რა განაპირობებს ავტომობილის ეფექტურ მუხრუჭს?  მარტივად - სამუხრუჭე ხუნდები და საყრდენი დისკები, აუცილებლად ხარისხიანი. 

ხუნდის ხარისხზე მიგვანიშნებს შემდეგი კრიტერიუმები: მოკლე სამუხრუჭე მანძილი, ჩუმი მუხრუჭი და ტემპერატურული მდგრადობა.

 კარგი სამუხრუჭე ხუნდის დასამზადებლად საჭიროა ხარისხიანი ფრიქციული მასალა, ასევე, ბევრი ქიმიური თუ ბიოლოგიური ნივთიერება. მათ შორისაა აზბესტი და სპილენძი. ამ ნივთიერებებს ახასიათებთ მაღალი ტემპერატურული მდგრადობა, რაც განაპირობებს ხუნდის გადახურებისგანდაცვას.

სამწუხაროდ, ეს ნივთიერებები აბინძურებდა გარემოს, რის გამოც მსოფლიოში მსხვილმა მწარმოებლებმა ამოიღეს ისინი ხუნდის შემადგენლობიდან, უფრო მეტიც, ევროპასა და ამერიკაში, მათ შორის, საქართველოშიც, აკრძალულია აზბესტის შემცველი ხუნდების იმპორტი.
სპილენძის შემცველობა კი მინიმუმადე, 0.05%-მდე იქნა დაყვანილი.

შემადგენლობის მიხედვით გამოყოფენ 3 სახეობის ხუნდებს:

მეტალის დაბალი შემცველობის ხუნდები (Low-Metalic) - შეიცავს 15-25%-მდე მეტალს. გამოირჩევა მაღალი ტემპერატურული მდგრადობით, კარგი სამუხრუჭე მანძილითა და ექსპლუატაციის დიდი ვადით. ადრე გავრცელებული, ნახევრად მეტალის(Semi-Metalic) ხუნდებისგან განსხვავებით აქვს დისკზე ნაკლები ცვეთა და დაბალი ხმა. ჩვენი ყველა ხუნდი არის დაბალი მეტალის შემცველობის.

ორგანული ხუნდები (Organic) - იქიდან გამომდინარე, რომ აზბესტი საკმაოდ მავნე ნივთიერება აღმოჩნდა, საჭირო გახდა მსგავსი მავნე ნივთიერებისგან თავისუფალი ხუნდების წარმოება. ასეთი ხუნდი არის Non-Asbestos Organic (NAO), ანუ ორგანული ხუნდები. მიუხედავად იმისა, რომ მოცემული ტიპის ხუნდები არის გარემოსთვის ბევრად უსაფრთხო, ეს ხუნდები წარმოქმნის ზომიერ ხახუნს და არ არის გათვლილი მაღალ ტემპერატურაზე. პლუსი კი ის არის, რომ მისი მეტალისა და სხვადასხვა სპილენძის დაბალი შემადგენლობის გამო მუხრუჭის დროს ხმა აქვს ნაკლები და არც სამუხრუჭე დისკზე არ ახდენს დიდ სტრესს. აქვს დაბალი შესასყიდი ფასი.

კერამიკული ხუნდები (Ceramic) - თითქმის არ შეიცავს მეტალს. აღნიშნული ტიპის ხუნდებს ახასიათებთ მაღალი ტემპერატურული მდგრადობა, ჩუმი მუხრუჭი, კარგი სამუხრუჭე მანძილი, ექსპლუატაციის დიდი ვადა. Semi-Metalic-თან შედარებით არ გამოყოფს მტვერს და თქვენი დისკები მუდამ ბზინვარე იქნება. კერამიკის ხუნდები შედარებით რთულად მუშაობს დაბალ ტემპერატურაზე. აქვს მაღალი შესასყიდი ფასი.

როდის უნდა შევცვალოთ ხუნდები?

პირველი, ყველაზე თვალსაჩინო პრობლემა მაშინ დგება, როდესაც ხუნდი წრიპინს იწყებს, თუმცა, ხუნდის წრიპინი, ცალსახად სულაც არ ნიშნავს იმას, რომ ხუნდების შეცვლის დროა. წრიპინის ერთ-ერთი მიზეზი შესაძლოა გადახურებაც იყოს. ამიტომ, ხუნდის შეცვლამდე მნიშვნელოვანია სერვისში მისი შემოწმება.

ყველაზე ხშირად გაცვეთილი ხუნდის შესახებ, ჩვენი ავტომობილის ელექტრონული სენსორები ბორტკომპიუტერით  გვატყობინებს.
ეს ის დროა, როცა ჩვენი მანქანის ხუნდებმა თავისი რესურსი ბოლომდე ამოწურეს.

თუ გიყვარს სიჩქარე და ექსტრემალური მართვა, მაშინ შენთვის მნიშვნელოვანია ტემპერატურული მდგრადობა და კარგი სამუხრუჭე მანძილი. 

ხოლო თუ ქალაქის გადატვირთულ მოძრაობაში გიწევს სიარული და მუხრუჭის ხშირად გამოყენება, ყიდვისას გადამწყვეტი ფაქტორი ხუნდის გამძლეობა უნდა იყოს.

ნებისმიერ შემთხვევაში, ამბოლში  ჩვენი სერვის კონსულტანტი შეგიმოწმებს ხუნდების მდგომარეობას და  ავტომობილის მოდელისთვის შესაფერის ხუნდსაც შეგირჩევს.