პიტერ ქარდი გაუნძრევლად წევს  საოპერაციო მაგიდაზე. უფრო კონკრეტულად კი, იქ მისი  სხეულისმხოლოდ ის ნაწილი განისვენებს, რომელიც ზღვის ურჩხულის ბასრ კბილებს ასე თუ ისე გადაურჩა. თითქმისბოლომდე დაზიანებულ კიდურებს და მკერდს ჯერ კიდევ კარგად ეტყობა ბრძოლის შედეგად მიყენებულიღრმა იარები. მეზღვაურის დაღარულ, დასერილ სხეუულს რობოტი ლუი მშიდად დასცქერის და მიუხედავადიმისა, რომ სურათი უკიდურესად მძიმეა, პიტერის გადარჩენის შანსი კი მინიმალური, ზუსტად დათქმულდროს, მექანიკურად იწყებს ურთულეს, სარისკო, გადამწყვეტ ოპერაციას. ნუთუ ისევ გავხდებით ადამიანისკიბორგად წარმატებით ტრანსფორმაციის მომსწრენი? ნუთუ ეს საოცრება ისევ მოხდება? ვნახოთ, წამზომიჩართულია...

კალი ბონქი სასახლის სარდაფში საიდუმლოდ შექმნილი ლაბორატორიის სიახლოვეს, სპეციალურადმოწყობილ მოსაცდელ ოთახში, მომცრო სავარძელში ზის. ცრემლების ტბაში თითქმის ბოლომდე ჩაძირულიიმედის ნაპერწკალი, მაინც ამაყად ბჟუტავს მის დიდრონ თვალებში. საკუთარი აჩქარებული გულისცემასაბრძოლო დაფდაფის ხმასავით ჩაესმის ყურებში, რაც პერიოდულად წონასწორობას აკარგვინებს. მისინაზი, თხელი თითები წარმოუდგენლად ძლიერად უჭერს კაბის კალთას. გონებაში გამჯდარი შიში, დაძაბულობა და ოცნება ახლა ურთულესი კვანძივითაა ერთმანეთში გადახლართული. დრო საშინლადმიიზლაზნება...

ადმირალი კოლტიც იქვეა. უხმოდ, გამჭოლი მზერით ამხნევებს კალის. ისე ამაყად დგას მის გვერდით, როგორც უერთგულეს ქვეშევრდომს შეშვენის. თითქოს არც ფიცი გაეტეხოს და არც მზაკვრული გეგმადაესახოს. კარგად გამოსდის მზრუნველი კაცის როლის თამაში. სინამდვილეში კი წუთებს ითვლის. ერთისული აქვს როდის გაიგებს ქალაქში შერიფი დარკოს დაჯგუფების შემოსვლის ამბავს...
..........................................................................................................................................................................

როდესაც მოლოდინების წარმოსახვით მდინარეში, ჩვენი სულის სიღრმეში სახელდახელოდ დაწნულ, აბრეშუმივით ნაზ იმედის ბადეს ვისვრით და წყალზე მოლივლივე მზის სხივების ანარეკლების ყურებისას, დროის დინებას უკიდეგანო მოგზაურობაში მივყვებით, უნებლიედ უსასრულო, ფერად ფიქრებს ვეძლევით. ეს ჯადოსნური, საამური ექსპედიცია ისე გვიტაცებს, გვავიწყდება, რომ ადრე თუ გვიან, ნებისმიერიმეთევზის მსგავსად, ბადის წყლიდან ამოღება და შედეგის ნახვა მაინც მოგვიწევს...