.jpg)
როდესაც ჩვენი ავტომობილის ზეთი ამოწურავს თავის საექსპლუატაციო ვადას და მისი შეცვლის დრო დადგება, სერვის ცენტრში მისულებს, არჩევანის გაკეთება გვიწევს, ერთი და იმავე დასახელების, ჩამოსასხმელ თუ დაფასოებულ ზეთს ჩავასხამთ.
დღესდღეობით, ამ საკითხთან დაკავშირებთ, ავტომობილის მფლობელებს შორის საკმაოდ დიდი დავა მიმდინარეობს, თუ რომელი მათგანი ჯობს რომ ჩაასხან ძრავში. რეალურად, ორივე მათგანს აქვს თავისი დადებითი და უარყოფითი მხარეები, მაგრამ ერთი რამ დანამდვილებით შეიძლება ითქვას, დარწმუნებული იყავით, რომ ხარისხის მხრივ არანაირი განსხვავება არ არის.
ახლა კი ვისაუბროთ თუ რატომ ღირს ჩამოსასხმელი ზეთი, დაფასოებულთან შედარებით უფრო იაფი, რაც ეჭვის ძირითადი მიზეზია.
სინამდვილეში ეს საკითხი სხვადასხვა ხარჯებთანაა დაკავშირებული, ჩამოსასხმელი ზეთი, რომელიც ძირითად შემთხვევაში დიდი ზომის კასრებშია მოთავსებული, ეს სპეციალურადაა ასე, რადგან ამ ფორმით ბევრად მარტივი და იაფია მისი ტრანსპორტირება და შესაბამისად ხარჯიც ცალ-ცალკე დაფასოებულთან შედარებით.
გარდა ამისა, კასრის ზეთს დაფასოებულთან შედარებით გააჩნია სხვა უპირატესობაც, კონკრეტულად, თუ ავტომობილის ძრავი გათვლილია 4.5 ლიტრ ზეთზე, ჩვენ თავისუფლად შევძლებთ ჩამოვასხათ ზუსტად ეს რაოდენობა, მაგრამ სამწუხაროდ, იმავეს ვერ ვიტყვით დაფასოებულზე, ასეთ შემთხვევაში, ჩვენ გვიწევს ზეთის მეტობით ყიდვა, ანუ 5 ლიტრის, რაც დამატებითი ხარჯია.
ახლა თქვენ უკვე იცით, რეალურად არის თუ არა მათ შორის ხარისხის მხრივ განსხვავება და რატომ ღირს ჩამოსასხმელი ზეთი უფრო იაფი დაფასოებულთან შედარებით, ამჯერად უკვე თქვენი ნებაა რომელს მიანიჭებთ უპირატესობას თქვენი ავტომობილის ძრავისთვის.