ამ ეტაპზე კომპანიას არ შეუძლია".

წერილის გასაჯაროების შემდეგ ტესლას აქციების ფასი 10%-ით დაეცა.

ავტომწარმოებელი დიდი ზეწოლის ქვეშაა. თავის 15 წლიანი ისტორიის განმავლობაში მან მხოლოდ 3 კვარტალი დაასრულა მოგებით. კონკურენტების გაძლიერება, პრობლემები წარმოებაში და ფინანსებში რთული და გამომწვევი წლის წინაშე აყენებს კომპანიას.

"ტესლა მხოლოდ ათი წელია რაც მანქანებს აწარმოებს და ჩვენ ვებრძვით მასიურ, სანგრებში გამაგრებულ კონკურენტებს. იმედია, მიმდინარე კვარტალი საშუალებას მოგვცემს, რთულად მაგრამ დიდი ძალისხმევით და მცირედი იღბლით მივაღწიოთ გარკვეულ მოგებას." დასძინა მასკმა.