2021 წლის შანხაის ავტო შოუზე, Maserati-ის ორი უახლესი მოდელის, Ghibli-სა და Levante F Tributo-ს დებიუტი შედგა. პირველი მათგანი წარმოდგენილი იყო სპეციალური ლურჯი ფერით, ხოლო მეორე კი წითლით.
ამ ორი ულამაზესი ავტომობილის, ფერადი დუეტი Maserati-მ, ლეგენდარული არგენტინელი მრბოლელის, Juan Manuel Fangio-სა და საკუთარი კომპანიის, ერთ დროს წარმატებული თანამშრომლობის საპატივცემულოდ წარადგინა.
კონკრეტულად კი, Fangio იყო Maserati-ის ერთ-ერთი ყველაზე წარმატებული პილოტი, ომის შემდგომი პერიოდის, რომელმაც გასული საუკუნის 50-იანი წლების დასაწყისსა და შუა რიცხვებში კომპანიას Formula 1-ის შეჯიბრებში არაერთი გამარჯვება მოუტანა.
მანამდე კი პირველი გამარჯვება Maserati-მ 95 წლის წინ, 1926 წელს მოიპოვა Targa Florios-ს შეჯიბრში, სადაც კომპანია წარმოდგენილი იყო სპეციალური სარბოლო ავტომობილით-Maserati Typo26-ით, რომლის საჭესთანაც Alfieri Maserati გახლდათ.
ასო F სწორედ Fangios სახელის საპატივცემულოდ არის ავტომობილის სახელწოდებაში-Levante F Tributo.
რაც შეეხება ავტომობილების ფერებს, მათაც საკუთარი მნიშვნელობა და დატვირთვა აქვთ. სპეციალურად შეირჩა Rosso Tributo-ს წითელი და Azzurro Tributo-ს ლურჯი ფერი.
Rosso Tributo-ს წითელი ფერი აღნიშნავს იტალიის ძლიერ სარბოლო მემკვიდრეობასა და შეუდარებელ წარმატებებს საავტომობილო სპორტში. ხოლო მეორეს მხრივ, Azzurro Tributo-ს ლურჯი ფერი კი, იტალიის ქალაქ მოდენას დროშის ფერთან ასოცირდება, სადაც დაარსდა Maserati-ის კომპანია და დღემდე მისი შტაბ-ბინა იქ მდებარეობს.
გარდა ამ ფერებისა არის მესამე-ყვითელი ფერიც, რომელიც ასევე მოდენას დროშის ორი ფერიდან ერთ-ერთია და ეს ფერი ასევე მიანიშნებს იმაზე, რომ Fangio-ს Maserati 250F, რომლითაც მან გამარჯვება მოიპოვა, გარედან გაფორმებული იყო წითელი და ყვითელი ფერებით.
აღნიშნული ყვითელი ფერი გამოიყენება, Ghibli F Tributo-ს 21 ინჩიანი დისკების კონტურებსა და მისი სამუხრუჭე სისტემის ფერად. ასევე ყვითელი ფერი, წითელთან ერთდ გამოიყენება, ულამაზესი ინტერიერისა და შავი ფერის ტყავის სალონის გასაფორმებლად.
ორივე ავტომობილის გაყიდვა მიმდინარე წლის ივნისიდან იგეგმება.