LC ეს არის LEXUS-ის ერთ-ერთი გამორჩეული და მიმზიდველი მოდელი ავტომოყვარულთათვის. ის თავის თავში აერთიანებს ხარისხს, სპორტულობასა და სიმდიდრის შეგრძნებას. მისი დებიუტი 2016 წელს, დეტროიტში, ჩრდილოეთ ამერიკის საერთაშორისო ავტოშოუზე შედგა. მან რეალურად შეცვალა SC, რომელიც 1991 წლიდან 2010 წლამდე იწარმოებოდა. სახელწოდება LC ნიშნავს, ,,Luxury Coupe-ს".

ახლა კი, დეტალურად განვიხილოთ LC-ის მახასიათებლები, რა სიახლეს გვთავაზობს LEXUS ამ მოდელში, რა ფასად შეგვიძლია შევიძინოთ ეს ავტომობილი, ასევე - ძრავის მოცულობა და გადაცემათა კოლოფი, უსაფრთხოების მახასიათებლები და გარანტიები.

საბოლოოდ LEXUS-მა გააუმჯობესა LC-ის საინფორმაციო გასართობი სისტემა და ახალი 12.3 დუიმიანი სენსორული ეკრანით აღჭურვა, რომელიც კომპანიის უახლესი პროგრამული ინტერფეისით მუშაობს. ყველა მოდელს სტანდარტულად აქვს პარკირების სენსორები და 21 დუიმიანი დისკები. ამასთანავე, ხელმისაწვდომია 2 ახალი ფერი, Ultrasonic Blue Mica 2.0 და Copper Crest.

2024 წლის LEXUS LC-ის ფასი $98 850-დან $106 350-მდე მერყეობს. ის საბაზისო მოდელია, სტანდარტული LC500 კუპე, თუმცა, ამასთანავე, მწარმოებლები გვთავაზობენ LC500h ჰიბრიდსა და LC500 კაბრიოლეტს. უპირატესობა კი ენიჭება LC500 Touring პაკეტს, რომლის შემადგენლობაშიც დამატებით შედის უმაღლესი ხარისხის ნახევრად ანილინის ტყავით დამზადებული ინტერიერი, Mark Levinson-ის სტერეო სისტემა, პარკირების სენსორები, მინამწმენდის ყინვაგამძლე ფუქნცია და საჭის გათბობა.

რაც შეეხება ძრავსა და გადაცემათა კოლოფს, სტანდარტული LC500 აღჭურვილია 5.0 ლიტრის მოცულობის V ტიპის 8 ცილინდრიანი ძრავით, რომელიც გამოიმუშავებს 471 ცხენის ძალასა და 540 ნ/მ ძალის მომენტს. ეს სიმძლავრე კი ავტომობილის უკანა საბურავებს გადაეცემა 10 სიჩქარიანი ავტომატური გადაცემათა კოლოფით. ხოლო, LC500h ჰიბრიდი იყენებს 3.5 ლიტრის მოცულობის V ტიპის 6 ცილინდრიან ძრავს, რომელიც კომბინირებულად მუშაობს ელექტრო ძრავთან ერთად. ის გამოიმუშავებს 354 ცხენის ძალასა და 348 ნ/მ ძალის მომენტს. ამ შემთხვევაში კი, უკანა საბურავებს ძალა გადაეცემა CVT გადაცემათა კოლოფის მეშვეობით.

LC-ის წონიდან (აღჭურვილ მდგომარეობაში იწონის დაახლოებით 2 ტონას) და სიმძლავრიდან გამომდინარე, საწვავის მოხმარება არც თუ ისე ცუდად გამოიყურება, EPA-ს შეფასებით:

LC500:  ქალაქი-16mpg, ტრასა-24mpg, შერეული-18mpg.

LC500h: ქალაქი-26mpg, ტრასა-33mpg, შერეული-29mpg.

Lexus-ის ამ მოდელის ინტერიერი არის შთამბეჭდავი და განსაკუთრებული, როგორც მძღოლისთვის, ასევე - მისი თანამგზავრისთვის. მასში მოხვედრისთანავე შეიგრძნობა შეუდარებელი ემოციები, რასაც აღძრავს უმაღლესი ოსტატობითა და ხარისხით შესრულებული სალონი, უახლესი თაობის ტექნოლოგიები და ფუნქციები, უსაფრთხოების სისტემები და მაქსიმალურად კომფორტზე გათვლილი დეტალები. 12.3 დუიმიანი საინფორმაციო-გასართობი სისტემა სტანდარტულია ყველა LC მოდელზე და მუშაობს LEXUS-ის უახლესი პროგრამული ინტერფეისით, რომელიც მოსახერხებელი და ადვილად გამოსაყენებელია მომხმარებლისთვის. კომპლექტი ასევე მოიცავს Wi-fi-ს, Apple Carplay-ისა და Android Auto-ს.

აქვე უნდა აღინიშნოს უსაფრთხოებისა და მძღოლის დამხმარე ფუნქციების შესახებაც. შედარებით კომპაქტურ სალონში 8 უსაფრთხოების ბალიშია მოთავსებული, ამ მოდელში ასევე ვხვდებით მოსალოდნელი შეჯახების შესახებ გაფრთხილებასა და ავტომატური დამუხრუჭების ფუნქციას, ადაპტირებულ კრუიზ კონტროლს, საფრთხის შემთხვევაში - ზოლში დარჩენის ფუნქციას.

გარანტია:

შეზღუდული გარანტია მოიცავს 4 წელს ან 50000 მილს;

ელექტრო ძრავის გარანტია მოიცავს 6 წელს ან 70000 მილს;

ჰიბრიდული კომპონენტების გარანტია მოიცავს 8 წელს ან 100000 მილს;

უფასო მოვლა 1 წელს ან 10000 მილს.

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!