![](/upload/BlogPosts/რა_უნდა_გავითვალისწინოთ_სამთო_კურორტზე_წასვლამდე_ბლოგი_df7b764f.jpg)
რა უნდა გავითვალისწინოთ სამთო კურორტზე წასვლამდე?
წელიწადის ყველა დროს თავისი ეშხი აქვს და ამ მხრივ არც ზამთარია გამონაკლისი. ეს ის პერიოდია, როდესაც ჩვენთვის საყვარელ ადგილებსა თუ სამთო კურორტებზე მივდივართ დასასვენებლად, რათა განვიტვირთოთ და სასიამოვნო მოგონებები დავაგროვოთ. თუმცა, სანამ წასვლას გადავწყვეტდეთ, აუცილებლად უნდა გავითვალისწინოთ რამდენიმე მნიშვნელოვანი ფაქტორი.
პირველ რიგში, აუცილებლად უნდა მოვამზადოთ ავტომობილი მგზავრობისთვის და გავითვალისწინოთ ის დაბალი ტემპერატურა და ნალექი, რაც წინ გველოდება. მაგალითად, საბურავების მდგომარეობა და მასში არსებული წნევის დონე, სხვადასხვა საპოხი საშუალების დონე და კონცენტრაცია, რამდენად გამართულია აკუმულატორი, ან თუნდაც ანათებს თუ არა ყველა ნათურა. მათი შემოწმება და საჭიროების შემთხვევაში შეცვლა, მრავალ პრობლემას აგარიდებთ თავიდან და თქვენი მგზავრობა უფრო უსაფრთხო და კომფორტული გახდება.
ამასთანავე, არ უნდა დაგვავიწყდეს რამდენიმე მნიშვნელოვანი ნივთი, რომლებიც აუცილებლად უნდა გვქონდეს მანქანაში მგზავრობისას. რადგან რიგი ფაქტორების გათვალისწინებით, შესაძლოა, ავტომობილი მოულოდნელად გამოვიდეს მდგომარეობიდან და ეს ყველაფერი გზის იმ მონაკვეთზე მოხდეს, სადაც გარკვეული პერიოდი მოგიწევთ გაჩერება, სანამ თქვენს ავტომობილს არ შეაკეთებთ.
ამიტომაც აუცილებლად თან იქონიეთ ეს ნივთები: ხელთათმანები, პლედი ან საბანი, არაფუჭებადი საკვები, წყალი, პირველადი დახმარების ნაკრები, სპეციალური დასაქოქი კაბელები, საბურავებისთვის სპეციალური ჯაჭვები, დანა, ნიჩაბი, ფანარი, რადიო, მობილური ტელეფონის დამტენი და კაბელი. ეს ის ჩამონათვალია, რომელსაც სურვილისამებრ და საჭიროებიდან გამომდინარე, თქვენ ალბათ თავად დაუმატებთ კიდევ რამდენიმეს.
აქვე გეტყვით თუ როგორ უნდა გადაადგილდეთ თოვლსა და ყინულზე უსაფრთხოდ:
შეანელეთ სვლა - სწრაფმა აჩქარებებმა ან მყისიერმა დამუხრუჭებამ შესაძლოა ცუდ შედეგებამდე მიგიყვანოთ ან მინიმუმ დროებით მაინც დაკარგოთ კონტროლი ავტომობილზე. ამის ნაცვლად ეცადეთ ნელა და სტაბილურად ერთი სიჩქარით იმოძრაოთ.
დაბალი გადაცემა - გადაადგილებისას გამოიყენეთ სიჩქარის კოლოფი და ის ამყოფეთ დაბალ სიჩქარეში, ეს დაგეხმარებათ სტაბილურად ნელა მოძრაობასა და სამუხრუჭე პედალის ნაკლებად გამოყენებაში.
საბურავის წნევა - როგორც ზემოთ ავღნიშნეთ, აუცილებლად შეამოწმეთ საბურავში არსებული წნევა, რადგან ტემპერატურისა და სიმაღლის ცვლილებასთან ერთად, საბურავებში წნევის დონეც იცვლება. ეცადეთ პერიოდულად შეამოწმოთ და მწარმოებლის მიერ რეკომენდებულ დონეზე გქონდეთ საბურავი დაბერილი.
განათება - აუცილებლად ჩართეთ ფარები, რათა შესამჩნევი იყოთ მოძრაობის სხვა წევრებისთვის, ხოლო თუ ნალექს თან ახლავს ნისლიც, არ დაგავიცწყდეთ სანისლე ფარების ჩართვაც.
არ გაჩერდეთ ფერდობზე - ნაცვლად ფერდობზე გაჩერებისა, ეცადეთ გაჩერდეთ შედარებით სწორ ადგილას, რადგან ნალექისა და ყინვის გამო შესაძლოა მრავალი ძალისხმევა დაგჭირდეთ მოცურების გარეშე დასაძვრელად, გარდა ამისა შესაძლოა ასეთ დროს სხვა ავტომობილებიც დააზიანოთ.
და ბოლოს, თუ გარეთ გასვლა და მგზავრობა გარკვეულ რისკებთანაა დაკავშირებული, რასაც თან ერთვის უხვი ნალექი და ყინვა, მაშინ ჯობს სახლში დარჩეთ და დაელოდოთ ამინდის გაუმჯობესებას.
გისურვებთ მშვიდობიან მგზავრობას.
ამბოლი, მეტი დრო მოძრაობისთვის!
Did you like the article?
Share on social platforms