ამ სტატიაში მინდა გესაუბროთ ავტომობილსა და მასთან დაკავშირებულ ემოციებსა და განცდებზე, რასაც ჩვენ, ყოველ ჯერზე ვღებულობთ მისი მართვისგან.
ჩვენ ვცოხვრობთ ერაში, სადაც ავტომობილი არამხოლოდ ფუფუნების საგნად, არამედ კომფორტულად გადაადგილების ყოველდღიურ საშუალებად ითვლება. დღესდღეობით მრავალი სახისა და ფორმის ავტომობილი არსებობს ნებისმიერი გემოვნების ადამიანისთვის. ისინი ერთმანეთისგან თავიანთი ფუნქცია-მოვალეობებით განსხვავდება, სწორედ ეს განაპირობებს მათ ფასსა და შესაძლებლობებს.
ავტომობილის შექმნის ისტორია დაახლოებით ხუთ საუკუნეს ითვლის და დღემდე მრავალი მოდიფიცირება განვლო. ის არ არის მხოლოდ დამუშავებული რკინის ,,ნაგლეჯი“, მას, ისევე, როგორც ცოცხალ ორგანიზმს სჭირდება პერიოდული მოვლა და საჭირო დროს სწორი ექსპლუატაცია.
არსებობს ადამიანების ორი ჯგუფი, ისინი, რომლებიც ავტომობილით მხოლოდ სარგებლობენ და თითქმის არ ხარჯავენ მასზე არც ფულად და არც დროის რესურს, და მეორე კატეგორია, რომლებიც ავტომობილს აღიქვამენ, როგორც ოჯახის წევრს და ერთგულ მეგობარს.
დარწმუნებული ვარ, თითოეული თქვენგანი, რომელიც ამ სტატიას კითხულობს, წუთით მაინც რომ დაფიქრდეს, მინიმუმ ორ ან სამ ემოციასა თუ გადახდენილ ისტორიას გაიხსენებს, რომელიც საკუთარ ავტომობილთან აკავშირებს. სულ რომ არაფერი, ალბათ ყველას გქონიათ ცხოვრებაში მომენტი, როდესაც უბრალოდ მარტო დარჩენა გსურთ და თქვენთვის ფიქრი, გარიდება ყოველდღიურობას... ვიღებთ გასაღებს და სადმე წინასწარ შერჩეულ და საყვარელ ადგილას გავდივართ ჩვენს რკინის მეგობართან ერთად და მარტო დარჩენილნი გემოვნებით შერჩეული მუსიკის ფონზე ვფიქრობთ ამათუიმ საკითხის შესახებ...
P.S : მოუარეთ და იზრუნეთ თქვენს ავტომობილზე, შეხედეთ მას როგორც ერთგულ მეგობარსა და ცოცხალ ორგანიზმს, და ის არასდროს გიღალატებთ, გამოგყვებათ, დაგელოდებათ და წაგიყვანთ ნებისმიერ ადგილას სადაც კი მოისურვებთ...