ავტომწარმოებლების 5 ყველაზე სახალისო რგოლი სუპერ-ბოულზე


ავტომწარმოებლების 5 ყველაზე სახალისო რგოლი სუპერ-ბოულზე

27 იანვარი 2019 / 13:35

სუპერ-ბოული სარეკლამო სფეროს მექაა. მსოფლიოში ყველაზე ძვირადღირებული სარეკლამო წუთები, რომლის გამოც კომპანიები ყოველწლიურად მილიონობით დოლარს ხარჯავენ, რათა ერთჯერადად გაუშვან მათ მიერ გადაღებული საუკეთესო რგოლები.  

წლევანდელ სუპერ ბოულზე, რომელიც სულ რამოდენიმე დღეში (3 თებერვლს) გაიმართება, 30 წამიანი რგოლის ფასი 5 მილიონი დოლარი იქნება. სანამ ავტომოყვარულები ვიხილავთ ავტომწარმოებლების ახალ რგოლებს, მოდით გავიხსენოთ გასუხლ წლებში მათ მიერ სუპერ-ბოულისთვის შექმნილი 5 ყველაზე სახალისო რგოლი:

 

ფოლკსვაგენ-ის "The Force"

2011 წელს, ფოლკსვაგენმა 10 წლიანი პაუზის შემდეგ კვლავ  განათავსა რეკლამა სუპერ-ბოულზე. სარეკლამო სააგენტო Deutsch-ის მიერ გადაღებულ რგოლში ვხედავთ დართ ვეიდერის ფორმაში გამოწყობილ პატარა ბიჭს, რომელიც თავის ძალას ცდის ოჯახის ძაღლზე, სარეცხ მანქნაზე, სათამაშოზე, თუმცა წარუმატებლად. შემდეგ კი მამის ახალ პასატზე...

 

შევი-ს "Happy Grad"

სუპერ-ბოულ XLVI-ს ვიდეორგოლისთვის ჯენერალ მოტორსმა გამოაცხადა კონკურსი, სადაც გაიმარჯვა დამწყებმა, 21 წლის ზაქ ბორსთმა, თავისი სახლის წინ გადაღებული რგოლით. რგოლში ნაჩვენებია ახალგაზრდა, რომელსაც მშობლები მაცივარს ჩუქნიან, თუმცა ის Chevy Camaro-ს გარდა ვერაფერს ვერ ხედავს.

 

ჰიუნდაი-ს "First Date"

Hyundai  Genesis-ის სარეკლამო რგოლში, კევინ ჰარტის პერსონაჟი თინეიჯერი გოგოს მშობელია, რომლისთვისაც შვილის პაემანზე მარტო გაშვება არც თუ ისე მარტივია. დასარწმუნებლად, რომ თავისი შვილი შინ მშვიდობით დაბრუნდება კევინი იყენებს ჰუნდაის „Blue Link Car Finder“-ს. 

რგოლი კარგი მაგალითია ჰუნდაის ახალი მარკეტინგული სტრატეგიის - კონცენტრირდეს ავტომობილების კომპიუტერულ ტექნოლოგიებზე. სუპერ-ბოულის ფინალის შემდეგ ჰუნდაის მარკეტინგის დირექტორმა, დინ ევანსმა განაცხადა: "ჩვენ ეხლა გავდივართ დიდ ტექნოლოგიურ ცვლილებებს. ადრე მანქანებს ქონდათ კომპიუტერი. ეხლა კი მანქანა არის კომპიუტერი, რომელსაც აქვს 4 საბურავი".

 

კია-ს "Hero's Journey" 

კია-ს 2017 წლის რგოლში მელისა მაკარტი ყინულის დნობიდან დაწყებული მარტორქების გადაშენებით დამთავრებული ცდილობდა პლანეტის პრობლემების მოგვარებას. რა თქმა უნდა, ის ამას ვერ გააკეთებდა ახალი Niro Hybrid SUV-ის გარეშე.

 

ტოიოტა-ს "The Longest Chase"

ბანკის გაძარცვა პრიუსით შესაძლოა არც თუ ისე კარგი იდეა ჩანდეს, თუმა ამ 2011 წელს saatchi & saatchi-ს მიერ გადაღებულ რგოლში 4 მძარცველი მშვენივრად ახერხებს პოლიციისგან თავის დაძვრენას, რა თქმა უნდა, გზადაგზა პროდუქტის ძლიერი მხარეების ჩვენებით.