შპს „ამბოლი“ პატივს სცემს თქვენი პირადი ცხოვრებისა და პერსონალურ მონაცემთა დაცვის უფლებებს. ჩვენთვის პრიორიტეტულია, პერსონალური მონაცემები დავამუშაოთ კონფიდენციალურობის დაცვის საუკეთესო პრაქტიკისა და მოქმედი კანონმდებლობის შესაბამისად. 

ამ განაცხადში აღწერილია კომპანიის მომხმარებლების პერსონალური მონაცემების დამუშავების პროცესი, მათ შორის ვებგვერდის - www.amboli.ge მეშვეობით, წარმოდგენილია თქვენი მონაცემთა დაცვის უფლებები და მათი რეალიზების მექანიზმები. განაცხადში გამოყენებულ ტერმინებს აქვთ „პერსონალურ მონაცემთა დაცვის შესახებ“ საქართველოს კანონით და სხვა ნორმატიული აქტებით განსაზღვრული მნიშვნელობა.

 ვინ არის პასუხისმგებელი თქვენი მონაცემების დამუშავებაზე? 

კომპანიის სრული სახელწოდება და პროფილი: შპს „ამბოლი“ (ს/ნ 216402791) (შემდეგში „ჩვენ“, „ამბოლი“ ან/და „კომპანია“) - ავტოპროდუქტებისა და ავტოსერვისის ქსელური კომპანიაა, რომლის ძირითადი საქმიანობა დაკავშირებულია ავტონაწილების რეალიზაციასთან და ავტოსერსვისის მომსახურების გაწევასთან. ამბოლი მოქმედებს როგორც მონაცემთა დამუშავებისთვის პასუხისმგებლი პირი.

მისამართი და საკონტაქტო მონაცემები: ქ. თბილისი, ანა პოლიტკოვსკაიას №14; ტელ.: 032 215 40 40 ელ. ფოსტა: info@amboli.ge. 

ამ განაცხადთან ან/და ამბოლის მიერ პერსონალურ მონაცემთა დამუშავების პრაქტიკასთან დაკავშირებით კითხვების შემთხვევაში, დაგვიკავშირდით: 

პერსონალურ მონაცემთა დაცვის ოფიცერი - შპს “Privacy Professionals“ (ს/ნ: 405682916); ელ. ფოსტა: privacyprofessionalsgeo@gmail.com. 

რა მონაცემებს ვამუშავებთ? 

ჩვენ, როგორც ავტოპროდუქტების სარეალიზაციო და ავტოსერვისის გამწევ კომპანიას, გვესაჭიროება ინფორმაცია შესაბამისი ხელშეკრულების გასაფორმებლად და აღნიშნულ ინფორმაციას ჩვენ მოვიპოვებთ უშუალოდ თქვენგან. ამგვარი მონაცემები როგორც წესი, არ არის საჯაროდ ხელმისაწვდომი. კომპანიის მიერ დამუშავებული მონაცემების კატეგორია დამოკიდებულია შესყიდული პროდუქციის/მომსახურების ტიპზე და შესაძლოა მოიცავდეს ქვემოთ ჩამოთვლილს: 

მაიდენტიფიცირებელი მონაცემები: სახელი, გვარი, ასაკი, სქესი, დაბადების თარიღი, ადგილი, პირადობის დამადასტურებელი დოკუმენტის სახე, მისი მონაცემები, ფოტოსურათი, პირადი ნომერი, ხელმოწერა, ფაქტობრივი და რეგისტრაციის მისამართი.

საკონტაქტო მონაცემები: ტელეფონის ნომერი, ელექტრონული ფოსტის მისამართი, ფაქტობრივი და რეგისტრაციის მისამართი. 

სხვა ინფორმაცია: ვებგვერდზე რეგისტრაციისას მითითებული მონაცემები, საბანკო ანგარიშის ნომერი, ტექნიკური პასპორტი, ავტოტრანსპორტის მარკა, მოდელი, გამოშვების წელი, სახელმწიფო ნომერი, შეძენილი ან/და მონიშნული პროდუქტების შესახებ ინფორმაცია. 

