დღესდღეობით Tesla ერთ-ერთი მოწინავეა სასურველ ავტომობილთა სიაში, რადგან მისი თითოეული მოდელი თავიდანვე გამოირჩეოდა, ორიგინალურობით, უახლესი ინოვაციური ტექნოლოგიებითა თუ სხვადასხვა სიახლეებით, რომლებითაც ყოველთვის ახერხებს საზოგადოების გაოცებასა და მუდმივად რჩება ყურადღების ცენტრში.
Tesla დრო და დრო ცვლის ფასებს და ალბათ სიახლე არ არის, რომ მისი ფასები საკმაოდ მაღალია და ყველაზე იაფ და ყველაზე ძვირადღირებულ მოდელებს შორის უზარმაზარი ფასთა სხვაობაა.
და მაინც რა ღირს თითოეული მოდელი?
Tesla Model 3 - აღნიშნული მოდელი წარმოადგენს ყველაზე იაფ ვარიანს Teslas ავტომობილებს შორის. სტანდარტული უკანა წამყვანი მოდელის, რომელიც სრული დატენვით 263 მილის გავლას გვთავაზობს, მისი ფასი, ბოლო ერთი თვის მანძილზე, 40190 დოლარიდან 39690 დოლარამდე შემცირდა. ხოლო იგივე მოდელი, რომელსაც, გაზრდილი, 353 მილის გავლა შეუძლია-48690 დოლარი ღირს.
Tesla Model S - სრული ამძრაობის ეს მოდელი Model 3-თან შედარებით გაცილებით ძვირი ღირს, რომლის სამოძრაო დიაპაზონი, სრული დატენვით- 412 მილია. ხოლო ფასი კი 79690 დოლარია. ასევეა Model S Plaid ვერსია რომელსაც დატენვის შემდეგ 390 მილის გავლა შეუძლია, აქვე უნდა აღინიშნოს მისი აჩქარება, აღნიშნული მოდელი 60 მილს 2 წამში ავითარებს და მაქსიამლური 200 მილი/საათში სიჩქარის განვითარება შეუძლია. მისი ფასი ამჟამად 119690 დოლარია.
Tesla Model X – Tesla-ს ცნობილი SUV მოდელი, რომელიც ცნობილია, თავისი Falcon Wing კარებებით. მას სრული დატენვით 360 მილის გავლა შეუძლია და ამ დროისათვის 89690 დოლარი ღირს. ხოლო რაც შეეხება Model X plaid-ს, მისი მოძრაობის დიაპაზონი 340 მილია, სამაგიეროდ Model S Plaid-ის მსგავსად უფრო სწრაფი აჩქარებითა და უფრო მაღალი მაქსიმალური სიჩქარით გამოირჩევა, ამ უკანასკნელის ფასი კი, 119690 დოლარია. Model X-ს აქვს სტანდარტული 5 ადგილიანი კონფიგურაცია, თუმცა სპეციალური შეკვეთით შეიძლება 6 და 7 ადგილიანის დამზადებაც, შესაბამისად მათი ფასი 6 ადგილიანის შემთხვევაში 6500 დოლარით იზრდება ხოლო 7 ადგილიანის შემთხვევაში 3500-ით.
Tesla Model Y - ტესლას კომპაქტური ჯიპია, რომლის ელემენტებსაც 326 მილის გავლა შეუძლია და მისი ფასი 51990 დოლარია. Model Y გამოდის სტანდარტული 5 ადგილით, თუმცა თუ უფრო მეტი ადგილი სურს მომხმარებელს, მაშინ დამატებით 3000 დოლარის გადახდის შემთხვევაში Tesla მე-3 რიგის 2 პატარა სავარძელს ამატებს, რის შედეგადაც ავტომობილი 7 ადგილიანი ხდება.
New Tesla Roadster - ავტომობილი ადგილიდან 60 მილამდე 1.9 წამში ჩქარდება და სრული დატენვით მის ელემენტებს 620 მილის გავლა შეუძლია. საწყისი ფასი კი 200000 დოლარია, ამ ფასით ის ყველაზე ძვირადღირებულია Tesla-ს მოდელებს შორის.
Tesla Cybertruck - მისი სავარაუდო ფასი 39900 დოლარია, ხოლო თუ გსურთ სრული ამძრავითა და ორმაგი ძრავით შეძენა მაშინ მისი ფასი 10000 დოლარით იზრდება, ხოლო სრული ამძრაობითა და სამ ძრავიანი ვარიანტის ფასი კი 30000 დოლარით იმატებს.
Tesla Semi - აღნიშნულ მოდელზე Teslam უკვე მიიღო შეკვეთები, ისეთი კომპანიებისგან, როგორებიცაა, Walmart და JB Hunt-ისგან. მისი საწყისი ფასი 150000 დოლარია.