ავტომოყვარულებისათვის ერთ-ერთი საყვარელი და სასურველი, უმშვენიერესი -1962 წლის Jaguar E-Type აუქციონზე გასაყიდად გამოჩნდა.
ავტომობილი იდეალურ და ორიგინალ მდგომარეობაშია წარმოდგენილი, ის ისევ ისეთი ეფექტური და ლამაზია, როგორც 60 წლის წინ როდესაც მისი პირველი დებიუტი ჟენევის ავტო შოუს სცენაზე შედგა.
ავტომობილის ინტერიერიცა და ექსტერიერიც ულამაზეს წითელ ფერშია წამოდგენილი. აღნიშნული მოდელი აღჭურვილია, ცნობილი Xk 3.8 ლიტრი მოცულობის ერთ რიგა 6 ცილინდრიანი ძრავით, რომლითაც ავტომობილი სულ რამდენიმე წელი იწარმოებოდა, კონკრეტულად კი 1961დან 1963 წლამდე, მოგვიანებთ 3.8 ჩაანაცვლა უფრო დიდი მოცულობის 4.2 ლიტრიანმა ძრავამ რომელიც ასევე 6 ცილინდრიანი იყო, ბოლო ვარიანტი კი 12 ცილინდრით იყო წარმოდგენილი.
Jaguar-ის გრძელ კაპოტ ქვეშ მოთავსებული 3.8 ძრავი, 265 ცხენის ძალას გამოიმუშავებს, რომელიც დაკავშირებულია 4 სიჩქარიან მექანიკურ გადაცემათა კოლოფთან, ამ მონაცემებით ავტომობილი იმ დროისათვის შესაშურ, მაქსიმალურ 250 კმ/სთ-ს ავითარებდა.
მანქანის საწყისი ფასი 70000 დოლარია, ამასთანავე ავტომობილს მოყვება ყველა საჭირო და მნიშვნელოვანი დოკუმენტაცია და აღჭურვილობა, მაგალითად ყველა ფოტო სურათი, რომელიც ასახავს მის რესტავრაციას, ასევე სათადარიგო საბურავები და საჭეც კი.
აუქციონზე მითითებულია ყველა საჭირო ინფორმაცია, როგორებიცაა, VIN კოდი, ძრავის ნომერი და ერთ-ერთი მიზეზი, რაც ამ ავტომობილს მიმზიდველს ხდის, მისი გარბენი, ორიგინალი - 38637 მილია.