IP მისამართი; მოწყობილობის ტიპი; ბრაუზერი; ვებგვერდის ვიზიტის დრო, თარიღი და ხანგრძლივობა; რომელი პლატფორმიდან გადმომისამართდა მომხმარებელი კომპანიის ვებგვერდზე; ინფორმაცია კომპანიის ვებგვერდზე განხორციელებული ქმედებების შესახებ - რა პროდუქტები მოინახულა მომხმარებელმა; ჩვენს ვებ-გვერდზე არსებულ

„ტრაფიკზე“ თვალის მიდევნების მიზნით ვიყენებთ სხვადასხვა ანალიტიკურ მომსახურებას). 

ასევე, ინფორმცია ამბოლის მიერ თქვენთვის გაწეული მომსახურებისა და თქვენ მიერ ამბოლისგან მიღებული პროდუქტების შესახებ, თქვენთან სხვადასხვა ფორმით და საშუალებით კომუნიკაციის შედეგად მოპოვებული მონაცემები და ნებისმიერი სხვა ინფორმაცია, რომლის დამუშავების ვალდებულება კომპანიას ეკისრება კანონმდებლობით, ან/და ესაჭიროება სხვადასხვა ლეგიტიმური მიზნით.

ჩვენ მიერ დამუშავებული მონაცემების შეგროვება აუცილებელია თქვენთან გარიგების დასადებად და შემდგომ საკანონმდებლო თუ ხელშეკრულებით ნაკისრი ვალდებულებების უზრუნველსაყოფად. ეს მოიცავს ასევე განსახორციელებელ და განხორციელებულ გადახდებს, გადახდის ფორმას (უნაღდო ანგარიშსწორების შემთხვევაში, საბანკო რეკვიზიტებს), თქვენს მიერ არჩეულ პროდუქტს/მომსახურებას. მონაცემთა ყოველი შეგროვებისას შეგატყობინებთ თუ რა მონაცემებია სავალდებულოდ მოსაწოდებელი და რა შედეგები შეიძლება დადგეს მათი მოუწოდებლობის შემთხვევაში. 

ჩვენ ინფორმაციას ვაგროვებთ უშუალოდ თქვენგან, როდესაც საკუთარი ნებით გვაწვდით მაგალითად, პროდუქტის შევსებისას, ან/და სერვისის გაწევისას. ასევე, ვაგროვებთ სხვა წყაროებიდანაც, შესაბამისი ლეგიტიმური მიზნების და საჭიროების არსებობისას. 

მონაცემთა დამუშავების მიზნები 

„ამბოლში“ თქვენი პერსონალური მონაცემები შესაძლოა დამუშავდეს სხვადასხვა მიზნით, თუმცა მიზანი ყოველთვის არის კონკრეტული, მკაფიოდ განსაზღვრული და კანონიერი. „კომპანიაში“ თქვენი მონაცემები მუშავდება მხოლოდ იმ მოცულობით, რომელიც აუცილებელია კანონიერი მიზნის მისაღწევად და მხოლოდ იმ ვადით, რაც აუცილებელია, მონაცემების დამუშავების მიზნის მისაღწევად. 

თქვენი პერსონალური მონაცემები შესაძლოა დამუშავდეს, მათ შორის, შემდეგი მიზნით: 

