სასწრაფო დახმარების მანქანა ელვის სისწრაფით მიქრის ქალაქის გარეუბნის მიმართულებით. გასაკვირია, საავადმყოფო ამ მხარეს ნამდვილად არ არის. აი, პოლიციის მანქანებიც ჩანს. ისინი რთულად, თუმცა მაინც ახერხებენ წინ აღმართული მტვრის მასიური, სქელი კედლის გარღვევას და სასწრაფოსთანმიახლოებას. დაუჯერებელია, მაგრამ ნათლად ჩანს, რომ მორიგეობით, ხან ერთი, ხან მეორე მანქანაჯიუტად, დიდი რისკის ფასად ცდილობს გადაუსწროს და გზა მოუჭრას მას. 

უცნაური, იშვიათი და საშიში სანახაობაა. დამშეული მტაცებლების ნადირობას გავს, აფრიკის სავანეში. განა ერთი მიზანი არ აქვთ?! არა, აშკარად ხელს უშლიან ერთმანეთს მანევრირებისას. თავბრუდამხვევისცენაა, რომელსაც სირენების ლურჯ-წითელი ნათება და ისტერიული ხმა კიდევ უფრო ბრუტალურს ხდის. 

უცებ, თითქოს არსაიდან გზაზე რაღაც უცნაური მანქანა ჩნდება. განათება გამორთული აქვს. დეტალებისგარჩევა შეუძლებელია, თუმცა, ერთი რამ კარგად ჩანს - მისი წინა ნაწილი საბრძოლო შუბივითააწაწვეტებული. ღმერთო! ეს ხომ „კოსმიური მტვერია“, ლეგენდარული მრბოლელი, რომელიცსასწაულებრივად გადაურჩა საყოველთაო რალიზე განვითარებულ ტრაგიკულ მოვლენებს!

ის ჯერ ერთ, მერე მეორე პოლიციის მანქანას ეჯახება და ისე ჭრის შუაზე, როგორც ყინულმჭრელიათასწლოვან ყინულს მდორე, ცივ, თეთრ ოკეანეში. დალეწილი მანქანების ნაწილები უკონტროლოდიფანტება ჰაერში და სამარადისო ადგილის დამკვიდრების იმედით, სხვადასხვა მიმართულებით, ზმუილით ეშვება დედამიწაზე.

სასწრაფო დახმარების მანქანა კვლავ ელვის სისწრაფით მიქრის ქალაქის გარეუბნის მიმართულებით. ახლა მას „კოსმიური მტვერი“ მიყვება, ოღონდ ბევრად უფრო აუღელვებლად და მშვიდად, ვიდრე ამასპოლიციელები აკეთებდნენ. სასწრაფოს მანქანის საჭესთან რობოტი ლუი ზის. უკან, კაბინაში ადამიანისსილუეტი ჩანს. ის მძიმე დაზიანებებით, გაუნძრევლად წევს საკაცეზე. ნახევრად დამწვარი, ჟღალი თმითთუ ვიმსჯელებთ, ეს რებეკაა...

................................................................

ცხოვრება მოულოდნელობებით არის სავსე. გასაჭირთან მარტოდმარტო მებრძოლს, შეიძლება უცაბედადდახმარების ხელი გამოგიწოდონ. მხარდაჭერა ხშირად მათგანაც კი მოდის, ვისგანაც ამას ყველაზენაკლებად ელი. რატომ გვჩუქნის ცხოვრება ასეთ საჩუქრებს?! იქნებ ვიმსახურებთ, ან იქნებ სამყარო არცისე სასტიკია?