ამ ბლოგში მინდა შემოგთავაზოთ რამდენიმე ეფექტური საშუალება თუ როგორ დავზოგოთ საწვავი და შესაბამისად როგორ გავუფრთხილდეთ ჩვენს ფინანსებს.
მნიშვნელოვანია, ჩვენს ავტომობილს მაქსიმალურად შევუნარჩუნოთ აეროდინამიკა:
ქარის წინააღმდეგობა მნიშვნელოვნად ზრდის საწვავის მოხმარებას, ამიტომ როდესაც მაღალი სიჩქარით გადავაადგილდებით მნიშვნელოვანია დავხუროთ ფანჯრები და ამავე დროს თუ სახურავზე გვაქვს დამატებითი საბარგული ან რაიმე სახის თარო და არ ვიყენებთ, ასეთ შემთხვევაში უმჯობესია საერთოდ მოვხსნათ. საბოლოოდ ამ მეთოდით შესაძლებელია საწვავის 20%-ზე მეტის დაზოგვა.
სიჩქარის რეგულირება:
იმ შემთხვევაში თუ გადაადგილებისას სიჩქარეს 80კმ/სთ-დან 70 კმ/სთ-მდე შევამცირებთ, ეს დაზოგავს საწვავის მოხმარებას 25%-ით. ხოლო თუ შედარებით მოკლე დისტანციაზე გვიწევს გადაადგილება მაშინ უმჯობესია 70კმ/სთ-ს მაგივრად 60კმ/სთ-ით გადავაადგილდეთ ეს კი საწვავს დამატებით 10%-ით დაგვიზოგავს.
გონივრული მართვა:
გადაადგილებისას აუცილებელია მუდმივად ვიყუროთ წინ, რათა პირველ რიგში, დავაკვირდეთ სხვა მძღოლების გადაადგილებასა და მანევრს, საჭიროების შემთხვევაში კი თავიდან ავირიდოთ მოსალოდნელი საფრთხე. შესაბამისად, რაც ნაკლებია დამუხრუჭებისა და აჩქარების ინტენსივობა, მით ნაკლებია საწვავის მოხმარებაც. მაგალითისთვის, გადატვირთულ მოძრაობაში შეეცადეთ იაროთ შეუფერხებლად და ერთი სიჩქარით და მოერიდეთ ზედმეტ მანევრს, რათა თავიდან აიცილოთ ხშირი დამუხრუჭება.
ავტომობილის ადგილიდან დაძვრა და გადაადგილება შედარებით დაბალ ბრუნებზე:
ბენზინის ძრავიანი ავტომობილის შემთხვევაში, კარგი იქნება თუ, 2500-ზე მეტი ბრუნით არ გადავაადგილდებით, ხოლო დიზელის შემთხვევაში ეს მაჩვენებელი 2000-ია. აქვე იმასაც გეტყვით, რომ მაღალი გადაცემა, მაგალითად მე-5 ან მე-6 სიჩქარე გამოიყენეთ შედარებით უფრო გვიან.
გაუფრთხილდით საბურავებს:
კარგად მოვლილი საბურავი, უსაფრთხო და ეკონომიური მართვის ერთ-ერთი წინაპირობაა. აუცილებელია საბურავებში წნევის მუდმივი კონტროლი და საჭიროების შემთხვევაში მათი დაბალანსება. რაც კიდევ 2%-ით შეამცირებს საწვავის ხარჯს.
უმჯობესია ძრავის გამორთვა თუ მოლოდინის დრო 1 წუთზე მეტია.
ძრავის ხანგრძლივი გახურება:
ძრავის ხანგრძლივი გახურება, საწვავის ხარჯს ზრდის, ამ პროცესისთვის საკამრისია 2 ან 3 წუთი, შემდგომ კი ავტომობილი უნდა გადაადგილდეს შედარებით დაბალი სიჩქარით, ამ მეთოდით ძრავიც უფრო მალე გახურდება და საწვავის ხარჯიც დაიკლებს
ამასთანავე აუცილებელია ხარისხიანი საწვავის მოხმარება, აალების სანთლების, ზეთისა და ჰაერის ფილტრების დროული ცვლა, რაც ასევე მნიშვნელოვნად დაზოგავს საწვავის მოხმარებას.