• პოტენციური/არსებული კლიენტებისათვის მომსახურების შეთავაზება/გაწევა;
• მომსახურების ხარისხის გაუმჯობესება და კლიენტებთან კომუნიკაცია;
• მომსახურების დანერგვისათვის საჭირო კვლევის განხორციელება;
• კომპანიის შესახებ განახლებული ინფორმაციის მომხმარებლისთვის შეტყობინება;
• მარკეტინგული და სხვა სახის აქტივობების განხორციელება, მაგალითად კონკურსში/გათამაშებაში/ სხვა სახის ღონისძიებაში მონაწილე პირების მონაცემების დამუშავება;
• მარკეტინგის სფეროში ხელშეკრულების გაფორმება და კონტრაქტორებთან ურთიერთობა;
• პოტენციური კლიენტების მოძიება;
• მომხმარებლის იდენტიფიცირება, ხელშეკრულების გაფორმება და ანგარიშის/მომსახურების მართვა, მათ შორის, დისტანციური მართვის სერვისის გაწევა;
• კომპანიის           მიმართ           სხვადასხვა           საშუალებით           დაფიქსირებული პრეტენზიის/მოთხოვნის განხილვა, მომხმარებლისთვის დახმარების გაწევა, ხარვეზის აღმოფხვრა;
• ფიზიკური პირის მიერ კომპანიის ცხელ ხაზზე შეტყობინების დაფიქსირება;
• კომპანიის კანონისმიერი ვალდებულებების ჯეროვნად შესრულება;
• მომხმარებელთან ეფექტური კომუნიკაცია, მის მიერ უკუკავშირის დამყარება;
• მომხმარებლის მიერ განხორციელებული შესყიდვების თაობაზე ინფორმაციის მიწოდება;
• მომხმარებლის      მიერ      ფულადი      ვალდებულების      შესრულების      თაობაზე უფლებამოსილი მესამე პირისგან ინფორმაციის მიღება;
• მომხმარებლის მიერ შეძენილი/არჩეული/მისაღები მომსახურებ(ებ)ის მოწოდება;
• ანგარიშსწორების განხორციელება;
• მომსახურების ხარისხის უზრუნველყოფა;
• კურიერის მიერ ადრესატისათვის გზავნილის/პროდუქტის ჩაბარება;
• მომხმარებლის მიერ ვებგვერდზე გამოვლენილი აქტივობების მონიტორინგი;
• ვებგვერდზე ახალი პროდუქტებისა და სიახლეების დანერგვა;
• კომპანიის სისტემის არამართლზომიერი გამოყენების პრევენცია;
• საქართველოს სისხლის სამართლის კოდექსით გათვალისწინებული დანაშაულის პრევენცია;
• სახელმწიფო კომპეტენტური ორგანოებისათვის ინფორმაციის მიწოდება;
• კომპანიის ლეგიტიმური ინტერესების დაცვა;
• პირდაპირი მარკეტინგის მიზნებისათვის, კომპანიის მომსახურებების, ასევე კომპანიის პარტნიორი კომპანიების პროდუქტების/ერთობლივი პროდუქტების თაობაზე მომხმარებლისთვის ინფორმაციის/შეტყობინების მოწოდება;
• გაწეული მომსახურებების თაობაზე გამოკითხვებისა და კვლევების ჩატარება;
• პერსონალური მონაცემების გაცემასთან, შესწორებასთან, დამუშავებასთან, მათ შორის, პირდაპირი მარკეტინგის მიზნებისათვის დამუშავების შეწყვეტასთან დაკავშირებით, მომხმარებლის მოთხოვნების აღრიცხვა და მოთხოვნის შესრულების უზრუნველყოფა;
• მომხმარებლის თანხმობის საფუძველზე, კომპანიამ შესაძლოა მონაცემები დაამუშაოს ყველა იმ სხვა კანონიერი მიზნისთვის, რომელზეც მომხმარებელმა სათანადო ინფორმაციის მიღების შემდგომ თანხმობა განაცხადა. 

მონაცემთა დამუშავების საფუძველი 

„კომპანიაში“ თქვენი პერსონალური მონაცემები მუშავდება მხოლოდ შესაბამისი საფუძვლის არსებობის შემთხვევაში. მონაცემთა დამუშავების დროს შესაძლოა არსებობდეს ერთი ან ერთდროულად რამდენიმე საფუძველი. 

ჩვენ მიერ პერსონალური მონაცემების დამუშავება ხორციელდება შემდეგი საფუძვლების არსებობისას:

• არსებობს მონაცემთა სუბიექტის, თქვენი ნებაყოფლობითი თანხმობა მონაცემთა ერთი ან რამდენიმე კონკრეტული მიზნით დამუშავებაზე, რომელიც შესაძლოა გამოხატული იყოს, როგორც წერილობითი, ისე ზეპირი, სატელეკომუნიკაციო, ელექტრონული ან სხვა შესაბამისი ფორმით;
• მონაცემთა დამუშავება აუცილებელია მონაცემთა სუბიექტთან დადებული გარიგებით ნაკისრი ვალდებულების შესასრულებლად ან მონაცემთა სუბიექტის მოთხოვნით გარიგების დასადებად;
• მონაცემთა დამუშავება გათვალისწინებულია კანონით;
• მონაცემთა დამუშავება საჭიროა „ამბოლის“ მიერ მისთვის კანონმდებლობით დაკისრებული მოვალეობების შესასრულებლად;
• მონაცემები კანონმდებლობის თანახმად საჯაროდ ხელმისაწვდომია ან მონაცემთა სუბიექტმა იგი საჯაროდ ხელმისაწვდომი გახადა;
• მონაცემთა დამუშავება აუცილებელია „ამბოლის“ ან მესამე პირის მნიშვნელოვანი ლეგიტიმური ინტერესების დასაცავად, გარდა იმ შემთხვევისა, თუ არსებობს მონაცემთა სუბიექტის (მათ შორის, არასრულწლოვანის) უფლებების დაცვის აღმატებული ინტერესი;
• მონაცემთა დამუშავება აუცილებელია მონაცემთა სუბიექტის განცხადების განსახილველად და მისთვის მომსახურების გასაწევად. 

