მსოფლიოში მრავალი ავტომობილია, რომელთა ვიზუალითა თუ მართვით ადვილად შეგიძლია მოიწონო თავი და მიიქციო გარშემო მყოფების ყურადღება, თუმცა, ამასთანავე არსებობენ ავტომობილები, რომლებმაც საკუთარი ისტორია უკვე შექმნეს და მუდმივი ადგილი დაიკავეს ავტომოყვარულთა გულებში.
სწორედ ასეთ კატეგორიას მიეკუთვნება Paul Walker-ის Toyota Supra, რომელიც ყველას კარგად გვახსოვს, ცნობილი ფილმის, Fast And Furious-ის პირველი ეპიზოდიდან, რომლის დებიუტიც კინო ეკრანებზე 2001 წელს შედგა.
ახლახანს ვრცელდება ინფორმაცია, რომ სწორედ ეს ავტომობილი გამოჩნდა Barret-Jackson’s აუქციონზე გასაყიდად ლას-ვეგასში. აუქციონის სავარაუდო თარიღი უკვე ცნობილია და ის ამა წლის 18 და 19 ივნისს გაიმართება.
ალბათ ყველას კარგად გვახსოვს ცნობილი სცენა ფილმიდან, როდესაც Brian O’Conner-ს ერთ-ერთი შემთხვევის შემდეგ მის პირველ ავტომობილს მწვანე Mitsubishi Eclipse-ს აუფეთქებენ, სწორედ ამ ამბის შემდეგ შემოდის ფილმში ,,Orange Supra”.
განსაკუთრებით დასამახსოვრებელია ფინალური ეპიზოდი, როდესაც შუქნიშანზე Brian ხვდება Torettos და მის ამერიკულ კუნთებს-Dodge Charger R/T-ს, სამწუხაროდ Toretto-ს ავტომობილი Drag-ის ბოლოს იმტვრევა, პოლიციისგან თავის დასაღწევად კი ბრაიანი ტორეტოს მისი ავტომობილის გასაღებს სთავაზობს.
Toyota-ს აღნიშნულ მოდელს არც მანამდე აკლდა პოპულარობა, თუმცა ფილმმაც თავისი როლი ითამაშა და Supra უფრო მოთხოვნადი და მიმზიდველი გახადა.
ფილმში გამოყენებული ავტომობილი აღჭურვილია Toyota-ს ლეგენდარული 2JZ-GTE 6 ცილინდრიანი 3.0 ტურბო ძრავით, რომელიც გამოიმუშავებს 320 ცხენის ძალას და მიბმულია 4 სიჩქარიან ავტომატურ გადაცემათა კოლოფზე.
რაც შეეხება ავტომობილის ექსტერიერს, მასში გამოყენებულია TRD-ს კაპოტი, BOMEX-ის სპოილერი, Dazz Motorsport-ის დისკები და Lamborghini-ის ნარინჯისფერი საღებავი. ხოლო გვერდითა გრაფიკის დიზაინზე კი, Troy Lee-მ იზრუნა.
ისღა დაგვრჩენია დაველოდოთ აუქციონს და გავიგოთ ვის გაუმართლებს და ვინ გახდება ამ მსოფლიოში ცნობილი ავტომობილის მფლობელი.