მოგზაურობა ეს არის საყვარელ ადამიანებთან ერთად ან თუნდაც მარტო, ახალი ადგილების მონახულების, მორიგი გამოცდილებებისა და სასიამოვნო შეგრძნებების მიღების ერთობლიობა. ამასთანავე ის საჭიროებს სათანადო დაგეგმვასა და მომზადებას, თუ რა მარშრუტი უნდა გავიაროთ, რა ადგილები უნდა მოვინახულოთ, რა რაოდენობის საწვავი დაგვჭირდება და საერთოდაც რა ნივთები უნდა წავიღოთ თან ყოველი შემთხვევისთვის.

სწორედ ამ საკითხზე გვინდა გესაუბროთ დღევანდელ ბლოგში და ჩამოვთვლით იმ აუცილებელ და საჭირო ნივთებსა თუ საბუთებს, რომლებიც აუცილებლად თან უნდა ვიქონიოთ გრძელ გზაზე მოგზაურობისას.

ნივთები, რომლებიც თან უნდა გვქონდეს მოგზაურობისას:

სათადარიგო საბურავი - საბურავი ერთადერთი ცვეთადი ნაწილია, რომელსაც გადაადგილებისას, უშუალო შემხებლობა აქვს ზედაპირთან. მას უწევს სხვადასხვა რელიეფური და კლიმატური პირობის დაძლევა, ამიტომ შესაძლებელია ნებისმიერ დროს დაზიანდეს და ვეღარ შევძლოთ მოძრაობის გაგრძელება. სათადარიგო საბურავი კი, ასეთ დროს, იდეალური ვარიანტია პრობლემის აღმოსაფხვრელად.

ბუქსირი - ეს არის ერთ-ერთი მთავარი ატრიბუტი, რომელიც სულ უნდა გვქონდეს მანქანაში. რადგან შესაძლებელია, ჩვენი ან მოძრაობის სხვა მონაწილის ავტომობილი მოულოდნელად მწყობრიდან გამოვიდეს. ბუქსირითა და სხვა მანქანის დახმარებით კი, მარტივად შევძლებთ უახლოეს სახელოსნომდე მისვლას.

სპეციალური ელექტრო კაბელები -  ე.წ ,,პერემიჩკები“, ალბათ ერთხელ მაინც ყველას გვქონია შემთხვევა, როდესაც არასახარბიელო ადგილას ავტომობილი ვეღარ დაქოქილა. ეს, დიდი ალბათობით, აკუმულატორის ბრალია. ასეთ შემთხვევაში ელექტრო კაბელებითა და სხვა ავტომობილის დახმარებით მარტივად დავქოქავთ მანქანას.

გარდა ამ ნივთებისა, საჭიროა, თან ვიქონიოთ ძირითადი დოკუმენტაციაც - მართვის მოწმობა, ავტომობილის რეგისტრაციის მოწმობა, ავტომობილის ტექ. დათვალიერების საბუთი, სადაზღვევო მოწმობა და პირადობის დამადასტურებელი საბუთი. 

პირველადი დახმარების ნაკრები - მაგალითად: ანტისეპტიკური მალამო, დიარეისა და ღებინების სამკურნალო საშუალებები, ბანდაჟები და სახვევები და ა.შ 

და ზოგადად ის ნივთები, რაც მოგზაურობის დროს აუცილებლად დაგვჭირდება - სასმელი წყალი, ტელეფონის დამტენი, ნაღდი ფული, ჰიგიენური საშუალებები, სადეზინფექციო საშუალებები, ნარჩენების ტომრები და ა.შ

გისურვებთ მშვიდობიან მგზავრობას.

ამბოლი, მეტი დრო მოძრაობისთვის.