თქვენი მონაცემების მიმღები პირები 

ჩვენ ვიღებთ ვალდებულებას დავიცვათ მიღებული ნებისმიერი სახის ინფორმაციის კონფიდენციალურობა და უსაფრთხოება. თუმცა, პერსონალური მონაცემების გადაცემა/გამჟღავნება მესამე პირებისთვის, შესაძლოა საჭირო გახდეს კანონმდებლობით პირდაპირ გათვალისწინებულ შეთხვევებში ან მომხმარებელთან გაფორმებული ხელშეკრულებით გათვალისწინებულ ფარგლებში. აქედან გამომდინარე, გარკვეული კატეგორიის პერსონალური მონაცემების მიმღები შესაძლოა იყოს: 

• სამართალდამცავი ორგანოები ან სხვა პირი, ზარალის თავიდან აცილებისა ან/და მისი დარეგულირებისა და ანაზღაურების მიზნით, ასევე კანონმდებლობით განსაზღვრული საჯარო ინტერესის სფეროში შემავალი ამოცანების (მათ შორის, დანაშაულის აცილების, დანაშაულის გამოძიების, სისხლისსამართლებრივი დევნის, მართლმსაჯულების განხორციელების და ა.შ.) შესასრულებლად;
• ნებისმიერი ადგილობრივი სახელმწიფო ორგანიზაციები/სამსახურები, კანონმდებლობით განსაზღვრული მოთხოვნების შესრულების მიზნით;
• სხვა პირი (ფიზიკური ან იურიდიული), რომელიც თქვენს პერსონალურ მონაცემებს ამუშავებს „ამბოლისთვის“ ან მისი სახელით, მხოლოდ იმ შემთხვევაში, თუ „ამბოლს“ გაფორმებული აქვს დამუშავებაზე უფლებამოსილ პირთან შესაბამისი წერილობითი ხელშეკრულება. ხელშეკრულების გაფორმებამდე „ამბოლი“ ყოველთვის წინასწარ რწმუნდება მხარის სანდოობაში და ხელშეკრულებით ითვალისწინებს დამუშავებაზე უფლებამოსილი პირის ვალდებულებას, უზრუნველყოს ისეთი ორგანიზაციული და ტექნიკური ზომები, რაც დაიცავს თქვენს მონაცემებს, ხოლო ხელშეკრულების გაფორმების შემდეგ მონიტორინგს უწევს დამუშავებაზე უფლებამოსილი პირის მიერ მისი ვალდებულებების შესრულების პროცესს - მისი წარმომადგენლების მეშვეობით ამოწმებს დამუშავებაზე უფლებამოსილი პირის სამუშაო ადგილს, სადაც ხორციელდება თქვენი პერსონალური მონაცემების დამუშავება და ადგილზე ახორციელებს ინსპექტირებას მონაცემთა უსაფრთხოებისთვის გატარებული ღონისძიებების შემოწმების მიზნით. აღნიშნული ვალდებულებების დარღვევისთვის „ამბოლსა“ და დამუშავებაზე უფლებამოსილ პირს შორის გაფორმებული ხელშეკრულებები ითვალისწინებს სანქციებს. 

მონაცემთა შენახვის ვადა 

მონაცემები შეინახება თქვენი მომსახურების მთელი პერიოდის განმავლობაში, იმ ვადით, რაც საჭიროა ზემოთ ჩამოთვლილი მიზნების მისაღწევად, მათ შორის, თქვენთან სახელშეკრულებო ურთიერთობის შეწყვეტის შემდგომაც, თუ ეს საჭიროა კანონმდებლობით გათვალისწინებული ვალდებულებების შესასრულებლად. 

კონფიდენციალობის გარანტიები 

ამბოლს უზრუნველვყოფს მოწოდებული ინფორმაციის მაქსიმალურ დაცულობას კანონმდებლობით დადგენილი წესით. ვჩვენ ზრუნავთ თქვენი ინფორმაციის უსაფრთხოებასა და კონფიდენციალურობაზე, თუმცა, ვიხსნით პასუხისმგებლობას მესამე პირების მიერ ინფორმაციის არასანქცირებულ წვდომაზე ამ მონაცემების კომპანიისთვის მოწოდების დროს (მათ შორის, ინფორმაციის დისტანციურად მოწოდებისას). 

