![](/upload/BlogPosts/6_nishani_rom_khundebi_shesacvlelia_web_big_thumb.jpg)
6 ნიშანი იმისა, რომ სამუხრუჭე ხუნდებს შემოწმება სჭირდება
ავტომობილი ეს არის ერთგვარი კომფორტი, რომელიც შეიქმნა იმისათვის, რომ მგზავრები უსაფრთხოდ და დროულად მიიყვანოს დანიშნულების ადგილამდე. უსაფრთხოებაზე კი მისი შემადგენელი მრავალი დეტალი აგებს პასუხს, რომლებიც ერთმანეთთან ჯაჭვურადაა დაკავშირებული.
ერთ-ერთი ასეთი დეტალი, სწორედ სამუხრუჭე ხუნდია, რომლის დანიშნულებაა გადაადგილებისას შეანელოს ან საერთოდ გააჩეროს ავტომობილის სვლა. ასე რომ მისი გამართული მდგომარეობა პირდაპირ აისახება მგზავრების უსაფრთხოებაზე, რადგან კრიტიკულ მომენტში, სავალი ნაწილების სხვა დეტალებთან ერთად, ისიც მნიშვნელოვან და გადამწყვეტ როლს ასრულებს.
ამ ბლოგში კი გვინდა გესაუბროთ იმ 6 ძირითად ნიშანზე, რომლებიც პირდაპირ მიანიშნებენ, რომ რაღაც რიგზე ვერ არის და თქვენი ავტომობილის სამუხრუჭე ხუნდებს შემოწმება სჭირდება.
უჩვეულო ხმები: თუ მუხღუჭის სატერფულზე ფეხის დადგმისას ხუნდები უჩვეულო ხმას გამოსცემენ, ეს იმას ნიშნავს, რომ საჭიროა მისი დროული შემოწმება, რადგან შესაძლოა მათ საკუთარი რესურსი უკვე ამოწურეს და მათი შეკეთების ან შეცვლის დრო დადგა.
რომელიმე მხარეს გადახრა: თუ დამუხრუჭებისას შეამჩნიეთ, რომ თქვენი ავტომობილი მარჯვნივ ან მარცხნივ უფრო მეტად იხრება, ეს იმას ნიშნავს, რომ ხუნდები არათანაბრად ცვდება. ეს პრობლემა ასევე შესაძლოა გამოწვეული იყოს სავალი ნაწილის რომელიმე დეტალის გაუმართაობით. ორივე შემთხვევაში აუცილებელია მისი დროული შემოწმება, რათა ის მყისიერად აღმოიფხვრას.
,,ხრიალი“: დამუხრუჭებისას მსგავსი ხმის გამოცემა იმაზე მეტყველებს, რომ ხუნდები თითქმის ბოლომდე გაცვდა და ვეღარ უზრუნველყოფს ეფექტურ სამუხრუჭე მანძილს, გარდა ამისა გაცვეთილი ხუნდები აზიანებს სამუხრუჭე დისკოსაც, რაც კიდევ ერთი პრობლემაა.
ვიბრაცია: დამუხრუჭებისას ვიბრაციის შეგრძნება შესაძლოა რამდენიმე მიზეზით იყოს გამოწვეული, ერთ-ერთი კი სწორედ სამუხრუჭე ხუნდებია.
,,რბილი პედალი“: ეს ერთ-ერთი ყველაზე გავრცელებული პრობლემაა, როდესაც დამუხრუჭებისას პედალი რბილია და თითქმის ბოლომდე ჩადის, მუხრუჭი კი ეფექტური არ არის. ეს შემთხვევა მიუთითებს ორ რამეზე, ერთი, რომ სამუხრუჭე ხუნდები გაცვდა და მათი შეცვლის დროა და მეორე, სამუხრუჭე სითხე შესაძლოა იღვრება და შესაბამისად სისტემაში საჭირო რაოდენობა აღარ არის.
და ბოლოს, არის ისეთი შემთხვევები, როდესაც ხუნდები სამუხრუჭე დისკოს ჩვენდა დამოუკიდებლად თავისით ეჭირება. შესაბამისად ეს პრობლემა იწვევს ხუნდების არათანაბარ ცვეთას, მისი მყისიერი შემოწმება აუცილებელია, რათა პრობლემა დროულად მოგვარდეს.
ყველა ზემოაღნიშნული შემთხვევა მიუთითებს, ხუნდების გაუმართაობაზე, რაც თქვენგან დროულ რეაგირებას მოითხოვს, რადგან თუ არ მოხდა მათი შემოწმება, შესაძლოა ყველაფერი სავალალო შედეგით დასრულდეს. ნუ გადადებთ, აუცილებლად შეამოწმეთ, რათა თქვენ და თქვენმა თანამგზავრებმა, უსაფრთხოდ და კომფორტულად იმგზავროთ.
გისურვებთ მშვიდობიან მგზავრობას,
ამბოლი, მეტი დრო მოძრაობისთვის!
Did you like the article?
Share on social platforms