დღევანდელ ბლოგში გვინდა, წარმოგიდგინოთ ავტომოყვარულთათვის ერთ-ერთი მიმზიდველი და სასურველი ავტომობილი. მანქანა, რომელიც ყურადღებასა და გაკვირვებას იწვევდა მნახველებში მისი შექმნის პირველივე დღიდან. ეს გახლავთ BMW-ს მე-8 სერიის უახლესი მოდელი, M8 COMPETITION.

თუმცა, სანამ უშუალოდ ამ მოდელის განხილვას დავიწყებდეთ, ორი სიტყვით გავიხსენოთ, თუ საიდან იღებს მისი წინაპრის ისტორია სათავეს. პირველი თაობის მე-8 სერიის დიზაინზე მუშაობა ჯერ კიდევ 1984 წელს დაიწყეს და 1986 წლისთვის დაასრულეს. მისი დებიუტი 1989 წელს, ფრანკფურტის ავტო შოუზე შედგა. კოდური სახელწოდებით E31 ხელმისაწვდომი იყო როგორც სტანდარტული კუპე ასევე კაბრიოლეტი. რაც შეეხება ძრავებს, V8 და V12 ლიტრის აგრეგატებით იყო აღჭურვილი. საბოლოოდ გაყიდვაში 1990 წელს ჩაეშვა და 1999 წელს მისი წარმოება ცუდი გაყიდვების გამო შეწყდა. მე-8 სერიის გამოშვება 19 წლის შემდეგ 2018 წელს G15 შექმნით განახლდა და დღემდე იწარმოება.

ახლა კი გადავიდეთ უახლოეს მოდელზე, მის ინტერიერსა და კომფორტზე:

M8-ის ინტერიერში სპორტული და მდიდრული მახასიათებლები იდეალურად ერწყმის ერთმანეთს. სალონი დამზადებულია უმაღლესი ხარისხის ორფეროვანი ტყავის მასალით. მისი სავარძლები ცალკე ხელოვნების ნიმუშია, რომელიც უზრუნველყოფს გათბობასა და გაგრილებას. დისტანციური დაქოქვა, ავტომატურად რეგულირებადი განათება, უკაბელო დამუხტვა და კარის უხმაურო დაკეტვა ეს არასრული ჩამონათვალია იმ ოფციების, რასაც ამ მშვენიერ მოდელში შეხვდებით. რაც შეეხება საინფორმაციო და გასართობ საშუალებებს, საუბარი უნდა დავიწყოთ 12.3 დიუმიანი სენსორული ეკრანით, რომლის მართვა, როგორც ღილაკებისა და მბრუნავი კონტროლერის, ასევე ხმოვანი ბრძანებებისა და ჟესტიკულაციის საშუალებითაც შეიძლება. ამასთანავე სტანდარტულ ოფციებს მიეკუთვნება, Wi-Fi Hotspot, უმაღლესი ხარისხის Harman Kardon-ის აუდიო სისტემა, Apple CarPlay და Android Auto.

ძრავა და ტრანსმისია:

M8-ის გრძელი კაპოტის ქვეშ 4.4 ლიტრის მოცულობის V ტიპის 8 ცილინდრიანი Twin-Turbocharged ძრავი იმალება, რომელიც 617 ცხენის ძალასა და 750 ნ/მ მაბრუნებელ მომენტს გამოიმუშავებს. ეს სიმძლავრე საბურავებს 8 სიჩქარიანი ავტომატური გადაცემათა კოლოფით გადაეცემა და ადგილიდან 100კმ/სთ-ს 2.5 წამში ავითარებს. სტანდარტულად ავტომობილი სრული ამძრაობისაა, თუმცა სურვილისამებრ შესაძლებელია წინა ღერძის გათიშვა.

საწვავის მოხმარება:

ქალაქი - 19 mpg

მაგისტრალი - 26 mpg

კომბინირებული - 22 mpg

EPA FUEL ECONOMY-ის მონაცემებით.

უსაფრთხოება და მძღოლის დამხმარე ფუნქციები:

• ავტომატური პარკირება
• ღამის ხედვის რეჟიმი
• ავტომატური დამუხრუჭების ფუნქცია
• ადაპტირებადი კრუიზ კონტროლი
• ე.წ ბრმა წერტილების მონიტორინგი

გარანტია:

• შეზღუდული გარანტია მოიცავს 4 წელს ან 50000 მილს
• ძრავის გარანტია მოიცავს 4 წელს ან 50000 მილს
• უფასო სერვისი მოიცავს 3 წელს ან 36000 მილს

ფასი:

საბაზისო მოდელი - 147995$

დამატებითი ოფციებით (მაქსიმუმ) – 175745$

გისურვებთ მშვიდობიან მგზავრობას.

ამბოლი, მეტი დრო მოძრაობისთვის.