თქვენ პასუხისმგებლობას იღებთ მოწოდებული ინფორმაციის სიზუსტეზე. თქვენი მონაცემების ცვლილებების შემთხვევაში, შეგიძლიათ გვაცნობოთ აღნიშნულის თაობაზე და შეძლებისდაგვარად მყისიერად, თუმცა, არაუგვიანეს 10 (ათი) დღისა მოვახდენთ რეაგირებას და ავსახავთ ცვლილებებს შესაბამის მონაცემთა ბაზებში. 

ამბოლი იღებს სათანადო უსაფრთხოების ზომებს, რათა დაიცვას მის კონტროლის ქვეშ არსებული მონაცემები არაუფლებამოსილი წვდომისგან, მათი უკანონო გამოყენებისგან და გამჟღავნებისგან, განადგურებისგან ან შემთხვევითი დაკარგვისგან.

კომპანია უზრუნველყოფს ასევე უსაფრთხოების სათანადო ზომებსა და პროცედურების არსებობას, მას გააჩნია დოკუმენტირებული ინფორმაციული უსაფრთხოების პროგრამა და ინფორმაციული უსაფრთხოების პოლიტიკა, სადაც განსაზღვრულია მმართველობითი, ტექნიკური, საოპერაციო და ფიზიკური უსაფრთხოების კონტროლის ღონისძიებები, რომლებიც შეგროვებული ინფორმაციისა და ჩვენი ბიზნესის თავისებურებების თანაბარზომიერია. 

ჩვენ გულისხმიერად ვეკიდებით თქვენი კონფიდენციალურობისა და მონაცემთა დაცვის უფლებებს და წინამდებარე პოლიტიკით განსაზღვრული შემთხვევების გარდა, თქვენ მონაცემებს გავამჟღავნებთ მხოლოდ იმ შემთხვევაში თუ ამას მოითხოვს კანონი, საზედამხედველო, მარეგულირებელი ან/და სამართალდამცავი ორგანოები, ან/და საკუთარი უფლებების ან სხვათა უფლებების დასაცავად და კანონმდებლობით გათვალისწინებულ სხვა შემთხვევებში.

თქვენი მონაცემთა დაცვის უფლებები 

თქვენ, გაქვთ შესაძლებლობა ისარგებლოთ კანონმდებლობით მონიჭებული ყველა უფლებამოსილებით. მათ შორის:

• მონაცემთა დამუშავების შესახებ ინფორმაციის მიღების უფლება

თქვენ გაქვთ უფლება, ჩვენ და დამუშავებაზე უფლებამოსილ პირს მოსთხოვოთ იმის დადასტურება, მუშავდება თუ არა თქვენ შესახებ მონაცემები, დასაბუთებულია თუ არა მონაცემთა დამუშავება და მოთხოვნის შესაბამისად უსასყიდლოდ მიიღოთ შემდეგი ინფორმაცია:

ა) თქვენ შესახებ იმ მონაცემის თაობაზე, რომელიც მუშავდება, აგრეთვე ამ მონაცემის დამუშავების საფუძვლისა და მიზნის შესახებ;

ბ) მონაცემთა შეგროვების/მოპოვების წყაროს შესახებ;

გ) მონაცემთა შენახვის ვადის (დროის) შესახებ, ხოლო თუ კონკრეტული ვადის განსაზღვრა შეუძლებელია, ვადის განსაზღვრის კრიტერიუმების თაობაზე;

დ)მონაცემთა გადაცემის სამართლებრივი საფუძვლისა და მიზნების, აგრეთვე მონაცემთა დაცვის სათანადო გარანტიების შესახებ, თუ მონაცემები გადაეცემა სხვა სახელმწიფოს ან საერთაშორისო ორგანიზაციას;

ე) მონაცემთა მიმღების ვინაობის ან მონაცემთა მიმღებების კატეგორიების შესახებ, მათ შორის, ინფორმაცია მონაცემთა გადაცემის საფუძვლისა და მიზნის თაობაზე, თუ მონაცემები მესამე პირს გადაეცემა;

ვ) ავტომატიზებული დამუშავების, მათ შორის, პროფაილინგის შედეგად მიღებული გადაწყვეტილების და იმ ლოგიკის შესახებ, რომელიც გამოიყენება ამგვარი გადაწყვეტილების მისაღებად, აგრეთვე მონაცემთა დამუშავებაზე მისი გავლენისა და დამუშავების მოსალოდნელი/სავარაუდო შედეგის თაობაზე.

