NEXEN - უმაღლესი ხარისხი საუკეთესო ფასად!


8 აგვისტო 2018 / 14:58

გერმანიის საავტომობილო ასოციაციის Auto Club Europa (ACE) თანახმად, მძღოლებისთვის საბურავის შეძენისას მნიშვნელოვანია იპოვონ კარგი საბურავი ხელმისაწვდომ ფასად. საბურავი, რომელიც ერთდროულად ხარისხიანიც არის და იაფიც.

სწორედ ამიტომ ACE-მ გადაწყვიტა ჩაეტარებინა ტესტი შედარებით ხელმისაწვდომი ფასის მქონე საბურავებს შორის და გამოევლინა მათ შორის საუკეთესო. ტესტის ჩასატარებლად შერჩეული იქნა შემდეგი ბრენდები:  NEXEN, Hankook, Barum, BFGoodrich, Debica, GT Radial, High Performer, Pneumant, Sava და Viking.

მრავალსაფეხურიანი ტესტების შედეგად NEXEN N’Blue-მ დაიკავა მყარი პირველი ადგილი 152 ქულით. ნექსენმა აჩვენა ბევრად უკეთესი შედეგები სხვა საბურავებთან შედარებით მშრალ და სველ გზაზე მოძრაობისას, მანევრირების და დამუხრუჭებისას. მეორე და მესამე ადგილზე შესაბამისად გავიდნენ Hankook Kinergy Eco და Pneumant, რომელთაც ასევე კარგი შედეგები ჰქონდათ. 

ბოლო ადგილზე გასულმა GT Radial-მა აჩვენა „საგანგაშოდ ცუდი შედეგი სველ გზაზე“. 100კმ-სთ სიჩქარით დამუხრუჭებისას  GT Radial გაჩერდა 61,7 მეტრში, მთელი 15,4 მეტრით უფრო შორს, ვიდრე გამარჯვებული ნექსენის საბურავი.  GT Radial-ის საბურავებით მანქანა ჯერ კიდევ მოძრაობდა 50კმ/სთ სიჩქარით, მაშინ როცა ნექსენით მოძრავი მანქანა უკვე მთლიანად გაჩერებული იყო! შედეგად GT Radial ბოლო ადგილზე გავიდა 104 ქულით.

ნექსენის საბურავები პროფესიონალი გერმანელი გამომცდელების მიერ შეფასებულ იქნა, როგორც უმაღლესად რეკომენდირებული და უსაფრთხო საბურავები. შესაბამისად იგი აღიარებული იქნა, როგორც საუკეთესო გადაწყვეტილება საბურავების შეძენისას - უმაღლესი ხარისხი ხელმისაწვდომ ფასად!

წყარო