![](/upload/BlogPosts/ra_misia_akisria_antifrizs_zafkhulshi_blogi_1222x690.jpg)
რა მისია აკისრია ზაფხულში ანტიფრიზს?
ზაფხულის ცხელი დღეები და მაღალი ტემპერატურა საკმაოდ რთული პერიოდია ავტომობილისთვის. ამიტომაც სეზონის დადგომასთან ერთად აუცილებელია მანქანის სხვადასხვა დეტალებისა თუ სითხეების პერიოდული შემოწმება, რათა თავიდან ავიცილოთ მათი გაუმართაობით გამოწვეული რიგი პრობლემები.
ერთ-ერთ ასეთ სითხეს ანტიფრიზი, იგივე გამაგრილებელი სითხე წარმოადგენს, რომელსაც მნიშვნელოვანი როლი აკისრია ავტომობილის ძრავის გამართულად ფუნქციონირებაში. ის არეგულირებს ძრავის ტემპერატურას და ხელს უშლის მის გადახურებას. ანტიფრიზი მუდმივად ცირკულირებს მანქანის გაგრილების სისტემაში და ეფექტურად შთანთქავს ძრავის მიერ წარმოქმნილ სიმხურვალეს. შედეგად, ოპტიმალური სამუშაო ტემპერატურის შენარჩუნებით, ზრდის აგრეგატის ეფექტურობას.
ასე რომ, გამაგრილებელი სითხე არა მხოლოდ ზამთარში, არამედ მთელი წლის განმავლობაში და მათ შორის ზაფხულის მცხუნვარე დღეებშიც უნდა გამოვიყენოთ, რადგან გაგრილების სისტემაში დუღილის ტემპერატურის ამაღლებით ის ხელს უშლის ჩვენი ავტომობილების ძრავის გადახურებას.
ზაფხულში ანტიფრიზის გამოყენებას რამდენიმე უპირატესობა აქვს:
ძრავის დაცვა - გამაგრილებლის ერთ-ერთი მთავარი როლი არის ძრავიდან სითბოს შთანთქმა და მისი გაფანტვა რადიატორის მეშვეობით. რადგან, როდესაც ავტომობილს ვმართავთ მაღალ ტემპერატურაზე, ძრავი შეიძლება სახიფათოდ გაცხელდეს, რაც გამოიწვევს გადახურებას და შესაძლოა დააზიანოს მისი შიდა ნაწილები, მაგალითად როგორებიცაა ცილინდრებისა და დგუშების დეფორმირება. მათი შეკეთება კი რა თქმა უნდა დიდი ხარჯებთანაა დაკავშირებული.
ქიმიური დანამატები - თანამედროვე გამაგრილებელი სითხეები შეიცავენ სპეციალურ ქიმიურ დანამატებს, რომლებიც აუმჯობესებენ ცირკულაციას, ხელს უშლიან ნადების წარმოქმნას და ამასთანავე აფერხებენ ჟანგვისა და კოროზიის პროცესს. ყველა ზემოხსენებული კი დაზიანებისგან იცავს გამაგრილებელი სისტემის დეტალებს.
საწვავის ოპიმალური მოხმარება - ანტიფრიზი პასუხისმგებელია ჩვენი ავტომობილების ძრავების სიცოცხლისუნარიანობის შენარჩუნებაზე. ის ოპტიმალურ ტემპერატურაზე იცავს და ატენიანებს მის შიდა კომპონენტებს. შედეგად, მოვლილი და კარგად შენახული ძრავი, ეკონომიურად და ეფექტურად მოიხმარს საწვავს.
იცავს დეტალებს დაზიანებისგან - მაღალ ტემპერატურაზე ანტიფრიზი იცავს პლასტმასისა და რეზინის ნაწილებს დაზიანებისგან.
აქვე შეგახსენებთ, რომ ანტიფრიზსაც, ისევე როგორც სხვა სითხეებს, საკუთარი ექსპლუატაციის ვადა გააჩნია და ის ორ წელიწადს ან დაახლოებით 30000 მილს შეადგენს. ამ მაჩვენებლების ზემოთ ის ვეღარ ასრულებს თავის მოვალეობას, ნელ-ნელა კარგავს თავის ეფექტურობას და შედეგად ვეღარ იცავს ძრავს.
ამიტომაც, თუ თვლით, რომ თქვენი ავტომობილის გამაგრილებლის სითხე შეცვლას საჭიროებს, მაშინ გვეწვიეთ ამბოლის ნებისმიერ ფილიალში სადაც ჩვენი თანამშრომლები დაგეხმარებიან, როგორც მის სწორად შერჩევაში, ასევე დროულ შეცვლაშიც.
გისურვებთ მშვიდობიან მგზავრობას.
ამბოლი, მეტი დრო მოძრაობისთვის!
Did you like the article?
Share on social platforms