• მონაცემთა გაცნობისა და ასლის მიღების უფლება

თქვენ, როგორც მონაცემთა სუბიექტს უფლება გაქვთ, ჩვენთან და დამუშავებაზე უფლებამოსილ პირთან გაეცნოთ თქვენ შესახებ არსებულ პერსონალურ მონაცემებს და უსასყიდლოდ მიიღოთ ამ მონაცემების ასლები, გარდა კანონმდებლობით გათვალისწინებული გამონაკლისებისა.

• მონაცემთა გასწორების, განახლებისა და შევსების უფლება

თქვენ უფლება გაქვთ, ჩვენ და დამუშავებაზე უფლებამოსილ პირს მოგვთხოვოთ თქვენ შესახებ მცდარი, არაზუსტი ან/და არასრული მონაცემების გასწორება, განახლება ან/და შევსება.

• მონაცემთა დამუშავების შეწყვეტის, წაშლის ან განადგურების უფლება

თქვენ უფლება გაქვთ, ჩვენ და დამუშავებაზე უფლებამოსილ პირს მოსთხოვოთ თქვენ შესახებ მონაცემთა დამუშავების (მათ შორის, პროფაილინგის) შეწყვეტა, წაშლა ან განადგურება.

• მონაცემთა დაბლოკვის უფლება

თქვენ, როგორც მონაცემთა სუბიექტს უფლება გაქვთ, ჩვენ და დამუშავებაზე უფლებამოსილ პირს მოსთხოვოთ მონაცემთა დაბლოკვა, თუ არსებობს ერთ-ერთი შემდეგი გარემოება:

ა) სადავოდ ხდით მონაცემების ნამდვილობას ან სიზუსტეს;

ბ) მონაცემთა დამუშავება უკანონოა, თუმცა ეწინააღმდეგებით მათ წაშლას და ითხოვს მონაცემთა დაბლოკვას;

გ) მონაცემები საჭირო აღარ არის მათი დამუშავების მიზნის მისაღწევად, თუმცა თქვენ ისინი გჭირდებათ საჩივრის/სარჩელის წარსადგენად;

დ) თქვენ მოითხოვეთ მონაცემთა დამუშავების შეწყვეტა, წაშლა ან განადგურება და მიმდინარეობს ამ მოთხოვნის განხილვა;

ე)    არსებობს    მონაცემების    მტკიცებულებად   გამოყენების    მიზნით    შენახვის აუცილებლობა. 

• მონაცემთა გადატანის უფლება

კანონმდებლობით გათვალისწინებული საფუძვლებით მონაცემთა ავტომატური დამუშავების შემთხვევაში, თუ ეს ჩვენი მხრიდან ტექნიკურად შესაძლებელია, უფლება გაქვთ, ჩვენგან და დამუშავებაზე უფლებამოსილი პირისგან სტრუქტურიზებული, საზოგადოდ გამოყენებადი და მანქანურად წაკითხვადი ფორმატით მიიღოთ თქვენ მიერ მოწოდებული მონაცემები ან მოითხოვოთ ამ მონაცემთა სხვა დამუშავებისთვის პასუხისმგებელი პირისთვის გადაცემა.

• ავტომატიზებული ინდივიდუალური გადაწყვეტილების მიღება და მასთან დაკავშირებული უფლებები

თქვენ უფლება გაქვთ, არ დაექვემდებაროთ მხოლოდ ავტომატიზებულად, მათ შორის, პროფაილინგის საფუძველზე, მიღებულ გადაწყვეტილებას, რომელიც თქვენთვის წარმოშობს სამართლებრივ ან სხვა სახის არსებითი მნიშვნელობის მქონე შედეგს, გარდა კანონმდებლობით გათვალისწინებული შემთხვევებისა.

