![](/upload/BlogPosts/retro_da_klasika_chevrolet_chevelle_blog_thumb.jpg)
Chevrolet Chevelle SS 454
მე-20 საუკუნის 60-იანების ბოლოსა და 70-იან წლებში მრავალი კუნთმაგარი ავტომობილი შექმნა აშშ-მა. ეს იყო ნამდვილი ოქროს ხანა საავტომობილო სამყაროში. ამ პერიოდში ბევრი დასამახსოვრებელი ეგზემპლარი გამოდიოდა სერიული წარმოებით და ყოველი მათგანი ერთმანეთზე უკეთესი იყო. მაშინაც და ახლაც, ეს ავტომობილები დიდი პოპულარობით სარგებლობდა და მათი გამოჩენა განსაკუთრებულ ემოციებსა და ძალაუფლების შეგრძნებას ტოვებდა.
დღევანდელ ბლოგში კი ერთ-ერთ მათგანზე Chevelle SS 454-ზე გვინდა გესაუბროთ. ის წარმოადგენდა საშუალო ზომის ავტომობილს, რომელსაც აწარმოებდა Chevrolet. 1964-1977 წლებში სამი თაობა გამოვიდა, რომლებიც ერთმანეთისგან ძარის ტიპის მიხედვით განსხვავდებოდა. ავტომობილი წარმოდგენილი იყო,როგორც კუპე, ასევე ოთხკარიან და პიკაპის სტილშიდაც. ამ ავტომობილს GM(General Motors)-ის ერთ-ერთი პლატფორმა აწარმოებდა და აღსანიშნავია, რომ Chevelle საკმაოდ წარმატებული სახელწოდება იყო.
1970 წლის Chevelle SS 454 უდავოდ გასაოცარია. მისი განახლებული კორპუსი გამოირჩეოდა დახვეწილი ზოლებითა და წინა ორად გაყოფილი ცხაურით, რომელსაც ორივე მხრიდან წყვილად განლაგებული მრგვალი ფორმის ფარები ამშვენებდა. მანქანა თავისი გარეგნობით ნამდვილად ქმნიდა აგრესიულ სტილს, რომლის იგნორირება შეუძლებელი იყო. გრძელი და მოზრდილი კაპოტი ძლევამოსილ აგრეგატზე მიუთითებდა, რომელიც მის ქვემოთ იმალებოდა. ესთეტიკის თვალსაზრისით, მანქანა მხარდამხარ იდგა თავის კონკურენტებთან.
კაპოტი ქვეშ მოთავსებული იყო 8 ცილინდრიანი ძრავი, რომელსაც 450 ცხენი ძალისა და დაახლოებით 680 ნ/მ მაბრუნებელი მომენტის გამომუშავება შეეძლო. Munice-ს 4 სიჩქარიან მექანიკურ გადაცემათა კოლოფთან ერთად, Chevelle SS 454-ს ნამდვილად წარმოადგენდა ბრუტალურძალად. ეს მონაცემები ავტომობილის დაქოქვისა და მისი მართვისას არნახულ გამოცდილებასა და სასიამოვნო აკუსტიკას ქმნიდა. მანქანა 60 mph-ს დაახლოებით 6 წამში ავითარებდა და მეოთხედ მილს 14 წამში ფარავდა. მაქსიმალური სიჩქარე კი 133 მილი იყო.
მის ინტერიერში მოხვედრა ერთი დიდი ემოციაა. აქ შეხვდებით მაღალი ხარისხის ტყავისა და ხით გაწყობილი დეტალების ნაზავს. სავარძლები გამორჩევა მოხერხებულობითა და დიდი საზურგით, რომელიც კომფორტის ერთგვარ ბალანსს ქმნის. მონაცემთა დაფა კი აღჭურვილია იმ დროისათვის არსებული ყველა ფუნქციონალით.
მისი კონკურენტები 1970 წელს Ford Mustang, Dodge Challenger და Plymouth Superbird იყო.
Mustang მომხმარებლებს სთავაზობდა, როგორც მოკრძალებულ Inline 6 ძრავს, ასევე Boss 429 V8-ს. შესაბამისად, აჩქარებაც განსხვავებული იყო, თუმცა ყველაზე კარგ ვარიანტში, ეს ავტომობილიც დაახლოებით 6 წამის ფარგლებში ჩქარდებოდა. მაქსიმალური სიჩქარე კი 130-დან 140 მილამდემერყეობდა.
Challenger თავის მოდელებში ძირითადად ძლიერ V8 ძრავებს იყენებდა. რომელიც ავტომობილს საშუალებას აძლევდა დაახლოებით იმავე დიაპაზონში აჩქარებულიყო. მიუხედავად იმისა, რომ ის არ გამოირჩეოდა ამ კლასის წამყვან ფიგურად, მაინც რჩებოდა დახვეწილობისა და ელეგანტურობისნიმუშად. მისი მაქსიმალური სიჩქარეც 130 მილს ცოტათი აჭარბებდა.
Superbird-ს ჩამოთვლილ ავტომობილებში ნამდვილად წამყვანი პოზიცია ეჭირა. უნიკალური დიზაინის, აეროდინამიურობის და ძლიერი ძრავების წყალობით ავტომობილი მაქსიმალურ 200 mph-საღწევდა. ის შეიქმნა სპეციალურად NASCAR-ის მაღალსიჩქარიანი რბოლებისთვის და 60 mph დაახლოებით 6-დან 7 წამამდე შუალედში ავითარებდა. თუმცა აღსანიშნავია, რომ ავტომობილის შექმნისას აქცენტი, სწორხაზოვან სიჩქარეზე კეთდებოდა.
1970 Chevy Chevelle-ს ტექნიკური მახასიათებლები:
სიგრძე - 197.2 ინჩი
სიგანე - 75.4 ინჩი
სიმაღლე - 52.4 ინჩი
საბურავების ბაზა - 112 ინჩი
მინიმალური წინა - დაახლოებით 1725 კგ
ძრავი:
454 cubic-inch V8
სიმძლავრე - 450 ცხენის/ძალა
მაბრუნებელი მომენტი - დაახლოებით 680 ნ/მ
გადაცემათა კოლოფი:
4 სიჩქარიანი მექანიკა
აჩქარება:
0-60 mph - დაახლოებით 6 წამი
მეოთხედი მილი - 13-დან 14 წამის ფარგლებში
საწვავის მოხმარება:
ქალაქი - დაახლოებით 9-10 mpg
გზატკეცილი - დაახლოებით 12-14 mpg
შრეული - დაახლოებით 9.26 mpg
მისი ფასი დღესდღეობით 72000 დოლარიდან იწყება.
და ბოლოს, Chevy SS (Spuper Sport) ნამდვილად არის 70-იანების ღირსეული სპორტული ავტომობილი, რომელმაც თავისი ისტორია შექმნა და იმ პერიოდის კუნთმაგარი ავტომობილების ერთ-ერთი სიმბოლოა.
გისურვებთ მშვიდობიან მგზავრობას.
ამბოლი, მეტი დრო მოძრაობისთვის!
Did you like the article?
Share on social platforms