• თანხმობის გამოხმობის უფლება

თქვენ უფლება გაქვთ, ნებისმიერ დროს, ყოველგვარი განმარტების ან დასაბუთების გარეშე გამოიხმოთ თქვენ მიერ გაცემული თანხმობა პერსონალური მონაცემების დამუშავების თაობაზე. ამ შემთხვევაში, თქვენი მოთხოვნის შესაბამისად, ჩვენ შევწყვეტთ მონაცემთა დამუშავებას ან/და წავშლით ან გავანადგურებთ დამუშავებულ მონაცემებს კანონმდებლობით დადგენილ ვადებში, თუ მონაცემთა დამუშავების სხვა საფუძველი არ იარსებებს. 

თქვენ უფლება გაქვთ, თანხმობა გამოიხმოთ იმავე ფორმით, რომლითაც თანხმობა განაცხადეთ. ამასთან, ამასთან აღნიშნულის განხორციელება ასევე შეგიძლიათ ჩვენს იურიდიულ მისამართზე წერილობითი შეტყობინების გამოგზავნის, ჩვენს ტელეფონის ნომერზე (032 215 40 40) დაკავშირებით, ჩვენს ელექტრონულ მისამართზე: info@amboli.ge ელექტრონული შეტყობინების გამოგზავნის ან ჩვენს ნებისმიერ ოფისში მოთხოვნის გაცხადების გზით.

თქვენ უფლება გაქვთ თანხმობის გამოხმობამდე მოგვთხოვოთ და მიიღოთ ინფორმაცია თანხმობის გამოხმობის შესაძლო შედეგების შესახებ. 

გთხოვთ გაითვალისწინოთ, რომ ზემოაღნიშნული უფლებების რეალიზებისთვის ჩვენ მოვახედენთ თქვენს იდენტიფიკაციას, რათა დავრწმუნდეთ, რომ პერსონალური მონაცემების შემცველი ინფორმაცია მიეწოდება მონაცემთა სუბიექტს ან ამისთვის სათანადოდ უფლებამოსილ პირს. 

• გასაჩივრების უფლება

თქვენ უფლება გაქვთ, „პერსონალურ მონაცემთა დაცვის შესახებ“ საქართველოს კანონმდებლობით დადგენილი უფლებებისა და წესების დარღვევის შემთხვევაში კანონით დადგენილი წესით მიმართოთ პერსონალურ მონაცემთა დაცვის სამსახურს, სასამართლოს ან/და ზემდგომ ადმინისტრაციულ ორგანოს.

ამასთან, ჩვენი ქმედების გასაჩივრების უფლებამოსილება გაქვთ ჩვენს ოფიციალურ ელექტრონულ მისამართზე: info@amboli.ge -ზე.

• პირდაპირი მარკეტინგის მიზნით გაცხადებული თანხმობის გამოხმობის უფლება

თქვენ ასევე გაქვთ უფლება გამოიხმოთ პირდაპირი მარკეტინგის მიზნით გაცხადებული თანხმობა ნებისმიერ დროს, ყოველგვარი საფასურის გადახდის გარეშე იმავე ფორმით, რომლითაც პირდაპირი მარკეტინგი ხორციელდება თქვენ მიმართ. ასევე, საჭიროების შემთხვევაში, თანხმობის გამოხმობის უფლება გაქვთ ჩვენს ტელეფონის ნომერზე (032 215 40 40) დარეკვის, ჩვენს ელექტრონულ მისამართზე: info@amboli.ge ელექტრონული შეტყობინების გამოგზავნის ან ჩვენს ნებისმიერ ოფისში მოთხოვნის გაცხადების გზით. 

ზემოაღნიშნული უფლებები შესაძლოა შეიზღუდოს კანონმდებლობით გათვალისწინებულ შემთხვევებში. 

ცვლილებები მონაცემთა დაცვის პოლიტიკაში

უფლებას ვიტოვებთ ნებისმიერ დროს განვაახლოთ პოლიტიკა. თქვენი პერსონალური მონაცემების დამუშავებაში ან პოლიტიკის არსებითი ცვლილებების შემთხვევაში, გექნებათ საშუალება გაეცნოთ შეცვლილ პირობებს. ეს პოლიტიკა ვრცელდება ყველა ინფორმაციაზე, რომელსაც ვებგვერდის მეშვეობით ვამუშავებთ თქვენს შესახებ.

შპს “Privacy Professionals“
ს/ნ 405682916
მის.: თბილისი, ვაჟა-ფშაველას გამზირი №3 
ტელ.: 599 900 215 
ელ. ფოსტა: privacyprofessionalsgeo@gmail.com